بەڕێز سەرۆک کۆمار دکتۆر #فوئاد مەعسوم# بە بایەخێکی زۆرەوە و لە نزیکەوە بەدواداچون دەکات بۆ گۆڕانکاریی و پێشهاتەکان دەربارەی پرۆسەی ڕاگەیاندنی ئەنجامی هەڵبژاردنی خولی چوارەمی ئەنجومەنی نوێنەران کە لە 2018/5/12 بەڕێوەچو، ڕوانینی جیاواز و تۆمەتی لێکەوتۆتەوە کە دەوترێت پێشێلکاریی و دەستوەردانی تیادا بوە ئەوەش کاریگەریی هەبوە لەسەر ئەنجامەکان لە مەڵبەندەکانی هەڵبژاردن.
سەرۆکایەتیی کۆمار داوا لە هەمو دەستە و لایەنە پەیوەندیدارەکان دەکات بە کۆمیساریای باڵای سەربەخۆی هەڵبژاردنیشەوە پابەندی تەواوی حوکمەکانی دەستور و قانونە پەیڕەوکراوەکانی تایبەت بەم مەسەلەیە ببن، دوپاتیشی دەکاتەوە کە پێویستە ڕێوشوێنە ئوسوڵییەکان بگیرێتە بەر کە قانون ڕێساکان دایان ناوە کێشاویانە سەبارەت بە پیاداچونەوە بە تانە و نارەزاییەکان و هەمو مەسەلەکانی پەیوەندیدار و پەیوەست بە هەڵبژاردنەکە.
بەڕێز سەرۆک کۆمار پەرۆشە بۆ گرتنەبەری هەمو ڕێوشوێنێکی پێویست بە مەبەستی پاراستنی سەلامەتیی پرۆسەی دیموکراسیی بە پێی حوکمەکانی دەستور و بەو جۆرەی بەرژەوەندیی باڵای نیشتمانیی وڵات دەپارێزرێت.
#29-05-2018#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 3,329