تەنها دایکم خۆشیویستووم
هاواری ڕۆڵەیەک
نووسەر: خالد ئێرتوغرول
وەرگێڕ: گەشبین تاریق نەجیب
پێداچونەوە: بەفراو جەمال
بڵاوکار: ئارا - سلێمانی
چاپی دووەم 2014
ئەم ڕۆمانە سەرگوزشتەی ژیانی کوڕێکی سەرکەش و بێ ئەمەکە بەناوی (ئازاد)ەوە، ئەو ڕۆڵەیەی کە دڵی دایکی میهرەبانی زیزکردووە.
ئەو دەڵێت: ڕۆڵەیەکی بێ ئەمەک و لاساربووم بۆ دایکە بەستەزمانەکەم، هیچ باکم لە خەمخۆرییەکانی نەبوو. لە ژیانمدا هەڵەی زۆرم کرد، بەداخەوە کاتێ بەئاگا هاتمەوە کار لەکار ترازابوو!
دوای گوزەرکردن بەنێو وێستگەکانی ژیانیدا لە پایاندا دەڵێت:
ئەوانەی ئەم بەسەرهاتە خەمناکەی من دەخوێننەوە، ئەو گەنجانەی ڕووکەشی ژیان بە هەموو شتێ دەزانن، تکایە لە ئەزموونی ئەم ژیانە تاڵەمەوە دوو ڕستەم هەیە بۆتان: بیرتان نەچێت، هەموو ژنانی دنیا کۆببنەوە، بە قەد دایکتان سۆز و خۆشەویستیتان پێشکەش ناکەن، هەموو پیاوانی دنیاش کۆببنەوە وەک باوکتان میهرەبان نابن بۆتان.
تۆی خوێنەری بەڕێزیش دەتوانیت هاوڕێ لە تەک خوێندنەوەی ئەم بەسەرهاتەدا، لە ڕۆشنایی یاساکانیەوە خۆت هەڵبسەنگێنیت.