🔓 چوونەژوورەوە
➕ تۆمارکردنی بابەت
⌨ کیبۆرد
📁 زۆرتر ...
بەهۆی کوردیپێدیاوە دەزانیت هەر رۆژێکی کەلێندەرەکەمان چیی تیادا روویداوە!
🏠|📧|دەربارە!|پەڕتووکخانە|📅 11-12
🏠 دەستپێک|📧 پەیوەندی|💡 دەربارە!
|
📅 ئەمڕۆ 11-12 لە مێژوودا
📅کڕۆنۆلۆژیای رووداوەکان
📅 رۆژەکان
📆11-12-2019
📆10-12-2019
📆09-12-2019
📆08-12-2019
📆07-12-2019
📆06-12-2019
📆05-12-2019
📂 زۆرتر ...
📅11 December
📝 بەڵگەنامەکان
📊 ئامار و راپرسی
✌️ شەهیدان
💚 ئەنفالکراوان
☪ قوربانیی شەڕی دەوڵەتی ئیسلامی - داعش
😞 قوربانیی شەڕی ناوخۆ
👩 قوربانیی توندوتیژی
📅 رۆژی لەدایکبوون
📅 رۆژی کۆچی دوایی
|💳 کۆمەکیارمەتیمان بدە بۆ پێکهێنانی کوردیپێدیایەکی باشتر. تەنانەت کۆمەکێکی بچووکیش دەبێتە یارمەتیدەرمان.
یارمەتیی ئێوەمان دەوێت بۆ:
* بەدەستهێنانی تەکنەلۆجیای باشتر و خێراتر...
* دانانی ئۆفیسێک بۆ رێکخراوی کوردیپێدیا لە باشووری کوردستان.
* دامەزراندنی چەند کارمەندی تایبەت بەخۆیەوە، تا بەردەوام ناوەڕۆکی کوردیپێدیا باشتر بکرێت.
|📕 پەڕتووکخانەگەورەترین و پۆلێنکراوترین پەڕتووکخانەی دیجیتاڵی کوردی! - (10,536) پەڕتووک|||
📅 09-12-2019
باکووری کوردستان
- بۆ لێسەندنەوەی مافی پارێزبەندی لەبارەی 18 پەرلەمانتاری هەدەپە 21 دۆسیە ئامادەکران و بۆ پەرلەمانی تورکیا نێردران.[2]
- لەو هاوسەرۆکی شاروانیانەی لە 6ی کانونی یەکەمدا لە وان لە ئەنجامی هەڵکوتانە سەر ماڵان دەستبەسەر کرابوون کە پێکهاتبوون لە هەریەک لە هاوسەرۆکی شارەوانی بێگری یلماز شالان، هاوسەرۆکی شارەوانی قەلقەلێ دیلان ئۆرەنجی و یاقوب ئالماچ بریاری زیندانیکردنیان بۆ دەرچوو، هاوسەرۆکی شارەوانی ئەلباک ئەرکان ئاجار و هاوسەرۆکی شارەوانی بێگرێ لەیلا بالکان بە مەرجی چاودێریی دادگا،
📅 09-12-2019
🏷️ پۆل: رێکەوت و رووداو (کڕۆنۆلۆژیا)
كۆنفرانسی مه‌ڵبه‌نده‌كانی یه‌كێتیی نیشتمانیی كوردستان
کلیک بکە بۆ زانیاریی زۆرتر و وێنەی گەورەتر!
👫 شاکر سلێمان سۆلاڤ
لە ساڵی 1955 لە شاری هەولێر لە دایک بووە و لە ساڵی 1980 وەک پەنابەرێکی سیاسی لە ستۆکهۆڵم ژیاوە.
ئەندامێکی چالاکی گروپی شانۆی کوردی بووە لە ستۆکهۆڵم و لە ساڵی 1981کەوە دەستی بەکاری هونەریکردووە و وەک ئەکتەری شانۆ و زنجیرە دراما و فیلم دەرکەوتووە و بەردەوام بووە.
