دلێگەو یاۋنەری یەکینەکانو پارێزنای گەلی-#یەپەگە#ی، سەبارەت بە جەنگ و مدرامان و چالاکی #شەڕڤان#ەکانشان ۋەراۋەر بە هێزە داگیرکەرەکانو تورکیای و تاقمە چەتەکانش جە ڕۆژئاڤا و باکورو سوریای، ۋەڵاکریای سەربازیش دان و دلێشەنە ئامان:
جە مانگێ ۋیەردێ ئاب/ئۆگستۆس، یەکینەکانو پارێزنای گەلی-یەپەگە و یەکینەکانو پارێزنای ژەنێ-#یەپەژە#، جە سەرتاسەرو ڕۆژئاڤای و باکورو سوریای پەی پارێزنای نیشتمانی و گەلی و دەستکەوتەکانو شۆڕشی بە ئەرک و ۋەرپرسیاری ۋێشان هۆرستێنێ و بە مدرامان و چالاکی ڕووبەڕوو هێزە داگیرکەرەکانو تورکیای و تاقمە چەتە بەکرێگیریاکانیش بیێنێۋە و گورزی قورسش ۋنە دێنێ.
#هەپەگە# ئاشکراش کەردەن: بە گردی 18 چالاکیێ جۆراوجۆرێ دژ بە دوژمنی ئەنجامێ دریێنێ و جە ئاکامشانە، 57 سەربازێ تورکیای و چەتێ داگیرکەرێ کوشیێنێ کە 7شان سەربازێ تورکیایەنێ و 2شان سەرچەتێ بیێنێ. هاموەخت 40 سەربازێ و چەتێ بریندارێ بیێنێ. جە چالاکیەکانە 5 چەکێ AK-47، 2 دەمانچێ و چنڎین بەڵگەنامێ سەربازیێ دەستشان سەرەرە گیریان. 4 ئۆتۆمبێلیێ سەربازیێ و 3 ماتۆڕێ دلێنەبریێنێ.
جە #عەفرین# سوپا داگیرکەرەکەو تورکیای بەبەشداری هەزاران سەربازێ و چەتێ و بە پەشتیۋانی فڕۆکێ بێفڕۆکەۋانێ ئۆپەراسیۆنش ئەنجام دان، بەڵام بێ ئەنجام کۆتاییشان ئامان. هاموەخت سپا داگیرکەرەکەو تورکیای 2 جارێ سنورو ڕۆژئاڤا و باکورو سوریاشان بەزنان و جە سەرێکانی هێرشان کەردەن سەرو هاموڵاتییە مەدەنیەکانی و جە ئەنجامشەنە 2 هاموڵاتیێ بریندارێ بیێنێ. جە ۋەراۋەرەنە هێزەکێمان دەستوبرد و بە تنڎی وەڵامو سوپاو تورکیشان دانەۋە.
جە کۆتایی ۋەڵاکریاکەیەنە، یەکینەکانو پارێزنای گەلی-یەپەگە، ئاشکراش کەردەن: 6 هاۋەڵێمان دمای جەنگ و مدرامانی قارەمانانەی جە عەفرین و 4 هاۋەڵێچمان بە نەوەشی و ڕوودایێ هامۆشیێ شەهیدێ بیێنێ. هاموەخت بەڵێنش دان پێسەو یەپەگەی و یەپەژەی بەردەۋام بانە جە ڕووبەڕووبییەی سپاو تورکیای داگیرکەری و تاقمە چەتە بکرێگیاکانیشان و کەسانێ کە هەمکاریشان مەرکەرانە.[1]
#03-09-2018#