کومپانیای DNO ی نەرویجی ئاشکرای کرد، بڕی 53.71 ملیۆن دۆلاری لە حکومەتی هەرێم وەرگرت، وەک شایستەی دارایی بەرهەمهێنان و فرۆشتنی نەوت بۆ مانگی تشرینی یەکەمی کێڵگەی نەوتی تاوکێ.
لە بەیاننامەیەکدا، کە ئەمڕۆ دووشەممە 22ی کانوونی دووەم بڵاویکردۆتەوە، کۆمپانیای دی ئێن ئۆ ڕایگەیاندوە لەگەڵ هاوبەشەکەی کۆمپانیای گەنەڵ ئینەرجی، بڕی 53.71 ملیۆن دۆلاریان لە حکومەتی هەرێم وەرگرت، وەک شایستە دارایی بەرهەمی نەوتی کێڵگەی نەوت تاوکێ.
لە ناوەڕاستی مانگی کانوونی یەکەمی ڕابردوش کۆمپانیای دی ئێن ئۆ بڕی 54.32 ملیۆن دۆلاری لە حکومەتی هەرێم وەرگرت، وەک شایستەی دارایی هەناردەی نەوتی مانگی ئەیلول.
حکومەتی هەرێم لە کۆتایی مانگی ئابدا لەگەڵ هەریەک لە کۆمپانیای دی ئێن و گەنەڵ ڕێککەوتن بۆ پاکتاوکردنی شایستە دارییەکانیان.[1]
#22-01-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,961 times
Write your comment about this item!