$باکووری کوردستان$
- داواکاری گشتی ئەنکەرە دۆسێی لێکۆڵینەوەی لەسەر سێ پەرلەمانتاری سەر بە پارتی دیموکراتی گەلان (#هەدەپە#) کردەوە، تۆمەتبارکراون بەوەی لە تۆڕە کۆمەڵایەتیەکاندا بە پۆستکردنی نوسین یان وێنە پشتیوانیان لە عەفرین کردووە و دژی ئۆپەراسیۆنی چڵە زەیتون وەستاونەتەوە. ئەو پەرلەمانتارەی دۆسێیان لەسەر تۆمارکراوە بریتین لە (#ئادەم گەڤەری# و بەدیعە ئۆزگۆکچە ئەرتان و #لەزگین بۆتان#) و تۆمەتی پروپاگندە بۆ ڕێکخراوی تیرۆریستییان دراوەتە پاڵ.[2]
$باشووری کوردستان$
- کاتژمێر 10:00ی بەیانی ئەمڕۆ، لە #سلێمانی# خۆپیشاندانی مامۆستایانی ناڕازی و مانگرتوو لەبەردەم بەڕێوەبەرایەتی پەروەردەی ڕۆژئاوا دەستیپێکرد.[2]
- لەژێر ناونیشانی =KTML_Bold=❞ڕەسەنايەتيمان ڕەگی ناسنامەبوونمانە❝=KTML_End=، يەکەمين کۆنفڕانسی نێودەوڵەتیی ئينستيتيوتی کەلەپووری خۆشناوە تی و سێيەمین کۆنفڕانسی نێودەوڵەتیی سەنتەری هەندرێن بۆ زمان و توێژینەوەی کەلتووری لە #شەقڵاوا# دەستیپێکرد.[1]=KTML_Quote_Begin==KTML_Style=width:30%;float:right;=KTML_Quote_Icon=❞=KTML_Quote_Content==KTML_Red=قادر قادری، فەرماندەیەکی پێشمەرگەی حدکا لە ناوچەی بێتواتە تیرۆرکرا!=KTML_End==KTML_Quote_End=
- وتەبێژی پۆلیسی ڕاپەڕین ڕاگەیاند، پێشنیوەڕۆی ئەمڕۆ لە نزیک گوندی هەرتەلی شارەدێی #بێتواتە# تەرمی هاوڵاتیەک بەناوی (#قادر قادری#) دۆزاوەتەوە کە شوێنەواری چەند گوللەیەک بەسەر جەستەیەوە دیارە. وتیشی قوربانییەکە تەمەنی لە سەرووی 40 ساڵەوەیە و ئەندام و کادیری حیزبی دیموکراتی کوردستانە و دانیشتوی #کۆیە#یە.[2]
- لەبەردەم نوسینگەی ئەنجومەنی نوێنەرانی عێراق لە #هەولێر# ژمارەیەک لە جوتیاران خۆپیشاندانیکیان ئەنجامداو داوای پارەی گەنمەکانیان بۆ چوار ساڵی ڕابردوو لە حکومەتی عێراقی دەکەن و دەڵێن داوا دەکەین ❞پارەی گەنمەکانمان بە سیاسی نەکرێت❝.[2]
- فرانک قینرینگ، وتەبیّژی وەزارەتی دەرەوەی ئەڵمانیا ئەمڕۆ بە ئاژانسی هەواڵی سپۆتنیکی ڕایگەیاند بەردەوام دەبن لە مەشقکردن بەهێزەکانی پێشمەرگ لەبوارەکانی تەندروستی و لۆجستی.[2]
- مەڵبەندی #کەرکووک#ی #یەکێتیی نیشتیمانی کوردستان# دەنگۆی هەڕەشەکردنی گروپێکی #حەشدی شەعبی# لەو حزبە ڕەتکردەوە و ڕایگەیاند یەکێتی نەئێستا و نەداهاتوو هەڕەشە لەهیچ هێزو لایەنێک قبوڵ ناکات.[2]
$رۆژئاوای کوردستان$
- لە دەوروبەری #جندرێس#ی سەربە کانتۆنی #عەفرین#، لە نێوان شەڕڤانان و هێزە داگیرکەرەکانی سوپای تورک و چەتەکانیدا شەڕێکی سەخت ڕوودەدات.[1]
- لە جندرێس، شەڕڤانان شکستیان بەهێرشێکی سوپای تورکیا هێنا و لەئەنجامدا بەدەیان سەرباز و چەکداری هاوپەیمانی تورکیا کوژران و شەڕ لە میحوەرەکە بەردەوامە.[2]
- لە گوندی مەشعەلە و دەوروبەری قوتمێ شەڕی سەخت لە نێوان شەڕڤانان و هێزە داگیرکەرەکاندا ڕوودەدات، لە ئەنجامی ئەو شەڕەدا نۆ سەرباز و چەتە کوژراون، ئەمەش دوای کوژرانی 20 سەربازی دیکە دێت لە چەند کاتژمیری ڕابردوودا.[1]
- شەڕڤانانی #یەپەژە# و #یەپەگە# لە گوندی کەفەرجەنی سەربە شەرا لە دژی ئۆتۆمبێلێکی سەربازیی سوپای تورک چالاکییان ئەنجامدا، له و چالاکییەدا پێنج سەربازی سوپای تورک کوژران، بەوەش ژمارەی سەربازە کوژراوەکانی ئەمڕۆی سوپای تورک بوو بە 34.[1]
- لە گوندی میسکی ژووروو سەربە جندرێس لە عەفرین، بەهۆی بۆردوومانی فڕۆکە جەنگییەکانی سوپای تورکەوە چوار هاوڵاتی شەهید بوون.[1]

$دەرەوەی کوردستان$
- فیلمی #پێشمەرگە# لەنێو کۆنگرێسی ئەمریکا نمایشکرا. ژمارەیەکی زۆر لە ئەندامانی کۆنگرێسی ئەمریکا بە دیقەتەوە سەیری ڕۆڵی پێشمەرگە و داستانەکانی شکاندنی تیرۆریان کرد لە باشووری کوردستان کرد.[3]
- مارگۆت واڵسترۆم، وەزیری دەرەوەی سوید دەڵێت، کە بڕیاری نەتەوە یەکگرتووەکان بۆ ڕاگەیاندنی ئاگربەست لە سوریا بۆ سەرتاسەری خاکی سوریایە و عەفرینیش دەگرێتەوە، دەبێت تورکیا هێرشەکەی بوەستێنێت.[1]
- خۆپیشاندان و چالاکییەکانی هاوڵاتیانی کوردی دانیشتووی ئەڵمانیا لە دژی قەدەغەی سەر یەپەگە گەیشتە ئەنجام و پۆلیسی بەرلین بە فەرمی قەدەغەی سەر یەپەگەی لابرد.[1]