کوردیپێدیا و هاوکارانی، هەردەم یارمەتیدەردەبن بۆ خوێندکارانی زانکۆ و خوێندنی باڵا بۆ بەدەستخستنی سەرچاوەی پێویست!
🏠|📧|دەربارە!|پەڕتووکخانە|📅
🏠 دەستپێک|📧 پەیوەندی|💡 دەربارە!
|
📅 ئەمڕۆ 02-06 لە مێژوودا
📅کڕۆنۆلۆژیای رووداوەکان
📅 رۆژەکان
📆02-06-2020
📆01-06-2020
📆31-05-2020
📆30-05-2020
📆29-05-2020
📆28-05-2020
📆27-05-2020
📂 زۆرتر ...
📅02 June
📝 بەڵگەنامەکان
📊 ئامار و راپرسی
✌️ شەهیدان
💚 ئەنفالکراوان
☪ قوربانیی شەڕی دەوڵەتی ئیسلامی - داعش
😞 قوربانیی شەڕی ناوخۆ
👩 قوربانیی توندوتیژی
📅 رۆژی لەدایکبوون
📅 رۆژی کۆچی دوایی
|💳 کۆمەکیارمەتیمان بدە بۆ پێکهێنانی کوردیپێدیایەکی باشتر. تەنانەت کۆمەکێکی بچووکیش دەبێتە یارمەتیدەرمان.
یارمەتیی ئێوەمان دەوێت بۆ:
* بەدەستهێنانی تەکنەلۆجیای باشتر و خێراتر...
* دانانی ئۆفیسێک بۆ رێکخراوی کوردیپێدیا لە باشووری کوردستان.
* دامەزراندنی چەند کارمەندی تایبەت بەخۆیەوە، تا بەردەوام ناوەڕۆکی کوردیپێدیا باشتر بکرێت.
|📕 پەڕتووکخانەگەورەترین و پۆلێنکراوترین پەڕتووکخانەی دیجیتاڵی کوردی! - (10,963) پەڕتووک||
👫 ئیدریس سەلیم
40 ساڵ لە ریزی پێشمەرگەدا خەباتی کردووە، کەمئەندامی سەنگەرە و حەوت جار لە پێشمەرگایەتییدا برینداربووە، ئێستا خانەنشینی پێشمەرگەیە بە پلەی عەمید.
لە 08-05-2019 ئیدریس سەلیم لە بازگەی هەولێر-مەخموور لەلایەن ئاسایشی پارتی دیموکراتی کوردستان-عێراقەوە دەستگیرکرا، پێشتریش بەرپرسانی تەڤگەری ئازادیی ئاماژەیان بەوەکردبوو، کە دەستگیرکردنی ئەو ئەندامەیان تەنها بە تۆمەتی ئەندامبوون بووە لە تەڤگەری ئازادیی.[1]
رۆژی 01-06-2020 پاش مانەوەی زۆرتر لە یەک ساڵ لە زینداندا، ئازادکرا.
📅 01-06-2020
باکووری کوردستان
- لە گەڕەکێکی شارۆچکەی کایاپنار سەر بە پارێزگای ئامەدی باکووری کوردستان 55 تووشبووی کۆرۆنا تۆمارکران. لە روها و مێردینیش 8 باڵەخانە و ئاواییەک کەرەنتینکران.[3]
رۆژهەڵاتی کوردستان
- لقی یەکی دادگای ئینقلابی کرماشان، حوکمی 5 ساڵ زیندانیی تەعزیری بۆ رەسووڵ کەریمی، یەکێک لە دەسبەسەرکراوانی ناڕەزایەتییەکانی مانگی خەزەڵوەری ساڵی 2019، بڕییەوە. لقی یەکی دادگای ئینقلابی کرماشان ئەو هاووڵاتییە کوردەی بە هەوڵدان دژی تەناهیی نەتەوەیی تۆمەتبار کردبوو.[7]
- بەپێی ئەو ئامارانەی کە زانکۆ پ
📅 31-05-2020
باکووری کوردستان
- لە ناوچەی رەزانی ئامەد، دوای ئەوەی دوێنی لە کۆڵانی 718ی گەڕەکی 5ی نیسان پۆلیسێک بەناوی ئاتاکان ئارسلان کوژرا، لە هەرێمەکە دەست بە ئۆپەڕاسیۆن کرا. بە پێی زانیاریەکان 2 کەس بە تۆمەتی ئەوەی دەستیان لە کوشتنی پۆلیسەکەدا هەیە دەستگیرکران.[1]
- هاوسەرۆکانی رێخستنەکانی پارتی دیموکراتی گەلان-هەدەپەی لە شاری ئێلح بەمەرجی گەشت نەکردن بۆ دەرەوەی تورکیا ئازادکران. دوای ئازادکردنیان لەبەردەم بارەگای هەدەپە بە چەپڵەرێزان پێشوازی لە هاوسەرۆکە ئازادکراوەکان کرا.[2]
- لە 19 گوندی بەدلیس 'قە
✌️ هەژار کەریمی
خەڵکی شاری مەهابادە، لە رۆژی 02-06-1983 لە شاری تەورێز گوللەبارانکرا.
📊 بابەت 374,017 | وێنە 58,938 | پەڕتووک PDF 10,963 | فایلی پەیوەندیدار 42,316 | 📼 ڤیدیۆ 167 | 🗄 سەرچاوەکان 14,558 |
📖 نۆزدەی حوزەیران و یادی حەفتا و یەک ساڵەی جوانە مەرگانی وەتەن | 🏷️ پۆل: کورتەباس | زمانی بابەت: 🏳️ کوردیی ناوەڕاست | 👁️‍🗨️
✍️

