پیرۆزبایی خۆمان ئاڕاستەی خوشک و برایانی مەسیحی (کلدانی، سریانی و ئاشوری) لەکوردستان و عێراق و ناوچەکە بەگشتی دەکەین بەبۆنەی هاتنەوەی جەژنی قیامه و ئەکیتۆ سەری ساڵی بابلی ئاشوریەوە.
ئه و جەژنە لەکاتێکدایە ئەمسأل خوشک وبرا مەسیحیەکان دوای ماڵ وێرانی و دەربەدەری و ئاوارە بون بۆ ماوەی 3ساڵ لەناوچەکانی خۆیان و قوربانی دان لەژێر دەستی گروپی داعش و دوور لە شوێن و خاکی خۆیان بەڵام ئەمساڵ دوای ئازاد کردنی بەشیک لەناوچەکانیان گەڕانەوه و ئه و جەژنە لەماڵەکانی خۆیان دەکەنەوه و بەداخەوەش هێشتا بەشێکیان لەئاوارەیی دەژین.
ئەگەرچی بەداخەوە لەدوای هێرشەکانی گروپی داعش و داگیرکردنی ناوچەکانیان بەتایبەت لەدەشتی نەینەوا دەیان خێزان و گەنجی مەسیحی ئه و ناوچانە کۆچیان کرد بۆ دەرەوەی وڵات و بەناچاری خاکی خۆیان بەجێهێشت ئه و خاکەی کە ئەوان بەدریژایی مێژوو لەوخاکە ژیاون و بەشێک بونە لەدروست بونی شاراستانیەتەکانی ئه و ناوچانە لەکاتی خۆی و قوربانیان بۆداوه و سەرەڕای ئەوەی لەناوەراست و باشوریش ڕوبەروی دەرکردن و کوشتن و هەڕەشەی بەردەوام بونەتەوه و لەسەر ماڵ و کاری خۆیان دەردەکرێن.
هەمیشە جەژنەکان دوای بۆنه و سەرکەوتن و لەکاتی مژدە بەخشین هاتونە، بۆیە هیواداراین هاتنەوەی جەژنی قیامە بۆخوشک و برایانی مەسیحی بەتایبەت ببێتە مایەی گەرانەوەی خۆشی و خەنده و مافەکانیان و بۆ هەموو خەڵکی هەرێمی کوردستانیش ببێتە مایەی هاتنەوەی ئاشتی و سەقامگیری و خۆشبەختی و ئارامی شارو وڵات و خێزانەکان.
دەستەی سەربەخۆی مافی مرۆڤ
هەرێمی کوردستان #01-04-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,363 mal angesehen
Schreiben Sie Ihren Kommentar zu diesem Artikel!