تێهەڵکێشی هۆنراوەی (ڕەوەز ورد نابێ) ی مامۆستا هێمن موکریانی،
دێڕێکی هۆنراوەی هێمنە، وە دێڕێکی دواتر هیمنە.
هاتە نووسین لە 11-04-2005 زریان سەرچناری
=KTML_Red=ڕەوەز ورد نا بێ=KTML_End=
زەوی! ئێستاش لە ڕووت هەڵدێ بدەی سوڕ؟
نە ڕووخای ئاسمانی پیری پشت کوڕ؟
ت=KTML_Bold=اکەی بژین لە خاکی نیشتمان دوور؟
لەپێناوی لە بەرنەکەین کفنی سوور؟=KTML_End=
کە حاڵی زارمان ئاوا دەبینن
کە ماڵی زاڵمان ئاوا دەبینن
=KTML_Bold=داگیرکەران چەندە لێمان بەقینن
لاوەکانمان هەزار هێندە بەتینن=KTML_End=
کە مەرگی کاوەکانی چاک دەبینن
کە جەرگی کیژەکان پڕ چاک دەبینن
=KTML_Bold=کەلاشەی بێ سەر، لەسەردار دەبینن
هێند دڕەندەن خەریکی پێکەنینن=KTML_End=
کە کۆڕی شین، بەهاری سور دەبینن
(ئەمین)ی نا ئەمین مەئمور دەبینن
=KTML_Bold=مەئمورەکان ڕاستە بە ناو (ئەمینن)
نائەمینترین کەسی سەر زەمینن=KTML_End=
کە بوکی سوری بێ زاوا دەبینن
کڕوزەی بێ گۆنای ساوا دەبینن
=KTML_Bold=ئەوان کەی خاوەنی ئیمان و دینن
حەق و ڕاستی لە لایان دەست لە بینن=KTML_End=
کە سۆمایی لە چاو باوکان بڕاوە
بەرۆکی پیرە دایکان دادڕاوە
=KTML_Bold=باب کووڕ و کوێر، دایک جەرگی بڕاوە
چاوەڕوانی نامەی کوڕی گومناوە=KTML_End=
کە کوندی شوم لە گوندی کورد دەخوێنێ
کە گەنجی کورد دەگەوزێنێ دە خوێنێ
=KTML_Bold=دوژمن کاتێ کە شاڵاومان بۆ دێنێ
گەر پێی بکرێ ڕەگ و ڕیشمان دەردێنێ=KTML_End=
کەتەختی بەختی کورد بێ خێو دەبینن
(سولەیمانی) ئەسیری دێو دەبینن
=KTML_Bold=لە دڵماندا داخ و ژان و برینن
لە ناخماندا ڕقی تۆڵەی بەتینن=KTML_End=
بناری لێژ و ناهەمواری هەڵگورد
دەبینن بۆتە دەشتی کەربەلای کورد
=KTML_Bold=ئەی کوردینە با یەکگرین دەستوبرد
بینە پۆڵا و ملی دوژمن بکەین ورد=KTML_End=
بە ناحەق خوێنی تێکۆشەر دەڕێژن
شەهیدی بێسەر و بێشوین دەنێژن
=KTML_Bold=دوژمنان هێندە گێژ و گوێ درێژن
حەقمان دەخۆن قسەشمان پێ دەبێژن=KTML_End=
بەڵام با تێ بگا ئەو دوژمنەی پەست
ڕەوەز ورد ناکرێ هەرگیز بە داردەست
=KTML_Bold=بەرامبەر تینی تۆڵە و ئیمان و هەست
سەرەنجام سەر شۆڕدەکا و دەگەستێ دەست=KTML_End=
دەبێ کوند هەر بەره و وێرانە بفڕێ
هەلَۆ له و کێوە سەربەرزانە نەبڕێ
=KTML_Bold=ڕۆژێکی دێ کورد مافی خۆی وەربگرێ
دوژمنی پەست با لە حەسرەتدا بمرێ=KTML_End=