نۆزدەی حوزەیران و یادی حەفتا و یەک ساڵەی جوانە مەرگانی وەتەن


فایلی پەیوەندیدار 📂
بەرەبەیانی ڕۆژی 18-06-1947 گەورە وەردیانی بەندیخانەی مەرکەزیی بەغدا یەک بەدوای یەکدا دەرگا ئاسنینەکانی چوار زیندانی تاکە کەسی کردەوە و وەک بایەقوش هەواڵی لە سێدارەدانی بەچوار مرۆڤی کورد گەیاند، ئه و جوامێرانە، جەنگاوەر بوون، هەریەکەیان ئەفسەرێکی پلەدار بوو لەسوپای عیراقدا، بەڵام لەگەڵ هەڵکردنی ئاڵای شۆڕشدا لەکوردستانی ڕۆژهەڵات، پلەوپایه و ڕوتبه و ناوونیشانی سەربازییان بەجێ‌ هێشت و چەکی مەردانەیان کردە شان و بەره و مەڵبەندی ئاواتی کورد بەڕێ‌ کەوتن، لەوێ‌ بەفەرمانی پێشەوا کران بە فەرماندە لە سوپای کۆماری کوردستان لەمەهابادو هەریەکەیان ئەرکێکی پێ‌ سپێررا، ئه و ڕۆڵە بەئەمەکانە لەوەوبەر لە خەباتی سیاسیی نهێنیشدا بۆ ئازادی کوردستان کاریان کردبوو.
بۆ لەناوبردنی ئەم کۆمارە (قوام السلطنه)ی سەرۆک وەزیرانی ئێران وتووێژێکی سەرکەوتووی لەگەڵ سەرکردەکانی سۆڤیەتدا بەئەنجام گەیاند، دوابەدوای ئەوە ڕێژێمی ئێران دەرگای پشکنینی کانە نەوتەکانی بۆ سۆڤیەت خستە سەرپشت، ئاشکراشە ئەوساش و زەمانی صەدامیش و ئێستاش نەوت کاریگەریەکی زۆری هەیه و توانای ئەوەی هەیە زۆر کەس بەبۆن بخات و زۆریش لە خشتە بەرێ‌.
لێرەدا سەرۆک وەزیرانی ئێران بەهەلی زانی داوا لەمارشال ستالین بکات هێزەکانی خۆی لەباکورو ڕۆژئاوای ئێران بکشێنێتەوە، ئەویش بەپێچەوانەی ئەوەی کە چاوەڕوانی لێ‌ دەکرا خواستەکەیانی بەجێ‌ هێنا، بەوەش ڕێگا بۆ حکومەتی ئێران تەخت بوو بۆ لەناوبردنی هەردوو کۆمارە ساواکەی کوردستان و ئازربایجان.
هێزەکانی سوپای ئێران لە 08-12-1946 دا زۆر دڕندانە بەپاڵپشتی فڕۆکه و تانک و تۆپ هێرشیان بردە سەر ئازربایجان و کوردستان، دوای کوشتن و بڕین و تاڵانی ماڵی خەڵکی، سەرکردەکانیان دەستگیر کرد. کۆماری کوردستان بەرگەی ئه و هێرشەی نەگرت، مەهابادی پایتەخت گیرا.
دوای هەرەس هێنانی ئه و قەڵایچەیەی کەجێی هیوای کورد بوو، دوای لێک هەڵوەشاندنەوەی دەزگا سەربازیەکانی کۆماری کوردستان، بەپیلانی نێودەوڵەتی ئه و کۆمارە ساوایە خنکێنراو بارزانیە قارەمانەکان خۆیان بەدەستەوە نەدا ڕێگای هاتونەهاتیان گرتەبەرو بەسەرکردایەتی خوالێخۆشبوو گەورە ژەنەراڵی سوپای کوردستان جەنابی مستەفا بارزانیمستەفا بارزانی بەسەفەرێکی ئەفسوناویی گەیشتنە خاکی سۆڤیات.
وەکو لەسەرەوە وتمان سەرکردە دیارەکانی کۆماری کوردستان بەپێشەوا قازی محەمەدیشەوە بەفەرمانی شای ئێران خرانە زیندانەوە، ئەوەندەی نەخایان لە 30-03-1947 پێشەوا قازی محەمەدقازی محەمەد و سەیفی قازیسەیفی قازی و سەدری قازی لەسێدارە دران و چوونە کاروانی شەهیدانەوە، ڕێکەوتی قەدەر وای کرد ئه و ئەفسەرانەمان بگەڕێنەوە بۆ عیراق و متمانەیان بەبەڵێنەکانی حکومەت کرد، نەزانرا کەهەموو ئه و جۆرە حکومەتانەی عیراق هەرگیز چاویان بەکورد هەڵنەهاتوه و ڕۆژێ‌ لەڕۆژان ڕاستگۆ نەبوون لەگەڵیانا، به و شێوەیە ئه و جوامێرانە دوای گرتنیان ڕەوانەی دادگای سەربازیی کران.
له و ڕۆژەوە کە بەفەرمانی ساڵح جەبری سەرۆکی حکومەتی عیراق دادگای سەربازیی حوکمی لەسێدارەدانی بەسەر ئه و چوار ئەفسەرەدا دا، وا چاوەڕوان دەکرا بەپێی بەڵێنەکانیان ئه و بڕیارە بگۆڕرێ‌ و حوکمەکەیان سووک بکرێ‌، بەڵام سەرەک وەزیران ئه و فەرمانەی پێی کرابوو بۆ سزادانی ئەفسەرە کوردەکان جێبەجێی کرد.. واتە ئەوەی خەڵکی چاوەڕوانی بوو نەهاتە دی و کارلەکار ترازاو هەر چواریان ئاگادار کران کەفەرمانی لەسێدارەدانیان جێبەجێ‌ دەکرێ‌.
قارەمانەکانی ناو چوار دیوارەکە دوای سەعاتێک لە ئاگادارکردنیان دەستیان بەنووسینی وەسێتنامەکانیان کرد تا بیگەیەننە خێزان و کەسوکارو گەلەکەیان.
ئەفسەری لاو محمد محمود قودسی بەپەلە کورتە نامەیەکی بۆ ژنێکی خزمیان نووسی کە نیشتەجێی بەغدا بوو، ناوی حوریە خان بوو تێیدا داوای لێ‌ کرد بەپەلە خزموکەسوکاریان ئاگادار بکات با مەحمودە فەنی باوکی لەگەڵ وەستا فەرەجی دارتاشا بێن بۆ بەغدا. خاتوو حوریەش زۆر بەپەلە چوە پۆستەخانه و بروسکەیەکی نارد بۆ مەحمودە فەنی وێنەگر تێیدا هاتبوو (بەیانی محمدی کوڕت لەسێدارە دەدرێ‌ بەپەلە لەگەڵ وەستا فەرەجی دارتاشا بەشەمەندەفەری ئەم ئێوارەیە بێن بۆ بەغدا). وەستا فەرەج باوکی زەکێ‌ خانی خێزانی شەهیدی دلێر مستەفا خۆشناو بوو. دوای گەیشتنی ئه و هەواڵە خەمناکە شاری سلێمانیسلێمانی خرۆشا، مەحمودە فەنی و وەستا فەرەج بەره و بەغدا ڕۆیشتن، دەمەدەمی