دواڕۆژ، #زریان محەمەد#
بۆ مانگی ئابی داهاتوو هاوردەکردنی بەرهەمی پەلەوەر و بەرووبوومی ئاژەڵی لەگەڵ بەرهەمی ناوخۆ هاوسەنگ دەکرێت، ئەمەش بە فەرمی بڕیاری لەسەردراوە.
نازم عەبدوڵا، جێگری سەرۆکی کۆمەڵەی کێڵگە پەلەوەرییەکان بە دواڕۆژی وت بە سەرپەرشتی قایمقامی #سلێمانی#، لە دیوانی قایمقامییەت لەگەڵ لیژنەی دیاریکردنی بەرووبومی پەلەوەری و ئاژەڵی پارێزگای سلێمانی کۆبوینەوە بۆ دیاریکردنی ئەو بەرووبومانەی پڕۆتین لە پێکهاتەکەیدا هەیە و ڕۆژانە خواستی هاوڵاتیانی لەسەرە.
راشیگەیاند لەکۆبوونەوەکەدا بریاردرا بەپێی ڕێنماییە ڤێترنەرییەکان و پشکنینی تاقیگەیی بۆ مانگی ئاب ڕێگە بە هاوردەکردنی بەرووبوومی ئاژەڵی بدرێت بۆ پارێزگای سلێمانی بە بڕی 5000 سەر ئاژەڵ و 500 تۆن گۆشتی سور، بەرووبومی پەلەوەریش دیاریکرا، بە بڕی 500 تۆن مریشک، 510 تۆن هێلکە و بەهۆی خواستی زۆری هاوڵاتیانیش ڕێگە دەدرێت بڕی 2400 تۆن بۆ هەریەکە لە مانگەکانی 8 و 9 و 10 هاوردە بکرێت.
بەرپرسەکەی کۆمەڵەی کێڵگە پەلەوەرییەکان ئاماژەی بەوەشدا بەمەبەستی پاڵپشتیکردن لە بەرهەمی ناوخۆ و بەپێی گۆڕانکاری وەرزەکان و بە لەبەرچاوگرتنی خواستی هاوڵاتیان و پڕکردنەوەی پێویستییەکانی بازاڕ، مانگانە لیژنەی پەلەوەری و بەرووبومی ئاژەڵی بە سەرپەرشتی قائیمقامی سلێمانی و بەپێی لێکۆڵینەوە و داتا و زانیارییەکان بڕیار لەسەر دیاریکردنی بری بەرهەمی هاوردە دەدەن.[1]
#25-07-2018#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,885
Scrivi il tuo commento su questo articolo!