لەرێکەوتی 11-12-2016 لە شاری ستۆکهۆڵمی وڵاتی سوید شانۆکار کۆچی دواییکرد.
👫 شاکر سلێمان سۆلاڤ
🏷️ پۆل: کەسایەتییەکان
شاکر سلێمان سۆلاڤ
کلیک بکە بۆ زانیاریی زۆرتر و وێنەی گەورەتر!
✌️ ئەکرەم محەمەدئەمین قادر خدر ناسراو بە ئەکرەمی حەپسە یان بێستون
(1945/ سلێمانی – هەڵگری بیروباوەڕی مارکسیزم لینینیزم/ دواتر کرا بە شەهیدی کۆمەڵە/ ی. ن. ک)، کە لەلایەن ئەمنی سلێمانی بەهۆی کەسێکەوە بەناوی (عومەر مارف) کە ئێستا دانیشتووی هەولێرە و ئەندامی (پ. د. ک)ە لە رۆژی (28-03-1980)دا گیرابوو، ، دواتر لە ڕۆژی (22-04-1980)دا لە هەیئە خاسەی کەرکوک بڕیاری لە سێدارەدانی دەرچووە. پاشان لە شەوی (10/11-12-1980)دا لەگەڵ پێنج قارەمانی دیکە لە بەندیخانەی موسڵ لە سێدارە دران.
✌️ ئەکرەم محەمەدئەمین قادر خدر ناسراو بە ئەکرەمی حەپسە یان بێستون
🏷️ پۆل: شەهیدان
ئەکرەم محەمەدئەمین قادر خدر ناسراو بە ئەکرەمی حەپسە یان بێستون
کلیک بکە بۆ زانیاریی زۆرتر و وێنەی گەورەتر!
👫 بەهار مستەفا
ڕۆژنامەنوس و دەرهێنەر، دەرچووی کۆلیژی زانستە مرۆییەکان/ ڕاگەیاندنە، چەندین ساڵ ڕۆژنامەوانێکی بەتواناو دواتر دەرهێنەری فیلمی دیکیۆمێنتەری بوو.
لە 11-12-2018 بەهۆی نەخۆشییەوە کۆچی دوایی کرد.
👫 بەهار مستەفا
🏷️ پۆل: کەسایەتییەکان
بەهار مستەفا
کلیک بکە بۆ زانیاریی زۆرتر و وێنەی گەورەتر!
📊 بابەت 366,586 | وێنە 56,280 | پەڕتووک PDF 10,536 | فایلی پەیوەندیدار 36,320 | 📼 ڤیدیۆ 161 | 🗄 سەرچاوەکان 12,968 |
📌 رۆژەڤ
📂کاندیدەکانی هەڵبژاردنی 2018
📂کاندیدی پارتە کوردییەکان
📂عەفرین
📂خۆپیشاندان
📂بوومەلەرزە
📂حەشدی شەعبی
📂کەرکوک
📂جەلال تاڵەبانی
📂مووچە
📂ریفراندۆم
📂داعش
📝 وڵامێک بۆ هەڕەشە و تۆمەتەکانی سەرۆک وەزیرانی عێراق | 🏷️ پۆل: بەڵگەنامەکان | زمانی بابەت: 🏳️ کوردیی ناوەڕاست
⭐ نرخاندنی بابەت
⭐⭐⭐⭐⭐ نایاب
⭐⭐⭐⭐ زۆر باشە
⭐⭐⭐ باش
⭐⭐ خراپ نییە
⭐ خراپ
ئەم بابەتە باشتر بکە!
