بەهۆی هەڵگرتنی باج لەسەر گەشتیاران لە دەروازە سنوورییەکانی نێوان رۆژهەڵات و باشووری کوردستان کە بۆ هەر گەشتیارێک بڕی 25 هەزار دینار وەردەگیرا، سەردانی گەشتیاران بۆ باشووری کوردستان زیادیکردووە.
لە ماوەی چوار رۆژی هەڵگرتنی ئەو باجەدا، 25 هەزار گەشتیاری رۆژهەڵاتی کوردستان و ئێران سەردانی باشووری کوردستانیان کردووە. گەشتیاران دەڵێن، هەڵگرتنی ئەو باجە تێچووی سەفەرکردنی لەسەر ئەوان کەمکردووەتەوە و هاندەری خەڵک بووە بۆ ئەوەی لە نەورۆزدا سەردانی باشووری کوردستان بکەن.
جگە لە هاونیشتمانیانی رۆژهەڵاتی کوردستان، گەشتیاری فارس و تورک زۆرن کە مەبەستیانە نەورۆز لە باشووری کوردستان بکەنەوە. زۆربوونی ژمارەی گەشتیارانیش، بازاڕی کاسبکارانی سنووری گەرم کردووه و رۆژانە 40 پاس و نزیک 50 تەکسی گەشتیار دەگوازنەوە.
مستەفا‌ شاوری، شۆفێر لە دەروازەی سنووری حاجی ئۆمەران بە رووداوی راگەیاند: بەر له و بڕیارە رۆژا‌نە نزیک 10 تەکسی گەشتیارمان دەگواستەوە، ئێستا نزیکەی 50 تەکسی کار دەکات لەبەر ئەوەی گەشتیار زۆر زیادی کردووە.
بە بڕیارێکی کەریم شنگالی، وەزیری ناخۆی هەرێمی کوردستان، لە 16-3-2018 رسووماتی 25000 هەزار دیناری لەسەر گەشتیارانی هەڵگری پاسپۆرتی ئێرانی لابرا، کە لەو رۆژەوە تاوەکو 01-04-201801-04-2018 لە رێگەی خاڵە سنوورییە نێودەوڵەتییەکانەوە دێنە هەرێمی کوردستان.[1]
21-03-201821-03-2018

#01-04-2018 | #21-03-2018 |