ئێوارە خۆپیشاندان لەشار دەستی پێ‌ کرد، خۆپیشاندەران لەبەردەرکی سەراوە بەره و ماڵی موتەسەڕیف بەهوتاف کێشان ڕۆیشتن، بەدەنگی بەرز دەیانوت: (ئەم وەزارەتە خیانەتکارەمان ناوێ‌)، (داوا دەکەین فەرمانی لەسێدارەدانی ئه و چوار ئەفسەرە بوەستێنرێ‌). له و کەسایەتی و خوێندکارو پارێزەرو مامۆستاو لاوانەی کەپێشەنگ بوون لە بەشداریکردنی ئه و خۆپیشاندانەدا، ئەوانەیان کە دیار بوون و لەبیرم ماون بەڕێزان ئیبراهیم ئەحمەدئیبراهیم ئەحمەدی موحامیی، ئەحمەدی حاجی فەقێ‌ شاڵی، ئەنوەری مەلا حەماغا، عەلی خاڵه و حسیب شێخ غەنی و جەمالی قادر بەگی بابان و ئەحمەد غەفوور، موحڕەم محەمەد ئەمین، ئەحمەدی حاجی ساڵحی قاسم، عەلی ئەحمەدی تەها، حەمە ساڵح دیلانحەمە ساڵح دیلان و مەحمودی مەجید بەگ و عوسمانی مەجید بەگ و ڕەئووف یەحیا و غەفووری ڕەشید داراغا، غەفوری میرزا کەریم و ئەحمەدی سەعید بانەیی، عمر کریم عزیز، عمر عارف، محمد مستەفا، بەهجەت محمد بابان، کەمالی حاجی شەفیق، جەمالی حاجی شەفیق، قادری حاجی حسێن، نوری عەزیز، حەمەی ئەحمەدی تەها(کامەران)، حەمەی بەکر، خەسرەوی تۆفیقە فەنی ئاغا فتح الله، حەسەنی تۆفیقە فەنی ئاغای گەورە، قادری نوری بەگی ساحێبقران، کەمالی نوری بەگی ساحێبقران، مەحمودی تۆفیقە فەنی عەزیز ئاغاو ئەنوەر ئەدەهەم، حیلمی عەلی شەریف و شەوکەت غەفوور و کەمالی میرزا کەریم و عەلی حسێن بەگ و بەرقی ڕەشید و زۆر کەسی تر له و لاوە خوێن گەرمە دڵسۆزانە کە بەپەرۆشەوە، بەدڵی خەمبارو چاوی پڕ لەفرمێسکەوە شەقامیان هەژاندبوو. داوای لێبوردنیان لێ‌ دەکەم ئەگەر ناوەکانیانم لەبیر چووبێ‌.
موتەسەڕیف خوالێخۆشبوو حەسەن تاڵەبانی بوو لەماڵی خۆیان هاتە دەرەوه و گوێی لەداخوازیەکانیان گرت و بەڵێنی دا لەڕێگای تەلەفۆنەوە ناڕەزاییەکانیان و داواکاریەکانیان بگەیەنێ‌ بەوەزیری ناوخۆ. کۆبوونەوەکان تا دەهات فراوانتر دەبوون، دەرکەوت موتەسەڕیف بەڵێنەکەی بردبوە سەرو بەغدای لەوەزعەکە ئاگادار کردبوو، سەرکردایەتی سیاسیی ئەوسای کورد، ئەوانیش لەلای خۆیانەوە بەشێوەی داخوازی داوایان لەسەرەک وەزیران کردبوو ئه و تاوانە بوەستێنێ‌، نامەکەش بەواتەی کاک کەمال موفتی بەدەستی پارێزەر ئەحمەدی میرزا کەریمی حاجی شەریفدا نێررا بۆ بەغدا، بەڵام حکومەت گوێی لەڕای گەل و خواستیان نەگرت و چی بڕیار درابوو هەر ئەوە کرا. ڕژێمی بەغدا بەجێبەجێ‌ کردنی ئه و تاوانە دەیەویست بەحسابی خۆی کورد چاوترسێن بکات و هەڕەشەیەکیش بێ‌ بۆ پارتە سیاسیە نهێنیەکان، ئه و سەردەمە پارتی دیموکراتی کورد ماوەی دە مانگ بوو دامەزرابوو چالاکیی بەرچاویشی هەبوو، هەروەها حزبی تحرریش کە ڕووی دیاری حزبی شیوعی بوو چەند مانگێک بوو لەکوردستانا کەوتبوە چالاکیی. دیارە حکومەت بیری لەوە نەدەکردەوە کە ئه و دڵۆپە خوێنە گەشەی لەلەشی ئه و قارەمانانە ئەتکێ‌ هەر ئەوانەن درەختی ئازادیی ئاو دەدەن و ئه و درەختەشە لە دواڕۆژا گەلەکەمان لەسای سێبەریا دەحەوێتەوە.
بەرەبەیانی 19-06-194719-06-1947 حکومەتی ساڵح جەبر تاوانەکەی جێبەجێ‌ کرد، دوای ئیجرائاتی ڕەسمیی کەژاوەی شەهیدان بەره و کوردستان بەڕێ‌ کرا، دەربارەی ئه و ڕۆژە بەڕێز سەرۆک مام جەلال ئەڵێ‌: (هەڤاڵی تێکۆشەرمان عومەر مستەفا کە ئه و دەمە خوێندکار بوو لە کۆلیژی حقوق، ئه و بوو تەرمەکانی وەرگرتەوه و بەره و کوردستان لەگەڵیان بەڕێ‌ کەوت) تەرمی شەهید عزت عبدالعزیز بۆ ئامێدی برا، تەرمی شەهید خیرالله عبدالکریم بۆ هەولێر، تەرمی هەردوو شەهید مستەفا خۆشناوو محمد قودسی بۆ سلێمانی هێنرانەوە، خوالێخۆشبوو صالح حەیدەریی لە یاداشتەکەیدا پاڵپشت بەبیری تیژی خوالێخۆشبوو عاصمی برای ناوی ئەوانەی نووسیوە کە لە هەولێر لە سپاردنی تەرمی شەهید خیرالله دا بەشدار بوون، کە ئەم بەڕێزانەن: عەونی یوسف، مستەفا عوزێری، عاصم حەیدەریی، سالم حەیدەریی، ئەکرەم نەشئەت، شێخ حسێنی شێخ محمدی نەقشبەندیی، شێخ محمد محمد ناسراو بەشێخە شەله و کەسێکی تر کە ناوەکەی لەبیرچۆتەوە. هەر کاک صاڵح دەڵێ‌: بەڵام لەسلێمانی بەڕێوڕەسمێکی مەزن جەماوەر بەشدارییان لەپێشوازی و بەڕێ‌ کردنی تەرمی شەهیدان مستەفا خۆشناوو محمد قودسیدا کرد).
بەڕای مامۆستا حەیدەریی: (ئه و کارە وا دەگەیەنێ‌ کە هەردوو ڕێکخراوی پارتی و شیوعی لەهەولێر نەیانتوانیوە وەک پێویست ئەرکی خۆیان جێبەجێ‌ بکەن) هەروەها بەبۆچوونی حەیدەریی ئەوەش دەگەیەنێ‌ (کە تەوژمی نەتەوەیی جەماوەریی لەهەولێرا له و سەردەمەدا لەبرەودا نەبوە).


