ئەنجومەنی تەندروستی کانتۆنی #عەفرین# ڕایگەیاند، کە لەدوای ڕاگەیاندنی ئاگربەست-ەوە لە سوریا، 33 هاوڵاتی مەدەنیی لە عەفرین شەهیدبوون.
ئێوارەی ئەمڕۆ، ئەنجومەنی تەندروستی کانتۆنی عەفرین، کۆنگرەیەکی ڕۆژنامەنووسیی ئەنجامدا، تیایدا ژمارەی ئەو هاوڵاتییە مەدەنییانەی ئاشکراکرد، کە لەدوای ڕاگەیاندنی ئاگربەستی سوریا-وە لە عەفرین شەهیدبوون.
لە کۆنگرە ڕۆژنامەنووسییەکەدا، #ئانجێلا ڕەشۆ#، هاوسەرۆکی ئەنجومەنی تەندروستی عەفرین ڕایگەیاند: لەدوای ئاگربەستی سوریاوە، 33 هاوڵاتی مەدەنی لە عەفرین شەهیدبوون، لەو ژمارەیەش یەک منداڵ و 15 ژن و 17 پیاوە.
ڕوونیشیکردەوە: لەکاتی ڕاگەیاندنی ئاگربەست-دا، ژمارەی شەهیدی مەدەنی بووە 212 شەهید، ئەو ژمارەیەش پێکهاتووە لە 28 منداڵ، 25 ژن و 159 پیاو، ژمارەی بریندارە مەدەنییەکانیش بەرزبووەتەوە بۆ 612 بریندار، کە 76 منداڵ و 82 ژنو 463 پیاوە.
هاوسەرۆکی ئەنجومەنی تەندروستی عەفرین، ئەوەشی خستووەتەڕوو، کە دەرمان و پێداویستیی پزیشکیان زۆر کەمە و دۆخی شەڕ-یش کاریگەرییەکی زۆی لەسەر هاوڵاتیانی مەدەنیی کردووە و هاوڵاتیانی لەبەر بۆردوومان و تۆپبارانەکان، ناچاربوون ماڵەکانیان چۆڵبکەن و لە ناوچە ئامارامەکان کانتۆنەکە جێگربوون.
ڕۆژی 24ی شوبات، ئەنجومەنی ئاسایشی نێودەوڵەتیی بەکۆی دەنگ، ئاگربەستێکی 30 ڕۆژەیی لە سوریا ڕاگەیاند، بەڵام تا ئێستا سوریا و تورکیا پابەندنەبوون بە ئاگربەستەکەوە و بەردەوامن لە هێرش و بۆردوومانەکانیان بۆ سەر هەریەکە لە عەفرین و غۆتەی ڕۆژهەڵات.[1][2]
#04-03-2018#
|
ئاماری تاوانەکانی تورک لە عەفرین تا رۆژی 04-03-2018
|
|
|
|
|
|
|