وڵامێک بۆ هەڕەشە و تۆمەتەکانی سەرۆک وەزیرانی عێراق
📝 بەڵگەنامەکان

سەرۆک وەزیرانی عێراق بەڕێز حەیدەر عەبادی لەگەڵ درێژەدانی بە سزادانی بەکۆمەڵی خەڵکی کوردستان بەپێی بڕیارە سیاسییە نادەستوورییەکانی، دوێنێ 10-10-2017 لە کۆنفرانسی ڕۆژنامەوانیی هەفتانەیدا دیسانەوە سووکایەتی بە پیرۆزییەکانی خەڵکی کوردستان کرد، هەروەها هەڕەشەی هێرشکردنە سەر کوردستانی کرد، لە هەمان کاتدا کۆمەڵێک تۆمەتی تازەیشی دایە پاڵ هەرێمی کوردستان. ئێمە لەگەڵ ڕێزگرتنمان بۆ کەسایەتیی حەیدەر عەبادی و ئەوانەیش کە پشتگیری لێ دەکەن، بە پێویستی دەزانین بە کورتی چەند ڕاستییەک بۆ خەڵکی عێراق و ڕای گشتیی جیهان ڕوون بکەینەوە:
یەکەم: ئێمە پێمانخۆشە بەڕێز حەیدەر عەبادی کە لەژێر داوای فراکسیۆنە کوردستانییەکان و فراکسیۆنەکانی دیکەی پەرلەمانی عێراق لەکاتی متمانەپێدرانی ڕایگەیاند ڕووبەڕووی گەندەڵی دەبێتەوە، ئێستا ئەو بەڵێنەی جێبەجێ بکات، هەروەک چۆن ئێمە لەوبارەیەوە لە حکوومەتی هەرێمی کوردستان هاوکاریمان کردووە، ئێستاش بە هەموو شێوەیەک هاوکاری دەکەین. عێراق بەپێی دوایین پۆلێنکاریی ڕێکخراوی شەفافیەتی نێودەوڵەتی، یەکێکە لە 10 دەوڵەتە هەرە گەندەڵەکەی جیهان کە ژمارەکەی 166ە لەنێو 176 دەوڵەت لە جیهاندا، هەروەها دوای ئەوەی عێراق لە ساڵی 2003ەوە 850 ملیار دۆلاری لە فرۆشتنی ئاشکرای حکوومیی نەوتەوە دەستکەوت، کەچی هاووڵاتیانی عێراق وەک هاووڵاتیانی وڵاتە هەژارەکانی جیهان دەژین و عێراق خاوەن ژێرخانی ئابووری و خزمەتگوزاریی زۆر خراپە.
دوێنێ کە بەڕێزیان بۆ گەلانی عێراق قسەی دەکرد، ئەندام پەرلەمانەکانی عێراق کە هەندێکیان نزیکی بەڕێزیانن، باسی دیارنەمانی ملیاران دۆلاری ئەمساڵی دەروازە سنوورییەکانی عێراق و فڕۆکەخانەکانی عێراق و ڕۆژانە بە دزییەوە فرۆشتنی دەیان هەزار بەرمیل نەوتی عێراقیان دەکرد لە ناوچەکانی ژێر دەسەڵاتی حکوومەتی فیدرالیی عێراقدا.
هەرێمی کوردستان باجێکی زۆری ناسەقامگیریی باری عێراقی و پلەی عێراقی داوە لە پۆلێنکارییەکانی ڕێکخراوی شەفافیەتی نێودەوڵەتیدا و ئێمە ئامادەین بۆ هەموو جۆرە هاوکارییەک لەگەڵ حکوومەتی عێراق بۆ ڕووبەڕووبوونەوەی گەندەڵی و باشکردنی پلە و نێوبانگی عێراق لەسەر ئاستی جیهان.