جەماوەری شاری سلێمانی
چۆن پێشوازییان لەتەرمی شەهیدان کرد؟
جەماوەری شاری سلێمانی لەچاوەڕوانی گەیشتنی تەرمی پیرۆزی هەردوو شەهید مستەفا خۆشناوو محمد محمود قودسیدا بوو. ڕۆژی نۆزدەی حوزەیران له و ڕۆژانەیە کە لەبیر ناچێتەوە، میللەت خرۆشا بوو، تووڕەیی و خەم ڕوخساری خەڵکەکەی داپۆشیبوو، لاوە ڕوناکبیرەکان پۆل پۆل بۆ خەڵکیان ڕوون دەکردەوە کە ئەمڕۆ ڕۆژی سەربەرزی و شانازییە، چوار ئەفسەری قارەمانمان سەرکەوتنە سەر سێدارە، بەزەردەخەنەوە پێشوازی مەرگیان کردو بەدەنگی بەرز هوتافیان بۆ ژیانی کوردستان و ئازادی کورد دەکێشا.
هەر لەبەیانی زوەوە شەقامەکان پڕبوون، خەڵک بەخەمباریەوە چاوەڕێی تەرمی ڕۆڵەکانی بوو، شاعیری ناسراو فائق بێکەس هەر ئه و شەوە شیعرێکی بۆ چوار ئەفسەرە شەهیدەکان نوسیبوو:
ئەمڕۆ ڕۆژی ماتەمە عالەم دڵی پڕ لەخەمە
ڕووی ئاسمان هەورو تەمە بۆ جوانەمەرگانی وەتەن
ئەمجا دەڵێ‌:
بڵێن ئێوە قارەمانن خاوەنی ناوونیشانن
ڕابەری ڕێی نیشتمانن ئەی جوانەمەرگانی وەتەن

