رۆژهەڵاتی کوردستان
- هیزەکانی ئیتلاعاتی شاری جوانڕۆجوانڕۆ ڕێگەیان بە بەڕێوەچوونی ڕێورەسمی پرسەی فەرماندەی گیان بەختکردو کاوە مەجیدیکاوە مەجیدی (باهۆز جوودی)، کە لە پێناوی بەرگری لە پەلامار و هێرشە دڕندانەکانی تورکیا بۆ سەر عەفرین و ڕۆژئاوای کوردستان گیانی بەخت کردوە نەدا.[4]
باشووری کوردستان
- بەڕێوەبەرایەتیی ئاسایشی کەرکوککەرکوک ڕایدەگەیێنێت، شەوی ڕابردوو کارمەندێکی بەڕێوەبەرایەتییەکەمان بەناوی سەمیر حەسەن غەریبسەمیر حەسەن غەریب کە کوڕی هونەرمەندێکی ناسراوی کەرکووکە، لەبەر دەرگای ماڵەکەی شەهیدکرا. [1]
- بەڕێوەبەری کەشناسی و بوومەلەرزەزانی هەرێمی کوردستان ڕایدەگەیێنێ، لە 24 کاژێری ڕابردوودا بارانبارین ئاستێکی پێوانەیی تۆمارکردووە و لە شاری سلێمانیسلێمانی 127 ملیم زیاتر لە ساڵی ڕابردوو باریوە.[1]
- لە ناوچەی بەستی شەرغە کە دەکەوێتە نێوان شارەدێی سێ گردکان و قوشتەپەقوشتەپە پردێک باران دەیبات، بەهۆیەوە ڕێگای هەولێرهەولێر لە شارەدێی تەقتەقتەقتەقەوە داخرا.[2]
- وتەبێژی پۆلیسی هاتوچۆی سۆرانسۆران ڕایدەگەیەنێت بەهۆی داڕمانی پارچە شاخێکەوە لە ئێستادا ڕێگای سەرەکی سۆران - هەولێر ئەستەنگی بۆ دروستبووه و داخراوه و ڕێگایەکی لاوەکی کراوەتەوە.[2]
- بەهۆی بارانبارینەوە زیان بە پردی تانجەرۆ گەیشتووە و بەهۆیەوە ڕێگەی سەرەکی نێوان سلێمانی - قەرەداغقەرەداغ بەربەستکرا.[2]
- لە گوندی مەلا هۆمەری سەر به ‌شارۆچکەی خان لە شارۆچکەی کفریکفری بەهۆی داڕووخانی گەوڕێکی ئاژەڵەوە نزیکەی 300 سەر بەرخ و مەڕ مرداربوونەوە.[1]
- بارانبارینی بەدەوام، بەشێکی پرۆژەی دیواری ڕاگری پارکی سەرشاخی سەید سادقسەید سادق-ی ڕووخاند، کە ماوەی چوار ساڵە کاری تێدا دەکرێت و هێشتا تەواو نەکراوە.[3]
- یەکێتی پەرلەمانتارانی کوردستانیەکێتی پەرلەمانتارانی کوردستان، هێرشەکانی تورکیا بۆسەر عەفرینعەفرین شەرمەزار دەکات و دەڵێت:سەرۆکی تورکیا لەژێر ناوی سوپای ئازاد ڕاهێنانی بە هەزاران داعشداعش کردووە، بۆئەوەی شەڕ لەناوچە کوردییەکان بەرپابکات.[3]
- لە بینای ڕێکخراوی مانگی سوورمانگی سووری کوردی لە شاری سلێمانی، کەمپەینێک بۆ کۆکردنەوەی هاوکاری بۆ شاری عەفرین ڕاگەیەندرا، بڕیارە کەمپەینەکە تا ئەوکاتەی شاری عەفرین پێویستی بە هاوکاری بێت بەردەوام دەبێت.[3]
رۆژئاوای کوردستان
- ئەمڕۆ لە بەردەم نەخۆشخانەی ئاڤرین لە ناوەندی عەفرین، ئەنجومەنی تەندروستیی کانتۆنی عەفرین کۆنگرەیەکی ڕۆژنامەنووسی بەڕێوەبرد و ئاشکرای کرد، کە سوپای تورک لە دژی هاوڵاتیانی مەدەنی گازی کلۆری بەکارهێناوە.[3]
- هەندێک سەرچاوە باس لە ڕێگەوتنی یەپەگەیەپەگە و حکومەتی سوریا دەکەن سەبارەت بە عەفرین. سەرەتا یەپەگە ئەو دەنگۆیانەی ڕەتکردەوە.[4]
- فڕۆکە جەنگییەکانی تورک، سەنتەری شارۆچکەی ڕاجۆ لە عەفرین بۆردوومان دەکەن.[3]
- لە بەرەی شارۆچکەی ڕاجۆ-ی عەفرینەوە، شەڕێکی دژوار لەنێوان شەڕڤانان و سوپای تورک و چەتەکانیدا بەڕێوەدەچێت و بەپێی ئەنجامە سەرەتاییەکانیش، 7 سەرباز و چەتەی سوپای تورک کوژراون.[3]
- لە گەڕەکی غەربی لە قامشلۆقامشلۆ ئۆتۆمبێلێکی بۆمبڕێژکراو تەقییەوە و بەهۆیەوە پێنج کەس گیانیان لەدەستدا و حەوت کەسی دیکەش برینداربوون.[1]