ئەوەی پەیوەست بێت بە حیساباتی نەوتی هەرێمی کوردستانەوە، حکوومەتی هەرێمی کوردستان ئێستا لەگەڵ دوو لە بەنێوبانگترین کۆمپانیا جیهانییەکانی چاودێریکردن و وردبینی کار دەکات و ئێستا بە حیساباتەکانیدا دەچنەوە لە ڕابردووەوە تا ئێستا، ئامادەشین بۆ هەموو جۆرە هاوکاری و لێکۆڵینەوەیەکی هاوبەش لەگەڵ حکوومەتی فیدرالیی عێراقدا بۆ بەدواداچوون و لێکۆڵینەوە لە حیسابات و داهاتی نەوتی هەرێمی کوردستان و عێراق بەگشتی لە ساڵی 2003وە تا ئێستا. لە بنەڕەتیشدا بەپێی مادەی 106ی دەستووری عێراق دەبووایە دەستەیەکی گشتی بۆ چاودێریکردنی دابەشکردنی داهاتە فیدرالییەکان لە نوێنەری حکوومەتی فیدرالی و هەرێمەکان و پارێزگاکان دروست بکرێت بۆ چاودێریکردنی دابەشکردنی داهاتەکان و قەرزە نێودەوڵەتییەکان، لەپێناو ئەوەی بە شێوەیەکی دادپەروەرانە بەسەر هەرێم و پارێزگاکاندا دابەش بکرێن بەپێی ڕێژە دیاریکراوەکان، هەرێمی کوردستان و زۆربەی پارێزگاکانی عێراقیش لەوبارەیەوە نادادپەروەرییەکی زۆریان بەرامبەر کراوە.
دوای ئەو ئامادەییە فەرمییەی حکوومەتی هەرێمی کوردستان، چیتر پێویست ناکات بە شێوەیەکی ئیستیفزازی و لە ڕێگەی ڕاگەیاندنەوە و بە مەبەستی پڕوپاگەندەی هەڵبژاردن ڕایبگەیەنن کە داوامان کردووە چاودێریی حیساباتی بەرپرسانی هەرێمی کوردستان بکرێت، چونکە ئەوە جگە لە هەڵمەتێکی سیاسیی هەڵبژاردنی، چیتر نییە.
دووەم: ئەو بڕیارانەی بە ناوی ئەنجومەنی وەزیران و ئەنجومەنی ئاسایشی نیشتمانیی عێراقەوە دەرکراون و نێردراون بۆ وڵاتانی دراوسێ و جارێکی دیکە بەڕێز حەیدەر عەبادی دووپاتی کردنەوە، بڕیاری سیاسین و بە مەبەستی سزادانی بەکۆمەڵی خەڵکی کوردستانن بە هاوکاری لەگەڵ وڵاتانی بیانی، ئەوانە بڕیاری نادەستوورین بەپێی دەستووری عێراق و مامەڵەکردن و داواکردنێکی ئاشکران لە وڵاتانی بیانی بە مەبەستی سزادانی بەشێک لە گەلی عێراق، بۆ ئەو مەبەستەش پێچەوانەی دەستوور بەشێک لە سوپا و هێزە چەکدارەکانی عێراق نێردراون بۆ وڵاتانی دیکە بۆ ترساندنی خەڵکی هەرێمی کوردستان و مەشقکردن لەسەر داگیرکردنی دەروازە سنوورییەکان بە یارمەتیی هێزەکانی تورکیا و ئێران، هەروەک بەڕێز حەیدەر عەبادی دەڵی فەرمانبەریشیان بۆ ئەو مەبەستە ناردوون بۆ ئەو دوو وڵاتە. ئەو دوو هەنگاوە بەپێی بنەما گشتییەکان و ماددە تایبەتییەکانی دەستووری عێراق، سەرپێچییەکی گەورەی دەستوورین و دەبێ پەرلەمانی عێراق لێیان بێدەنگ نەبێت، ئەگەر پەرلەمان بیەوێت چاودێریی جێبەجێکردنی دەستوور بکات و بڕیارەکانی دوور بن لە ململانێ سیاسییە ناوخۆییەکان و سوپای عێراقیش دوور بێ لەو ململانێیانە، هەروەک لە دەستووردا هاتووە.