هونەرمەند ڕەفیق چالاکڕەفیق چالاک ئاوازی بۆ دانابوو، پۆلێک خوێندکاریان دەست نیشان کردبوو بۆ وتنەوەی سروودەکە، من لەپۆلی دووی ناوەندی بووم دەرچو بووم بۆ سێ‌، یەکێ‌ بووم لەوانەی بۆ ئه و مەبەستە هەڵبژێررابووم، کاک مەحمودی تۆفیقە فەنی عەزیز ئاغا کە ئێستا لە ئەمەریکایە ئه و ئاگاداری کردم چونکە لێپرسراوی حزبیم بوو لەهەمان کاتدا بە حوکمی ناسیاویی و هاوڕێیەتی کاک جەمالی حاجی شەفیقیش پێی وتم، له و هاوڕێیانەم کە لەگەڵما هەڵبژێررا بوون: مەحمود محمد قادر و عزەدین مستەفاو محمد کریم فتح الله، عومەری مەحمود میرزاو جەمال شاڵی و چەند قوتابیەکی تر کە بەکۆمەڵ بردیانین بۆ مزگەوتی گەورە، لەوێ‌ مامۆستایان فایەق بێکەس و ڕەفیق چالاک و شێخ مستەفای شێخ ئەحمەدی بەرزنجەیی مەشقی لەبەرکردن و وتنی سروودەکەیان پێ‌ کردین و بەتەواوی ڕاهێنراین. دەمه و عەسر کەژاوەی شەهیدان گەیشت و هێنران بۆ مزگەوتی گەورە (مزگەوتی کاکەحمەدی شێخ)، دوای ڕێوڕەسمی ئایینی، تەرمی پیرۆزیان بەسەر شانی لاوان لەناو ئاپوورەی جەماوەرا بەره و سەیوان بەڕێ‌ کەوت، ئێمەش ئه و تپیەی باسم کرد سروودەکەمان لەدوای تەرمەکانەوە بەدەنگێکی پڕ سۆزەوە دەوت. هەرچەندە ئەوەندە شارەزاییم لە بارودۆخی سیاسی پەیدا نەکردبوو، بەڵام تاوانەکەی حکومەت زۆر کاری تێکردبووم، ئەوەندە بەقوڕگی پڕ لەگریانەوە سروودەکەم لەگەڵ ئاوەڵەکانما دەوتەوە، تا هەفتەیەکیش دەنگم نووسابوو.
ئەوەی دەزانرا، مامۆستا ئیبراهیم ئەحمەد سەرپەرشتی ڕاستەوخۆی ڕێ‌ و ڕەسمەکەی دەکرد، لەنزیک تەلاری میرزا تۆفیقەوە ئەندامانی (تحرر)یان بڵێین شیوعیەکان ئەوانیش دروشمێکیان هەڵکرد هەرچەندە هەندێ‌ گرژی پەیدا بوو، دەربارەی ئەوەی کە دەبوایە مامۆستا ئیبراهیم ئەحمەد ئاگادار بکرایە، بەڵام زوو ئاڵۆزیەکە ڕەویەوه و تێکڕای لایەنگرانی حزبی تحرری سەر بە شیوعی بەگەرمی لەڕێ‌ وڕەسمەکەدا بەشدار بوون.
ڕۆژێکی خەمناک بوو، لەمبەرو ئەوبەری شەقامەکانەوە خەڵک بەبێدەنگی وەستابوون و سڵاویان لەتەرمی پیرۆزی شەهیدان دەکرد. لەگردی سەیوان لەسەر وەسێتی خۆیان لەپاڵ گۆڕی مەحمود جەودەتا نێژران، چونکە مەحمود جەودەتیش یەکێ‌ بوو لەقوربانیەکانی ئه و ڕژێمە، لەئەنجامی ئەوەی فەرمانبەرێکی گەورەی وەزارەتی دارایی کە لەسەر مووچەی تەقاویتی لەگەڵ جەودەتا تێک چووبوون و کابرا سووکایەتی بەشۆڕشی شێخ مەحمود کردبوو، مەحمود جەودەت دابویە بەر گولله و کوشتبووی، هەرچەندە پارێزەرەکانی وتیان لە حاڵەتی عەسەبیدا بوه و ئاگای لەخۆی نەبوە، بەڵام بێ‌ سوود بوو، لەسێدارە درا. ئه و فەرمانبەرەی جەودەت کوشتی ناوی عەبدولقادر سنەوی بوو کە بەڕێوەبەری دارایی بوو لەوەزارەتی دارایی عیراقدا.
لەکاتی دواماڵئاواییدا لەگۆڕستانی سەیوان کە هەردوو شەهید بوونە میوانی ئەرخەوانەکان، هەریەک لە بەڕێزان شێخ لەتیفی شێخ مەحمودو ئیبراهیم ئەحمەدیش وەک نوێنەری پارتی وتاریان خوێندەوە، هەروەها ڕەفیق چالاکیش وەک نوێنەری حزبی تحرر وتارێکی خوێندەوە، تێکڕای وتاربێژەکان بەئاشکرا ئه و تاوانەی حکومەتی عیراقیان مەحکوم کرد، لەبەرئەوەی ماوەم نەبوو زۆر بچمە پێشەوە، نازانم کێی تر وتار یان شیعری خوێندەوە، هەر ئه و سێ‌ کەسەم لەبیرە کە گوێم لەدەنگیان بوو.
بۆ کوردستان ئه و دلێرانە چوارچرا بوون
بۆ ڕۆژی دوایی وەسێتنامەکانیان چاپ کران و بڵاوکرانەوە، زۆرینەی لاوان و خوێندکاران ئه و وەسێتنامانەیان لەلا بوو، وشە پیرۆزەکانیان دەستاو دەست دەکرد.
ئامۆژگارییەکانیان لەگوێی خەڵکیدا دەزرنگایەوە، جگەلە وەسێتنامەی تایبەتی بۆ کەسوکارو خێزانیان پەیامێکی پیرۆزی چوار قۆڵییان بۆ گەلەکەیان نوسیبوو کە بەفراوانی بڵاوکرایەوە.

