کۆمپانیای (DNO)ی نەرویجی ئاشکرایکرد، بڕی47 ملیۆن دۆلاری وەک شایستەی دارایی لە حکومەتی هەرێم وەرگرتووە.
لە بەیاننامەیەکدا، کە ئەمڕۆ پێنج شەممە 24ی ئایار بڵاویکردوە، ڕایگەیاندوە بەرامبەر هەناردەکردنی نەوتی مانگی شوباتی ئەمساڵ بڕی 47 ملیۆن دۆلاری لە حکومەتی هەرێم وەرگرتووە و ئه و پارەیەش لەگەڵ هاوبەشەکەی کۆمپانیای (گەنەڵ ئینەرجی) دابەش دەکات.
رونیشیکردوەتەوە، بڕی 4.51 ملیۆن دۆلاری دیکەش، کە دەکاتە 3% داهاتی مانگێکی کێڵگەی تاوکی، لە حکومەتی هەرێم وەرگرتووە.
دی ئێن ئۆ دەشڵێت بەرێژەی 75% هەردوو کێڵگەی تاوکی و فیشخابوور بەڕێوەدەبات و لە ئێستاشدا هەردوو کێڵگەکە ڕۆژانە 111.62 هەزار بەرمیل نەوت بەرهەم دەهێنن.
کۆمپانیای دی ئێن ئۆ لە ناوەڕاستی مانگی ئازاری ڕابردووشدا بڕی 62.46 ملیۆن دۆلاری لە حکومەتی هەرێم وەرگرت.
ئەمڕۆش کۆمپانیای شاماران کە کێڵگەی ئەتروش بەڕێوەدەبات، ئاشکرای کرد، کە بڕی 34 ملیۆن دۆلاری لە حکومەتی هەرێم وەرگرتووە.[1]
#24-05-2018#