بەڕێز حەیدەر عەبادی، ئەو بڕیارانەی دوور لە بنەمای تەوافوق دەرکردوون کە بنەمای بنچینەییی دەستوورە بۆ بڕیاردان و بەڕێوەبردنی کاروبارەکانی عێراق. وەزیری کورد و وەزیری دیکەی ناڕازی لەو بڕیارانە هەن لە ئەنجومەنی وەزیرانی عێراق. هەروەها لە بڕیاری ئابلۆقەدانی کوردستاندا زیانێکی زۆری بە هاووڵاتیانی عێراقیش گەیاندووە، وای کردووە گەلی عێراق بەگشتی بخاتە ناو گەمارۆیەکی ناوخۆییەوە بەسەر یەکترەوە. ئێستا بازگەکانی سوپا و پۆلیس و هێزەکانی دیکەی عێراق ڕێگە لە چوونی سەوزە و میوە و زۆر جۆرە خۆراک دەگرن کە لە هەرێمی کوردستانەوە بگەنە ناوچەکانی دیکەی عێراق، بەو هۆیەشەوە نرخەکان لەسەر شانی هاووڵاتیانی عێراق زۆر گران بوونە. هەروەها نەوتی سپی لەو ناوچانەی پارێزگای دیالە و پارێزگاکانی دیکە بڕیوە کە بەشدارییان لە ڕیفراندۆمدا کردووە، گەشتە ئاسمانییە نێودەوڵەتییەکانیشی لە هەردوو فڕۆکەخانەی نێودەوڵەتیی هەولێر و سلێمانی ڕاگرتووە.
بەپێی هەموو بەدواداچوونەکانی ئێمە بڕیارەکە ڕاستەوخۆ لەلایەن خودی سەرۆک وەزیرانەوە دەرکراوە و هەموو دەسەڵاتەکانی گفتوگۆکردنیش لەوبارەوە لە وەزارەتی گواستنەوە و گەیاندنی عێراق لەگەڵ هەرێمی کوردستان وەرگیراونەتەوە، خۆیشی ئامادە نییە لەوبارەوە گفتوگۆ لەگەڵ هەرێمی کوردستان بکات، بەو شێوەیەش ژیانی مەدەنی لە خەڵکی کوردستان زەحمەت کردووە کە ئەوەش پێچەوانەی کاری هەموو حکوومەتێکە کە کار بۆ هاووڵاتیانی بکات و جیاکارییەکی ڕەگەزپەرستانەیە بەرامبەر خەڵکی کوردستان، چونکە هیچ فڕۆکەخانەیەکی دیکە گەشتی نێودەوڵەتی لێ قەدەخە نەکراوە و تاوەکو ڕیفراندۆمی کوردستان، بەپێی هەموو لێدوانەکانی بەرپرسانی عێراق، فڕۆکەخانەکانی کوردستان جێگەی شانازیی ئەوان بوونە، بەڵام تاوەکو ئەمڕۆش بەردەوام لەلایەن پەرلەمانتاران و بەرپرسانی پسپۆڕی عێراقییەوە ڕەخنە لە نایاساییبوونی بەڕێوەبردنی کاری فڕۆکەخانەکانی دیکەی عێراق دەگیرێت.
بۆ ڕێگرتن لە درێژەکێشانی ئەو سزادانە بەکۆمەڵە، جارێکی دیکە داوا لە بەڕێز حەیدەر عەبادی دەکەین کە ئێمە ئامادەین بۆ هەموو جۆرە گفتوگۆ و هاوکارییەک بەپێی دەستووری عێراق سەبارەت بە دەروازەکان، بازرگانیی ناوخۆیی، دابینکردنی خزمەتگوزارییەکانی هاووڵاتیان، بانکەکان و فڕۆکەخانەکان.