دەقی وەسێتنامە هاوبەشەکەیان
بەغدا

18/حوزەیران/1947
لەشوهەدای ڕێگای نیشتمانەوە (عزت عبدالعزیز و مستەفا خۆشناوو خەیروللا عەبدولکەریم و موحەمەد مەحمودەوە بۆ برایانی میلەتی کوردی خۆشەویست، لەدوای تەبلیغ کردنی حوکمی ئیعدام بەیەک سەعات نوسراوە:
برایان
لەژیانی ژێردەستی ئیستیعماردا، لە نوسینی ئەم نامەیەدا تەنها 14 سەعاتمان ماوە بەپەتی ئیستیعمار دەگەین و دونیای ئازادی گیانمان دەگاتە گیانی پاکی شوهەدای ڕێگەی نیشتمان.
برایان
خۆمان زۆر بەبەختیار دەزانین کە بەرامبەر واجبی میللی هیچ دوانەکەوتین. تەنها نەسیحەتی ئێمە ئەوەیە کە لاوانی نیشتمانپەروەرانی کورد نیکرانی زات بکەن، نیشانه و یەکێتی بکەن بەپەیڕەوی خۆیان بۆ شکاندنی تەوقی ئیستیعمارو رزگارکردنی هەموو میللەتی مەزلووم بەبێ‌ جیاوازی.
برایان
دوژمنی جەهالەت بن، بەهەموو تواناتان شەڕی جەهالەت بکەن و دوای جەهالەت مەکەون، ئێمە نیشانەی تێکۆشانی میللەتی کوردین لەساڵی 1947 دا برایانی ئێمە کە ماون بۆ ڕێگای شەرەف تێدەکۆشن و پشت بەخوای گەورە میللەت رزگاری دەبێت.
برایان
سەرکەوتنمان بۆ بەر پەتی سێدارە، مانای بێ‌ دەسەڵاتیمان نیە بۆ تێکۆشان. بەڵکو وەک سەربازێکی ئازا بەهەموو توانایەکەوە هەوڵمان دا تا گەیشتینە ئەم نەتیجەیە.
ئیدی بژین بۆ یەکێتی، بۆ ئازادی کوردو کوردستان.
خیرالله عبدالکریم مستەفا خۆشناو عزت عبدالعزیز محمد محمود

