رۆژهەڵاتی کوردستان
- نیگارکێش، ئیسماعیل پاکزادئیسماعیل پاکزاد (سمکۆ پاکزاد) لە مەهابادمەهاباد کۆچی دوایی کرد.[3]
- بە پێی هەواڵی کۆمەلەی مافی مرۆڤی کوردستان رۆژی هەینی هێزەکانی ئیدارەی ئیتلاعاتی ڕژیمی ئێران لە گوندی نێ-ی سەربەشاری مەریوانمەریوان، هاووڵاتییەکی کوردیان بە ناوی محەمەد پەروازە دەسبەسەر کرد. هەروەها کۆمەڵەی مافی مرۆڤی کوردستان رایگەیاندووە کە ڕۆژی پێنج شەممەی ڕابردووە هێزە ئەمنییەکانی کۆماری ئیسلامی 3 هاوولاتی دیکەیان بە ناوەکانی حەمید پەروازە 28ساڵ تەمەن، بڕیارکاوە 25 ساڵ تەمەن و موحسین فەرەهمەندی 26 ساڵ تەمەنیان دەسبەسەرکردووە و گوازراونەتەوە بۆ شوێنێکی نادیار.[1]
- هاووڵاتییەکی کورد خەڵکی شاری بۆکانبۆکان بە ناوی عەلی نەسیری کوڕی حاجی کەریم، کە بە تەقەی هێزە نیزامییەکانی حکوومەتی بە سەختی بریندار ببوو، پاش گواستنەوە و مانەوەی لە نەخۆشخانەی شاری مەهاباد، بە هۆی کاریگەری برینەکانییەوە، گیانی لە دەستدا.[5]
- هێزە ئیتلاعاتییەکان، لاوێکی کوردیان بە ناوی محەمەد پەروازە تەمەن 21 کوڕی مەلاحوسێن خەڵکی گوندی نێی شاری مەریوان، دەسبەسەر کرد.[5]
- بە بەشداری 50 زۆرانوانی کورد لە شارەکانی بانە، سەقزسەقز، کامیاران، مەریوان، بیجاڕبیجاڕ و ئارمەردە، یەکەمین کێبڕکێی زۆرانوانی لە شارەدێی ئارمەردە بەڕێوەچوو.[5]
- هێزە ئیتلاعاتییەکان لە شاری مەریوان دەستیان بە سەر پەیکەری شەریف باجوەرشەریف باجوەر لە گوندی ئێنگیجەی ئەم شارەدا گرت و لەگەڵ خۆیان بردیان.[5]
باشووری کوردستان
- لە شارەدێی شیلادزێشیلادزێ-ی سەر بە پارێزگای دهۆکدهۆک، سوپای تورکی داگیرکەر ئەمڕۆ کاتژمێر 7:30 خولەک چەندین ئۆتۆمبێلی سەربازیی ڕەوانەی بارەگا سەربازییەکانی کردووە لە شارۆچکەی ئامێدیئامێدی.[2]
- شەوی ڕابردوو ژمارەیەک لە فەرمانبەرانی خاڵی گومرگیی کەرکوککەرکوک – هەولێرهەولێر دەستگیرکران. دەستگیرکردنی ئەو فەرمانبەرانە، لەلایەن پۆلیسی عێراقیی و لەسەر داوای دەستەی دەسپاکیی عێراق بووە.[2]
- رێکخراوی ژنانی گەنجی تێکۆشەرژنانی گەنجی تێکۆشەر، دووەمین کۆنفرانسی خۆیان لە شاری سلێمانیسلێمانی دەبەستن، بانگەوازی لە ژنانیش دەکەن، کە بۆ چارەسەرکردنی کێشەکانی ژنان لە باشوری کوردستان و ڕووبەڕووبوونەوەی تووندوتیژییەکان، بەشداری لە کۆنفرانسەکەیاندا بکەن.[2]
- دوانیوەڕۆی ئەمڕۆ، چلەی ماتەمینی د. جەمال ئەحمەد رەشیدجەمال ئەحمەد رەشید پسپۆڕی نەخۆشییەکانی منداڵان لە کەمپی نوێی زانکۆی سلێمانیزانکۆی سلێمانی بەڕێوەچوو.[5]
- لەگەڵ نزیکبوونەوەی قۆناغی دووەمی سزاکانی ئەمریکا بەسەر ئێراندا، مامەڵەکان لە بازاڕەکانی دراوی هەرێم لەگەڵ ئه و وڵاتە رووی لە سستی کردووە، پسپۆڕێکی ئابوریش دەڵێت: باشترە بازرگان و کۆمپانیاکانی بواری دراو تا سەرەتای مانگی داهاتوو خۆیان بەدووربگرن لە مامەڵەکردن بە تمەنی ئێرانییەوە.[4]
رۆژئاوای کوردستان
- یەکەمین کۆنفرانسی زانکۆکانی باکور و ڕۆژهەڵاتی سوریا بەمەبەستی بونیاتنانی سیستمێکی هاوبەش بۆ خوێندنی باڵا لە قامیشلۆقامیشلۆ دەستیپێکرد.[2]
- لە کاتژمێرەکانی نیوەشەودا سوپای تورکیای داگیرکەر و چەتەکانی لە بەردەوامی پێشێلکاری و داگیرکارییەکانیان لە عەفرینعەفرین، گوندی بورج قاس-ی شێراوای عەفرینیان بە هاوەن تۆپباران کرد تۆپباران کرد. سەرچاوە هەرێمییەکان ڕایانگەیاندووە، کە لەو هێرشەدا زیان بەر ماڵی دوو هاووڵاتی بە ناوەکانی ئەحمەد ئەحمۆکا و حەمووش خەلۆ کەوتووە.[1]

#ئیسماعیل پاکزاد | #مەهاباد | #مەریوان | #بۆکان | #سەقز | #بیجاڕ | #شەریف باجوەر | #شیلادزێ | #دهۆک | #ئامێدی | #کەرکوک | #هەولێر | #ژنانی گەنجی تێکۆشەر | #سلێمانی | #جەمال ئەحمەد رەشید | #زانکۆی سلێمانی | #قامیشلۆ | #عەفرین |