دەزگای ناوەندی بۆ ئامار لە عێراق، ئەمڕۆ پێنجشەممە ڕایگەیاند، ڕێژەی بێکاریی لەناو گەنجانی عێراقدا گەیشتووەتە 22،6%.
دەزگای ناوەندی بۆ ئاماری سەر بە وەزارەتی پلاندانی عێراق، لە سەرژمێرییەکدا دەڵێت ڕێژەی بێکاریی لە تەمەنی نێوان 15 بۆ 29 ساڵدا گەیشتووەتە 22،6%، ئەوەش واتا بەرزبونەوەی بە ڕێژەی 74% لە ڕێژەی نیشتمانیی.
ئاماژەش بۆ ئەوەدەکات ڕێژەی بێکاریی لەناو ڕەگەزی نێریینەکانی ئه و تەمەنە گەیشتووەتە 18،1%، لە کاتێکدا بێکاریی لەناو ڕەگەزی مێینەکاندا گەیشتووەتە 56،3%.
روونیشیکردووەتەوە ڕێژەی بەشداری گەنجان لە هێزی کاردا گەیشتووەتە 36،1%، لە کاتێکدا ڕەگەزی نێرینەی گەنجان ڕێژەی 61،6% و ڕەگەزی مێینەی گەنجان ڕێژەی 8،8% دەستی کار پێکدەهێنن.
پێشتریش سندوقی نەختێنەی نێودەوڵەتی لە ئایاری ئەمساڵی 2018دا ڕایگەیاند، ڕێژەی بێکاریی گەنجان لە عێراقدا، گەیشتووەتە زیاتر لە 40%.[1]
#23-08-2018#