یەکێک لە ئەفسەرەکانی سوپای ئێراق بووە، لەکاتی دروستبوونی #کۆماری کوردستان# لە #مەهاباد# و ڕیکخستنی سوپای یەکگرتووی کوردیدا لەگەڵ 4 ئەفسەری تر، پەیوەندی بە سوپای کوردستانەوە دەکەن. بە شێوەی چوار ئەفسەرەکە، #مستەفا خۆشناو#، #خەیڕوڵڵا عەبدولکەریم#، #محەمەد قودسی# و #عیزەت عەبدولعەزیز#، سزای مەرگی بەسەر دادەسەپا، بەلام خۆی بەدەستەوە نەدا و بە قاچاغی ژیا، تا ڕووخانی ڕژێمی پاشایەتیی، لە دەشتی کۆیە مایەوە. ژنی بەکر حەوێزی، خوشکی (مام #جەلال تاڵەبانی#) بوو.مستەفا خۆشناو برای (#هیچ تەنی#) بەکر حەوێزی بوو. هیچ تەنی چیە؟. مستەفا خۆشناو لە ساڵانی سەفەربەرلک، یان سەردەمی قات و قڕی شەڕی یەکەمی جیهانی، بە هەتیوی لە دایکێکی هەژار، لە #بێتواتە# لەدایک بووە. دایکی هەڵی دەگرێت و دێتە کۆیە. لەوێ لەبەردەم کۆسپی ماڵی حەوێزی فڕێی دەدات، بەڵکو هەڵیبگرنەوە و لە مەرگ ڕزگاری بکەن. ئەو لەو ماڵە و لەگەڵ بەکر پێکەوە دەخرێنە بەر خوێندن و پێکەوەش وەک برا گەورە دەبن. پێکەوەش دەچنە کۆڵێژی سەربازی و دەبنە ئەفسەری سوپا.