یەکینەکانی پاراستنی گەل (#یەپەگە#) ڕایگەیاند، لە چالاکییە سەربازییەکانی هەشت ڕۆژی ڕابردوودا لە ناوەندی شاری #عەفرین#، 12 سەربازی سوپای تورکیا و چەکداری ئۆپۆزیسیۆنی سووریا کوژراون.
بەگوێرەی ڕاگەیێندراوێکی ناوەندی ڕاگەیاندنی یەپەگە، لە دووەمین قۆناخی شەڕی خۆڕاگری لە ڕۆژانی 17-25ی نیسان لە ناوەندی شاری عەفرین، لانیکەم 12 سەربازی سوپای تورکیا و چەکداری ئۆپۆزیسیۆنی سووریا کوژراون.
یەپەگە ئاماژە بەوەشکردووە، لەو چالاکییانەدا شەڕڤانانی یەپەگە و یەپەژە هیچ زیانێکیان بەرنەکەوتووە و پاش ئەنجامدانی چالاکییەکانیان بە سەرکەوتوویی گەڕاونەتەوە شوێنەکانی خۆیان.
یەپەگە دەڵێت، لە ڕۆژی 20-1-2018ەوە کە سەرەتای هێرشی سەر عەفرین بوو، تاوەکو ئێستا لە شەڕ و پێکدادانەکاندا دوو هەزار و 420 چەکداری ئۆپۆزیسیۆنی سووریا و سەربازی سوپای تورکیا لە هەرێمی عەفرین کوژراون.[1]
#26-04-2018#