سێیەم: بەڕێز حەیدەر عەبادی چەند جارێک لە قسەکانیدا هەڕەشەی لە پێشمەرگە کرد کە نابێ ڕێگری لە سوپا و هێزە چەکدارەکانی عێراق بکات لە ناوچە کێشە لەسەرەکان. ئێمە بە هەموو جیهانی ڕادەگەیەنین دوای ئەو هەڕەشانە ئۆباڵی هەموو شەڕ و ئاژاوەیەک کە لەو ناوچە سەقامگیرانە دروست دەبێت، دەکەوێتە ئەستۆی بەڕێز حەیدەر عەبادی سەرۆکی حکوومەت و فەرماندەی هێزە چەکدارەکانی عێراق، هەرچییەک بەڕێز عەبادیش دەیڵێت سەبارەت بە بوونی سوپای عێراق لە شار و سنوورەکانیش، بەپێی دەستووری عێراق نادەستوورییە.
بەڕێز حەیدەر عەبادی، زیاتر لە هەموو کەسێک دەزانێت پێشمەرگە بە چەکێکی زۆر سادە، بەڵام بە خوێنی خۆی و بە ئیرادەیەکی پۆڵایین، کەرکووک و ناوچەکانی دیکەی لە داعش پاراست، دوای ئەوەی سوپای عێراق لەو ناوچانە ڕایکرد و هەموو چەکەکانی خۆیشی بۆ داعش جێ هێشتن، دواتریش ڕێککەوتن لەنێوان هەردوولا کرا بە ئامادەبوونی هاوپەیمانان بۆ بەرەنگاربوونەوەی داعش و هاتنی هێزەکانی عێراق بۆ ناوچەکە و بەهۆی ڕاگرتن و دواتریش تێکشکاندنی داعش لەلایەن پێشمەرگەوە بە یارمەتیی هاوپەیمانان، سوپا و هێزەکانی عێراق بە یارمەتیی هاوپەیمانان دەستیان بە ئۆپەراسیۆنەکانیان کرد بە پشتیوانیی پێشمەرگە.
هەروەها خەڵکی ئەو ناوچانە شایەتن کە پێشمەرگە چۆن وەک یەک مامەڵەی لەگەڵ هەموو پێکهاتەکان کردووە، بەڵام دەیان ڕاپۆرتی ڕێکخراوە جیهانییەکانی چاودێریکردنی مافی مرۆڤ، هەزاران ڕووداوی گرتن و بێسەروشوێنکردن، تاڵانکردن، خاپوورکردن، کوشتن و لەسێدارەدانی بەکۆمەڵیان لەسەر هێزە عێراقییەکان بڵاو کردوونەتەوە، بەهۆی ئەو ڕەفتارانە و بێسەروبەری لە بەڕێوەبردنی هەندێ لە هێزە عێراقییەکاندا، هەفتەی ڕابردوو ناوی حەشدی شەعبی خرایە لیستی شەرمەزارییەوە کە بەڕێز عەبادی بەو یاسایەی بۆ حەشدی شەعبی دەرکراوە، فەرماندەی حەشدی شەعبیشە.
عەبادی دەڵێ گوتوویانە سنوور بە خوێن دروست دەکەین، ئەوە ڕاست نییە، بەڵکو هەموو سەرۆک و بەرپرسەکانی کوردستان ڕوونیان کردووەتەوە کە پێشمەرگە بە خوێن سنوور و شار و گوندەکانی پاراستوون، بە خوێنی خۆی سەلامەتی و پێکەوەژیان و شارستانیەتی پاراستووە، وایکرد کە شاری کەرکووک و زۆر شار و شارۆچکەی سەر بە پارێزگاکانی مووسڵ، دیالە و تکریت، وەک ئەنبار و مووسڵ و شوێنەکانی دیکە، وێران نەبن. ئێستاش دەبێ بەڕێز عەبادی ئەوانە سزا بدات کە بوونە هۆی وێرانبوونی شار و پارێزگاکان، ئەوانەی دەیان مەدەنییان بە کۆمەڵ کوشتوون، چەندین گەڕەکیان وەک تۆڵەکردنەوەی کوێرانە لە شارەکانی نێوەڕاستی عێراقدا وێران کردوون، نەک ئەوانەی بوونە هۆی پاراستنی شارەکان و شارستانیەت لە دەست هێرشی وەحشییانە. هەروەها سەرکردایەتیی سیاسیی کوردستان و حکوومەتی هەرێمی کوردستانیش چەندین جار ڕایانگەیاندووە کە هیچ شتێک دوور لە ڕێوشوێنە دەستووری و دیموکراسییەکان بەسەر هیچ ناوچەیەکدا ناسەپێندرێن، بۆ ئەو مەبەستەش بەردەوام ئامادەین بۆ گفتوگۆکردن.
