دواڕۆژ، بورهان یەحیا
ل سنۆرێ پارێزگەها #دهۆک# قوتابخانەیێن پەروەردەیێ پێدڤی ب 3 ملیۆن لترێن نەفتێنە و بەشێن ناڤخۆ یێن زانکۆیا دهۆک ژی مەهانە پێدڤی ب 200 هزار لترێن نەفتێنە کو ب شێوەیەکێ گشتی دبیتە 3 ملیۆن و 200 هزار لتر.
عومەر عەلی، رێڤەبەرێ گشیێ پەروەردا پارێزگەها دهۆک بۆ دواڕۆژ رۆهنکر کو ل سنۆرێ پارێزگەهێ 1616 قوتابخانە هەنە کو ئەگەر نەفت بۆ هەموویان بهێتە دابینکرن دێ پێدڤی ب 3 ملیۆن لتران بین و هەتا نوکە چ نەهاتییە دابینکرن لێ پترییا قوتابخانەیان ژ وێ بەشێ مایی یا نەفتا پار بۆ ئەڤ سالە ژی مفای وەردگرن و رێکخراوەکا بیانی ژی بەرهەڤییا خۆ دیار کرییە کو نەفتا پێدڤی بۆ هەموو قوتابخانەیێن سنۆرێ دەڤەردارییا زاخۆ دابین بکەت.
ناڤبۆر خویکر کو پترییا قوتابخانەیان سۆپە هەنە لێ هندک قوبخانەیێن نوو دهێنە ئاڤاکرن کێشەیا سۆپەیان هەیە لێ هەردەما ئەڤ ئاریشە گەهاندبیتە پەروەردەیێ بۆ وان هاتییە چارەسەرکرن و دگەل کارگێرییا پارێزگەهێ ژی لسەر هێلین بۆ هندێ نەفت بۆ قوتابخانەیان بهێتە دابینکرن.
د. هەژی مووسا، هاریکارێ سەرۆکێ زانکۆیا دهۆک بۆ کاروبارێن کارگێری و دارایی بۆ دواڕۆژ رۆهنکر کو زانکۆ نەفتێ نادەتە کۆلیژان چونکو کارەب گشتی و موەلیدەی هەنە لێ بۆ بەشێن ناڤخۆ یێن سەنتەرێ باژێڕێ دهۆک مەهنە پێدڤی ب 130 هزار لترێن نەفتێ ینە و بەشێن ناڤخۆ یێن ئاکرێ و ئامێدیێ ژی پێدڤی ب 70 هزار لتراینە و نوکە لسەر بودجەیا زانکۆیێ ئەڤ رێژە دهێتەکرین لێ داخواز ژ کارگێرییا پارێزگەهێ هاتییەکرن کو 250 هزار لتران بتنێ بۆ مەهەکێ هاریکارییا مە بکەن لێ هەتا نوکە چ بەرسڤ نەبووینە.[1]
#14-12-2017#
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 3,933 mal angesehen