لە سەر بنەمای زانیاری و بەدواداچونی ورد بۆ هێزەکانی بەڕێوەبەرایەتی ئاسایشی گەرمیان ڕونبووە لەسەر بونی ژمارەیەک چەکداری نەناسراو لە بناری #بەمۆ#.
پاش لێکۆڵینەوە و وەرگرتنی ڕەزامەندی دادوەر بە فەرمانی سەرۆکی دەزگای ئاسایشی هەرێم، ئێوارەی ڕۆژی 22-01-2018 ئاسایشی گەرمیان، بنکەکانی ئاسایشی بەمۆ و مەیدان و دەربەندیخان ئۆپراسیۆنی کیوماڵکردنی ناوچەکەیان دەسپێکرد و توانیان شوێن و حەشارگەی چەکدارە نەناسراوەکان ئاشکرا بکەن، ڕووبەڕوی ژمارەیەک چەکداری نەناسراو بونەوە دوای ئەوەی داوایان لێکرا ناسنامەیان ئاشکرا بکەن و خۆیان ڕادەستی هێزەکانمان بکەن.
بەڵام دوای خۆدزینەوەیان ڕوبەڕووی هێزەکانی ئاسایش بونەوەو شەڕوپێکدانان ڕویدا و هەڵهاتن.
بەڵام بەهۆی سەختی ناوچەکە هێزەکانی ئاسایشی گەرمیان بەردەوام بوون و پلانی خۆیان گۆڕی و سەرەتا شاخی بەمۆ کۆنتڕۆڵکراو پاشان توانرا حەشارگەکەیان ئاشکرابکرێت و دەسبگیرێت بەسەر یەک چەکی (بیکەیسی)و (دوو کڵاشینکۆف)و یەک فەردە(تیئێنتی) و 17 گولەی (ئاربیچی) و چەندین سندوقی فیشەک و مەوادی خۆراکی بەپێی زانیاریەکانی دەزگای ئاسایشی هەرێم چەکدارەکان گومانی تیرۆرستانی داعشیان لێدەکرێت و پێشتر زانیاری ورد هەبووە لەسەر جموجۆڵەکانیان لە ناوچەی حەمرین و لە ئێستاشدا هێزەکانی بەرێوبەرایەتی ئاسایشی گەرمیان، بەهاوکاری پۆلیسی گەرمیان و هێزێکی بەرگری و فریاکەوتنی دەربەندیخان بەردەوامن لە کیوماڵکردنی ناوچەکەن و کۆنترۆڵکردنی سنورەکەو کۆمەڵانی خەڵکیش دڵنیا دەکەینەوە کە شەو نوخون دەبین و بە گیانمان خاکی هەرێم دەپارێزین.
دەزگای ئاسایشی هەرێمی کوردستان
#23-01-2018#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 4,106
Scrivi il tuo commento su questo articolo!