نامە تایبەتەکانیان بۆ کەسوکاریان پڕن لەماناو لە ورەبەرزیی و هاندان بۆ خوێندەواریی و بۆ خەبات.
من بەش بەحاڵی خۆم لە پشووی هاوینا دوای ئه و کارەساتە بەسەردان چووم بۆ گوندی سێناجیانی سەر بە ناحیەی بنگرد بۆ ماڵی مستەفا غای هۆمەر ێ‌غا کە برادەری باوکم بوو خۆشم هاوڕێی کوڕو برازاکانی بووم، نەم دەزانی کە ئەم وەسێتنامه و بەیاننامانەی لەگەڵ خۆما دەیانگێڕم قەدەغەن و لەوانەیە تووشی دەردەسەریم بکەن، چونکە هەر میوانێکی ماڵی ئاغا کە دەهاتە دیوەخان مستەفا غا خوا لێی خۆش بێ‌ داوای لێ‌ دەکردم بۆیان بخوێنمەوە، ئەوی ڕاستی بێ‌ ئەوەندەم خوێندبوەوە هەندێکیانم لەبەر کردبوو، بەتایبەتی وەسێتنامەکەی شەهید قودسی بۆ باوکی و بۆ خاتوو نەسرینی خێزانی لەگەڵ نامەکەی شەهید خۆشناو بۆ زەکێ‌ خانی خێزانی و بۆ تاقە کوڕەکەی ئازادو بۆ کچەکانی پرشنگ و پەری و شیرین.
له و ساتەوە تا ئێستا هەرچەند دەرفەتم بووبێ‌ یادیانم بەرز ڕاگرتوه و چەند پەیڤێکم بۆ حزوری ڕۆحی ڕەوانیان نوسیوە، تەنانەت لەسەردەمی پاشایەتیشا لەوبارەیەوە شتم نوسیوە سەرەڕای سەردەمی کۆماریی و تەنانەت لەسەردەمی بەعسیشدا له و کاتانەدا کە بوار بووبێ‌.
ئەمڕۆ پاش تێپەڕ بوونی 70 ساڵ بەسەر شەهید بوونی ئه و قارەمانانەدا ویستم بەم وتارە نەوەی نوێ‌ لەڕابوردوی پڕ سەروەریمان ئاگادار بکەم و ناوی ئه و چوار شەهیدە کە لەلاپەڕەکانی مێژووی کوردا شوێنی زێڕینیان هەیە جارێکی ترو لەم بۆنەیەدا بەبیر بهێنمەوه و جەماوەر بەئاگا بهێنمەوە کە گیانمان، ئازادیمان، پەرلەمانمان، حکومەتمان، خۆشی ژیانمان، سەرفرازیمان، خوێندەواریمان، هەمویان بەری ڕەنجی خوێنی شەهیدانمانە، بۆیە دەبێ‌ هەمیشە لە یادەوەریمانا بەزیندوویی بژین.
هەر لێرەدادەمەوێ‌ ئەوەش بڵێم کە یەکێ‌ لەهاوسەنگەرانی ئه و چوار ئەفسەره و هاوڕێ‌ و خۆشەویستیان ڕەئیس بەکر حەوێزیی بوو کە بە بۆچوونی خۆی پێی باش نەبوو تەسلیم بە عیراق ببێتەوە، بۆیە له و کاتەوە تا شۆڕشی چواردەی تەمووز ئەم شاخ بۆ ئه و شاخ ئەم گوند بۆ ئه و گوند خۆی دەشاردەوه و لە بۆسەکانی حکومەت خۆی قوتار دەکرد، هەمیشە پرۆژەی شەهید بوون بوو، بەهیوام لە ئایندەیەکی نزیکدا ئەوەندەی پێم بکرێ‌ تیشک بخەمە سەر ژیانی کاکە بەکر حەوێزیی دلێرو جوامێر کە بەحەقیقەت ڕۆڵەی بەوەفای ڕێگای کوردایەتی بوو.
هەزاران سڵاو بۆ گیانی پاکی ئه و چوار قارەمانەی کە نامرن لە دڵی میللەتدا زیندوون.
سڵاو بۆ گیانی پاکی سەرجەم شەهیدانی ڕێگای ڕزگاریی کوردستان.
سڵاو بۆ گیانی پاکی سەرجەم ئه و جوامێرانە، ئه و هاووڵاتیانە، ئه و پێشمەرگانە، ئه و مامۆستایانە، ئه و کەسایەتیانه و ئه و ئەفسەرانەی لە کۆماری کوردستاندا بەشدار بوون.
سڵاو بۆ گیانی پاکی ئه و ئەفسەرانەی کە ساڵانێکیان لە زیندانەکانی رێژیمی عیراقدا بەسەر برد.
سڵاو بۆ گیانی ئه و شەهیدە قارەمانانەی وەک شوورەی پۆڵایین بەرگرییان لەکوردستان کرد دژ بە داعشی جانەوەرو بەردەوامیشن لەسەر شکاندنی لەشکری تاریکستان.
هەزاران سڵاو بۆ پێشمەرگە دلێرەکانی سەنگەر کە بەحەقیقەت تیرۆریست بەزێنن و بوونەتە سونبولی قارەمانێتی نەک هەر لەکوردستانا بەڵکو لەهەموو جیهانا، هەروەها لەم یادەدا قارەمانانی سەنگەری شەرەفمەندیی بەڵێن بۆ گیانی ئەفسەرە شەهیدەکانی حوزەیرانی 47 و هەموو شەهیدانی ڕێگای شەرەفمەندیی تازە دەکەنەوه و دڵنیایان دەکەن کە کوردستان بەخوێن دەپارێزن و هەرگیز ماوە نادەن داعش و هاوشێوەیان خاکی پیرۆزمان گڵاو بکەن.[1]
🗄 سەرچاوەکان
[1] ⚫ دیارینەکراو | 🏳️ کوردیی ناوەڕاست | مسته‌فا ساڵح که‌ریم

