رۆژهەڵاتی کوردستان
- کۆڵبەرکۆڵبەرێکی کورد بە ناوی ئەکرەم خەلیلی، تەمەن 27 ساڵ، خەڵکی کووران لە ناوچەی سۆمای برادۆستبرادۆست، بە تەقەی ڕاستەوخۆی هێزە نیزامییەکانی حکوومەتی گیانی لە دەست دا.[6]
- بەرەبەیانیی ئەمڕۆ کاتژمێر 03:4، بوومەلەرزەیەک لە ناوەندی شارۆچکەی تازەئاباد-ی سەربە پارێزگای کرماشان لە ڕۆژهەڵاتی کورستان روویدا، بوومەلەرزەکە کە شارەکانی جوانڕۆجوانڕۆ و گاوارەی پارێزگای کرماشان و هەڵەبجەی هەرێمی کوردستانیش هەستی پێکراوە. بەرپرسانی فریاکەوتن لە کرماشان دەڵێن: ئەو بوومەلەرزەیە زیانی لێ نەکەوتووەتەوە.[3]
- کاوە بەهرامی، فەرماندەی هێزی پێشمەرگەپێشمەرگەی کوردستان لە وتووێژێکدا لەگەڵ ماڵپەڕی ڕەسمی حیزبی دێموکرات، بەیاننامەی قەرارگای حەمزە، سەبارەت بە تۆپباران نەکردنی مەقەڕەکانی حدکای ڕەت کردەوە. ناوبراو دەڵێت: سپای پاسداران لەو بوردوومانەدا لە مووشەکی 30 کیلۆیی دروسکراوی ساڵی 2017 کەڵکی وەرگرتووە.[6]
- هێزە لیباس شەخسییەکانی سەر بە ئیدارەی ئیتلاعاتی شاری سنەسنە هێرشیان کردووەتە سەر ماڵی دوو هاووڵاتیی کورد، بە ناوەکانی فواد و ئازاد ئەمجەدی لە شارەکی نەساجی و ئەو دوو برایەیان دەسبەسەر کردووە.[6]
- هێزە نیزامییەکانی حکوومەتی، دەستیان بەسەر زیاتر لە 300 سەر مەڕوماڵاتی خەڵک لە شاخەکانی کوڕا بەڕی سپی لە ناوچەی مەرگەوەڕی ورمێورمێدا گرت.[6]
- سپای پاسداران چەکوچۆڵی قورس لە جۆری کاتیووشا و تانک ڕەوانەی ناوچە سنورییەکانی شاری ورمێ دەکات.[6]
باشووری کوردستان
- دەستەی کەشناسی و چاودێری بوومەلەرزەی عێراق ئاشکرایکرد کە بەرەبەیانی ئەمڕۆ بوومەلەزەیەک سنوری شاری هەڵەبجەهەڵەبجەی گرتووەتەوە و گوڕەکەی نزیکەی 4.5 پلەی رێختەر بووە.[1]
- ئەمڕۆ کاتژمێر10:20 خولەک تۆپخانەکانی سوپای ئێران دەستیان بە تۆپبارانی گوندەکانی ماتا، تۆپزاوا و بەربزن لە دەڤەری برادۆستبرادۆست-ی سەر بە پارێزگای هەولێر.[4]
- یەکەم فڕۆکەی هێڵی ئاسمانی سعودیە لە هەولێرهەولێر نیشتەوە. لەمەودوا لە هەفتەیەکدا سێ رۆژ گەشتی ئاسمانی لەنێوان عەرەبستانی سعودیە و هەولێر ئەنجامدەدرێت.[1]
- رێکخراوی فردریچ ئیبێرتی ئەڵمانی کە چاودێریی هەڵبژاردنەکانی پەرلەمانی کوردستانی کردووه و رایگەیاند رێژەی بەشداری دەنگدەران له و هەڵبژاردنەدا کەم بووە و جێگەی چاوەڕێی و پێشبینی ئه و چاوەدێرە بیانیانە نەبووە کە چاودێری پرۆسەکەیان کردووە.[1]
- فراکسیۆنی یەکێتیی نیشتمانیی کوردستانیەکێتیی نیشتمانیی کوردستان لەپەرلەمانی عیراق رایگەیاند: د.بەرهەم ساڵحبەرهەم ساڵح تەنها کاندیدی یەکێتییە بۆ پۆستی سەرۆک کۆماری عیراق و داوای لەنوێنەرانی سەرجەم فراکسیۆنە کوردستانی و عیراقییەکان کرد کە متمانەی خۆیان بەکاندیدەکەی یەکێتی ببەخشن.[2]
- شۆڕش حاجی، گوتەبێژی بزووتنەوەی گۆڕانبزووتنەوەی گۆڕان رایگەیاند، هەنگاوی یەکەمی بزووتنەوەی گۆڕان رەتکردنەوەی کۆی پرۆسەی هەڵبژاردنە و لەدوای هەڵبژاردن بە پەیکەری رێکخراوەیی بزووتنەوەی گۆڕاندا دەچینەوە.[5]
