دواڕۆژ، بورهان یەحیا
کارگێرییا پارێزگەها #دهۆک# راگەهاند؛ ل سنۆرێ هەر 7 دەڤەرداریێن سەر ب پارێزگەها دهۆک 320 پڕۆژە کارکرن لسەر بەردەوامە.
موسلح قادر، بەرپرسێ راگەهاندنا کارگێرییا پارێزگەها دهۆک بۆ دواڕۆژ رۆهنکر پشتی ل سالا 2014قەیرانا دارایی ب سەر هەرێما کوردستانێ دا هاتی و شەرێ #داعش# ژی پەیدابووی ژمارەکا کار و پرۆژەیێن حکومەتا هەرێما کوردستانێ یێن خزمەتکاری هاتبونە راگرتن لێ پشتی دەستپێکا سالا 2018 رەوشا ئابوری تا رادەکی بەرەف باشبوون چویی حکومەتێ ب رێکا پارێزگەها دهوکێ دەست بجهئینانا چەند پروژێن خزمەتکاری کریە.
خویاکر ل سنۆرێ پارێزگەها دهۆک نێزیکی 379 پروژە بەردەست هەنە هندەک ژوان کار ل سەر دهێتە کرن و هندەک ژی ب دووماهی هاتینە کوژمێ وان دگەهیتە 11ملیار دیناران، هەروەسا 320 پروژەیێن خزمەتگوزاری ل سنورێ هەر حەفت دەڤەرداریێن پارێزگەهێ و دبوارێن جودا جودا (ئاڤ و کارەب و رێک و باژێرڤانی و ساخلەمی و ئاڤ وسولین...هتد) کار ل سەر دهێتە کرن و برێژا 95% هاتینە ئەنجامدان.
دیارکر نوکە کار ل سەر نووژەنکرنا 125قوتابخانا ل سەرانسەری پارێزگەهێ دهێتە کرن بهایێ وان پترە ژئێک ملیار دیناران هەروەسا ل سەر بودجا فەرمانگەهێن خزمەتکاری کو ژپشکەکا داهاتێ وان بخو پروژە دهێنە ئەنجامدان ژمارەکا پروژان دهێنە چێکرن وەکو پروژێن کارەبێ و باژێرڤانیان و ئاڤ وئاڤا دەوروبەران ئەوژی 21 پروژەنە هەروەسا ب هاریکاریا رێکخراوێن (یونسێڤ و یو ئێن دی پی) هندەک پروژە دهێنە بجهکرن.
ئاماژەکر سەبارەت دەنگویێ تۆماکرنا وان پروژا ئەوێن پشتی قەیرانا دارایی هاتینە راوستاندن و50% هاتینە بجهئینان مە ژی ئەڤ دەنگویە ژسازیێن راگەهاندنێ گوهلێ بویە لێ هەتا نوکە چ تشتەکێ فەرمی بۆ مە ژ حکومەتا هەرێما کوردستانێ نەهاتیە دیارکرن.[1]
#03-09-2018#
ئەم بابەتە بەزمانی (کرمانجی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 2,904 جار بینراوە
ڕای خۆت دەربارەی ئەم بابەتە بنووسە!