بەرپرسێ رەوتێ پێشەڕۆژا ئێزدییان راگەهاند، ژمارا ئێزدییان ل وەلاتێ ئەلمانیا ژ 100 هزار کەسان دەربازبوویە کو پتریا وان وەلاتیێن شنگالن.
پتریا کوردێن ئێزدی ل باشورێ کوردستانێ دژین، لێ ب دەهان هزار ئێزدیێن دی ل رۆژئاڤایێ کوردستانێ و کازاغستانێ و رووسیا و چەند وەلاتێن دی دژین.
عادل شێخ فەرمان، بەرپرسێ رەوتێ پێشەڕۆژا ئێزدییان بۆ دواڕۆژ گۆتبەری سالا 2014-ێ ژمارا ئێزدییان ل وەلاتێ ئەلمانیا ژ 40 هزاران زێدەتر نەبوو، لێ پشتی فەرمانا داعش بسەرێ ئێزدییان هینای، ژمارا کۆچبەرێن ئێزدی ل وی وەلاتی گەهشتییە 120 هزار کەسان.
ناڤبۆری خوەیاکربەرپرسێن ئەلمانیا ژمارەیێن فەرمی بۆ وان راگەهاندینە کو ژمارا ئێزدییان ل ووەلاتێ ئەلمانیا گەهشتیە 120 هزار کەسان و ل گۆرەی زانیاریێن وان پتریا وان کۆچبەرێن ئێزدی پشتی هێرشێن داعش ژ شنگال و دەشتا مووسلێ بەرەڤ ئەلمانیا چووینە.
رۆژا3-ێ تەباخا 2014-ێ، داعش هێرش کرە سەر دەڤەرێن ئێزدییان یێن ل باشوورێ کوردستانێ و ژبەر وێ هێرشێ زێدەتر ژ 300 هزار ئێزدییان مالێن خوە بجه هێلان و قەستا هەرێما کوردستانێ کرن و نێزیکی 100 هزاران ژی تا نوکە چووینە ژ دەرڤەی کوردستانێ کو پتریا وان کۆچبەری وەلاتێ ئەلمانیا بووینە.[1]
#20-06-2018#