- شاسوار عەبدولواحیدشاسوار عەبدولواحید سەرۆکی جوڵانەوەی نەوەی نوێنەوەی نوێ رایگەیاند، کە بەشداری پەرلەمانی کوردستان ناکەن بەهۆی ئەو ساختەکارییەی روویداوە.[1]
رۆژئاوای کوردستان
- لە گوندی قیبارا-ی سەربەناوەندی عەفرینعەفرین ژمارەیەکی زۆرلە هاووڵاتیانی ئێزدی کە ژنیشیان تێدایە لەکاتێکدا کە سەردانی کێڵگەو باخە زەیتوونەکانی خۆیان دەکرد لەلایەن سوپای تورکیای داگیرکەروچەتەکانەوە ڕفێندران.[3]
دەرەوەی کوردستان
- سوپای پاسداران لە راگەیەنراوێکدا بڵاویکردووەتەوە: کاژێر 2ی سەرلەبەیانی بە مووشەکی (زەمین - زەمین) لە شاری کرماشانکرماشانەوە چەند ئامانجێکی لە شاری ئەلبوکەمالی رۆژهەڵاتی سوریا کردووەتە ئامانج، بەبێ خستنەڕووی ئاماری هێرشە مووشەکیەکە، تەنیا ئاماژە بە کوژران و برینداربوونی چەند چەکدارێک دەکرێت.[2]
- ئاژانسی ئیلنا لە زاری عەبدول محەمەد زاهێدی، پارێزگاری قەزوین و ئەکبەر باقری سەرۆکی بەشی کشتوکاڵ و سەرچاوە سروشتییەکانی پارێزگای قەزوین بڵاویکردەوە، زیادبوونی چەندین بەرامبەری نرخی تەماتە بەهۆی بازرگانانی هەرێمی کوردستانەوەیە کە هەموو بەرهەمەکانی تەماتە دەکڕن و بازاڕەکانیان خاڵی کردووتەوە.[1]
- ڕۆژنامەی بێڵدی ئەڵمانی، لە ژمارەی ئەمڕۆیدا ڕایگەیاند، کە بەهۆی چوونی ئەردۆغانئەردۆغان بۆ ئەڵمانیا تەنیا لە بەرلین و کۆڵن 10 هەزار پۆلیس ئەرکدارکراون، ئەوەش حەوت بۆ هەشت ملیۆن دۆلاری بۆ دەوڵەتی ئەڵمانیا تێچووە.[4]
- بانکی ناوەندیی چین وڵاتی ئێرانی بەهۆی پێبەندنەبوون بە یاساکانی هێزی کاری کردارە داراییەکان (فاتف - FATF) خستە ریزی ئەو وڵاتە زۆر مەترسیدارانەوە، کە ئەنجامدانی کاری بازرگانی و ئاڵوگۆڕی دراو لەگەڵیاندا مەترسیدارە.[3]
📌 کوردیپێدیا، رۆژانە (بێلایەنانە) مێژووی کوردستان تۆماردەکات... 📅 کڕۆنۆلۆژیای رووداوەکان

⁉️ تایبەتمەندییە تەکنیکییەکان
©️	خاوەنی ئەم بابەتە بەسوپاسەوە، مافی بڵاوکردنەوەیی بە کوردیپێدیا بەخشیوە! یان بابەتەکە کۆنە، یاخود بابەتەکە موڵکی گشتییە.
✨ کوالیتیی بابەت: 99% ✔️ 99% ✖️  30%-39% خراپ 👎 ✖️  40%-49% خراپ ✖️  50%-59% خراپ نییە ✔️  60%-69% باش ✔️  70%-79% زۆر باشە ✔️  80%-89% زۆر باشە 👍 ✔️  90%-99% نایاب 👏 99% ✔️
➕	ئەم بابەتە لەلایەن: (هاوڕێ باخەوان)ەوە لە: Jul 1 2018 9:21PM تۆمارکراوە
👌	ئەم بابەتە لەلایەن: (سەریاس ئەحمەد)ەوە لە: Jul 2 2018 5:23PM پێداچوونەوەی بۆکراوە و ئازادکراوە
✍️	ئەم بابەتە بۆ دواجار لەلایەن: (هاوڕێ باخەوان)ەوە لە: Oct 2 2018 10:43AM باشترکراوە
☁️	ناونیشانی بابەت
🔗
🔗
👁	ئەم بابەتە 2,842 جار بینراوە

📚 فایلی پەیوەستکراو - ڤێرشن
جۆر	ڤێرشن	💾	📖	🕒	📅	👫 ناوی تۆمارکار
📷 فایلی وێنە	1.0.1	58 KB			Jul 3 2018 10:31AM	هاوڕێ باخەوان