بەغدا و ئەنکەرە دانوستانەکانیان چڕکردوەتەوە بۆ داڕشتنی میکانیزمی جێبەجێکردنی پڕۆژە وەبەرهێنانەکانی تورکیا لە عێراق، کە بڕیارە لە چوارچێوەی قەرزێکی وەبەرهێنان بە بەهای 5 ملیار دۆلار ئه و وڵاتە لە عێراقدا جێبەجێيبکات.
وەزارەتی پلاندانانی عێراق لە بەیاننامەیەکدا ڕایگەیاند وەفدێکی عێراق بەسەرۆکایەتی سەلمان جومەیلی، وەزیری پلاندانان لەگەڵ فەزلی جورمان، بەڕێوەبەری فەرمانگەی کاروباری خۆرهەڵاتی ناوەڕاست و باکوری ئەفریقیا لە وەزارەتی دەرەوەی تورکیا لە ئەنکەرە کۆبوونەوە بۆ داڕشتنی میکانیزمی ئه و پڕۆژانەی کە بڕیارە لە چوارچێوەی قەرزی وەبەرهێنانی تورکیا لە عێراق جێبەجێی بکات.
بەپێی بەیاننامەکە جومەیلی داوای لە کۆمپانیا تورکییەکان کردوە سوود له و دەرفەتانە وەربگرن، کە عێراق لە چوارچێوەی یاسای وەبەرهێناندا بۆ وەبەرهێنان ڕەخساندویەتی، بەتایبەتی بۆ ئه و پڕۆژە خزمەتگوزاریانەی، کە بڕیارە به و 5 ملیار دۆلار قەرزی وەبەرهێنانەی تورکیا بە عێراقی داوە، ئەنجام بدرێن.
وەزیری پلاندانی عێراق ئاماژەی بۆ ئەوەشکردوە کە جگە له و پڕۆژانە کۆمپانیا تورکیییەکان دەتوانن لە بوارەکانی گواستنەوە و نیشتەجێبوون و تەندروستی و پڕۆژە خزمەتگوزارییەکانی تر کاری وەبەرهێنان بکەن.[1]
#26-04-2018#
פריט זה נכתב בשפה (کوردیی ناوەڕاست), לחץ על סמל
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 3,085
כתוב את התגובה שלך על סעיף זה!