جەی بارەۋە دلێگە (ناوەند)و یاۋنەری و چاپەمەنی هێزەکانو پارێزنای گەلی-هەپەگە، ۋەڵاکریاش دان و ئاشکراش کەردەن:
بارزان-هەولێر
19 ئابی\28 گەلاوێژی سەعات 06:20 دەیەقێ سەرسائبی، جە دەگاو بایراکی کە سەر بە دەڤەرو بارزان-و پانیشتو کوردستانی، گەریلا دژ بە سەربازە داگیرکەرەکانو تورکیای چالاکیشان ئەنجام دان و جە ئاکامشەنە (2) دۋێ سەربازێ کوشیێنێ و (2)دۋێ تەریچ بریندارێ بیێنێ.
مەهسەرت-مێردین
18 ئابی\27 گەلاوێژی سەعات07:0 سەرسائبی، جە ناوچەو مەهسەرتی کە سەر بە پارێزگەو مێردین-و سەرنیشتو کوردستان-یەن، گەریلا چالاکی گەورەش دژ بە ڕاۋەبەری ئاشاییشی ئەنجام دان. جە چالاکییەکەنە گورزی قورس و گرانی مادی و گیانی جە ڕاۋەبەریەکەی دریان، بەڵام جەی بارەۋە ئامارێ دروست بەدەست نەۋزیان.
گەڤەر-جۆلەمێرگ
17 ئابی\26 گەلاوێژی، نزیک بە دەگاو موشانی کە سەر بە ناوچه و گەڤەر-و جۆلەمێرگ-یەنە، هێزە داگیرکەرەکێ تورکیای بە پەشتیۋانی فڕۆکەی بێفڕۆکەۋانی سیخووڕی ئۆپەراسیۆنشان ئەنجام دان، بەڵام گەریلا ڕووبەڕووشان مدرانەۋە و گورزی قورسش ۋنە دێنێ. هاموەخت بە بۆردومانی فرە قورس، (2) دۋێ گەریلێ شەهیدێ بینێ، کە دماتەر شناسنامەکانشان پەی ڕای گردی ئاشکرا مەکریۆنە.
هەرەکۆڵ-سێرت
18 ئابی\26 گەلاوێژی، جە ناوچه و هەرەکۆل-و پارێزگەو سێرتی، گەریلا و هێزەکێ دوژمنی یەکانگیرێ بینێ و گژیێنێ و جەنگی فرە قورس ڕووەش دێنە. جە جەنگەکەنە کە جە شەۋێ تا سەرسەبای ڕۆی دامایش خاینان، گورزی قورس و گران جە دوژمنی داگیرکەری دریان و کوشتێ و بریندارێ فرێش دێنێ، بەڵام ژمارە و وردەکاری زیانە گیانی و مادیەکانو دوژمنی نەزانیان. دمای ئانەیە کە دوژمن چنەبەر و دەرەقەتو گەریلای نامان، بە چەکی قورس و بەچڕی ناوچەکەش بۆردومان کەردەن و 3 گەریلێ کە قارەمانانە مدرامان و ۋەرگیریشان جە دوژمنی کەردەبێ شەهیدێ بینێ، جە ئایندەی نزیکەنە شناسنامەکانشان پەی ڕای گردی ئاشکرا مەکریۆنە.[1]
#20-08-2018#