⁉️ تایبەتمەندییەکانی بابەت - Meta-data
🏷️ پۆل: 📖 کورتەباس
🏳️ زمانی بابەت: 🏳️ کوردیی ناوەڕاست
📙 پەڕتووک - کوورتەباس: ⚔ مێژوو
📄 جۆری دۆکومێنت: ⊶ زمانی یەکەم
🌐 زمان - شێوەزار: 🏳️ کرمانجیی ناوەڕاست
🏙 شار و شارۆچکەکان: ⚪ سلێمانی
🗺 وڵات - هەرێم: ⬇️ باشووری کوردستان

⁉️ تایبەتمەندییە تەکنیکییەکان
✨ کوالیتیی بابەت: 99% ✔️
99%
✖️
 30%-39%
خراپ👎
✖️
 40%-49%
خراپ
✖️
 50%-59%
خراپ نییە
✔️
 60%-69%
باش
✔️
 70%-79%
زۆر باشە
✔️
 80%-89%
زۆر باشە👍
✔️
 90%-99%
نایاب👏
99%
✔️
ئەم بابەتە لەلایەن: (مانو بەرزنجی)ەوە لە: Jun 20 2018 10:49PM تۆمارکراوە
👌 ئەم بابەتە لەلایەن: (هاوڕێ باخەوان)ەوە لە: Jun 20 2018 11:11PM پێداچوونەوەی بۆکراوە و ئازادکراوە
✍️ ئەم بابەتە بۆ دواجار لەلایەن: (مانو بەرزنجی)ەوە لە: Jun 20 2018 11:14PM باشترکراوە
☁️ ناونیشانی بابەت
🔗
🔗
⚠️ ئەم بابەتە بەپێی 📏 ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!
👁 ئەم بابەتە 1,945 جار بینراوە

📚 فایلی پەیوەستکراو - ڤێرشن
جۆر ڤێرشن 💾📖🕒📅 👫 ناوی تۆمارکار
📷 فایلی وێنە 1.0.1143 KB Jun 20 2018 11:06PMمانو بەرزنجی
✍️ ئەم بابەتە باشتر بکە!
☰ زۆرتر
⭐ بۆ ناو لیستی کۆکراوەکان
💬 رای خۆت دەربارەی ئەم بابەتە بنووسە!

✍️ گۆڕانکارییەکانی بابەتەکە!
🏷️ Metadata
RSS

📷 گووگڵی وێنەی بابەتی هەڵبژێردراو بکە!
🔎 گووگڵی بابەتی هەڵبژێردراو بکە!
⠪ بەشکردن
Facebook
Twitter
LinkedIn
Whats App
Viber
SMS
Facebook Messenger
E-Mail
👍
⭐ نرخاندنی بابەت
⭐⭐⭐⭐⭐ نایاب
⭐⭐⭐⭐ زۆر باشە
⭐⭐⭐ باش
⭐⭐ خراپ نییە
⭐ خراپ

نۆزدەی حوزەیران و یادی حەفتا و یەک ساڵەی جوانە مەرگانی وەتەن

📚 فایلی پەیوەندیدار: 5
📂[ زۆرتر...]
🖇 بابەتە پەیوەستکراوەکان: 1
📅 رێکەوت و رووداو (کڕۆنۆلۆژیا)
1.👁️19-06-1947
📂[ زۆرتر...]

Kurdipedia.org (2008 - 2020) version: 12.06
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 0,531 چرکە!
☎ +9647701579153 +9647503268282
| ☎ +31654710293 +31619975574