بە بڵاو بوونەوەی هەواڵی ئەو پەلامارە تێرۆریستییەی کە پێنجشەممەی پێشوو کرایە سەر بەرێز کاک حسین یەزدانپەنا سەرۆکی #پارتی ئازادیی کوردستان#؛ لە یەک حەوتووی ڕابردوودا، شەپۆلێک لە سەردان، هەواڵپرسی و پێوەندیی و ناردنی برووسکە و کورتەنامە، هەروەها دانانی پۆست و ستاتووس و کۆمێنت لە تۆڕە کۆمەڵایەتییەکان، لە لایان هاووڵاتیان و کەسایەتییە جۆراوجۆرەکان و فەرماندەیی و هێزەکانی پێشمەرگەی کوردستان، ژمارەیەکی زۆر لە حیزب و ڕێکخراوە سیاسییەکانی هەرچوارپارچەی کوردستان و دۆستانی بیانی و تیمەکانی هاوپەیمانیی نێودەوڵەتیی دژی داعش، ڕووی لە پارتی ئازادیی کوردستان کرد.
بەمجۆرە و بە ڕێز و حورمەتی زۆرەوە، سوپاس و پێزانینی سەرۆکایەتی پارتی ئازادیی کوردستان لە پەرۆش و زەحمەت و هەست و هەڵوێستی سەرجەم ئەو بەڕێزانە ڕادەگەێنین. هاوکات هەموو لایەک، بە دۆست و دوژمنەوە دڵنیا دەکەینەوە کە پارتی ئازادیی کوردستان و سەرکردایەتییەکەی، حیزب و هێز و سەرکردایەتیی ڕاهاتوو و گۆشکراو بە بەربەرەکانی و بەرەنگاریی و کۆڵنەدانن و بە تێرۆر و پیلانگێڕیی تێرۆریستیی بەچۆکدا نایەن و هەروا شێلگیرانە ڕێگای خەبات لە پێناو ئازادیی و سەروەریی و سەربەخۆیی کوردستان، دەپێون.
شەکاوە بێ ئاڵای ئازادیی و سەربەخۆیی کوردستان
دەفتەری سەرۆکایەتیی پارتی ئازادیی کوردستان
31ی خاکەلێوەی 2718
#20-04-2018#
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,847 جار هاتیە دیتن
ڕایا خو دەربارەی ڤی بابەی بنڤێسە!