چوارەم: بەڕێز عەبادی حکوومەت و بەرپرسانی هەرێمی کوردستان بەوە تۆمەتبار دەکات کە وڵاتانی دراوسێمان دژی عێراق هان داون و شاندی هەرێمی کوردستان جددی نەبوو لە گفتوگۆکردن پێش ڕیفراندۆم، هەروەها ئەوەش ئاشکرا دەکات کە ئەو بڕیارانەی دژی خەڵکی کوردستان دەریکردوون، پێش دوو مانگ لە ئەنجامدانی ڕیفراندۆم لە گفتوگۆ نهێنییەکاندا لەگەڵ ئێران و تورکیادا باس کراون. بەڕێز عەبادی خۆی پێش هەمووان دەزانێت و وڵاتانی ناوچەکەش شایەتن کە حکوومەتی هەرێمی کوردستان هەموو هەوڵێکی دا پەیوەندییەکانی تورکیا لەگەڵ حکوومەتی عێراق ئاسایی ببنەوە، هەروەها هانی وڵاتانی دیکەی دراوسێی عێراقمان داوە کە پەیوەندییەکانیان لەگەڵ عێراق چاک بکەنەوە.
سەبارەت بە گفتوگۆکردن لەگەڵ عێراقیشدا ئێمە ئەوکات و ئێستایش جددین، هەر ناجددیبوونی حکوومەتی عێراقیش بوو لە گفتوگۆکاندا وایکرد گەلی کوردستان ڕیفراندۆم ئەنجام بدات، بەڵام لەبەر ئەو گفتوگۆ نهێنیانەی کە پێش دوو مانگ بەڕێز عەبادی لەگەڵ وڵاتانی دراوسێدا ئەنجامی داون و ئێستاش درێژەیان پێ دەدات، بە شێوەیەکی زۆر نائاسایی و نایاسایی گفتوگۆ ڕەتدەکاتەوە، لەکاتێکدا ئێمە ڕامانگەیاندووە کە بەبێ مەرج و بە پێشوازیکردن لە بانگەوازی بەڕێز ئایەتوڵڵا سەید عەلی سیستانی ئامادەین بۆ گفتوگۆیەکی کراوە لەگەڵ حکوومەتی عێراقدا بۆ چارەسەرکردنی کێشەکان.
پێنجەم: بەڕێز عەبادی تۆمەتی ئەوە دەداتە پاڵ پێشمەرگە کە وایکردووە داعشەکان ڕابکەن لە شەڕی حەویجە و پێشمەرگە دەستگیریان بکەن لە کەرکووک و ئێستاش لە ڕێگەی وەزیری ناوخۆوە داوایکردووە لیژنە پێک بێنن بۆ لێکۆڵینەوە لەگەڵ ئەو چەکدارانەی داعش لە کەرکووک. بە ڕاستی ئەوەش تۆمەتێکی دیکەی سەیر و سەمەرەیە، چونکە هێزەکانی پێشمەرگە و دەزگا ئەمنییەکانی کوردستان و حکوومەتی هەرێمی کوردستان، وەک بەشێک لە هاوپەیمانیی دژی داعش، هیچ کات ڕێگرییان لە هاوپەیمانان و حکوومەتی عێراق بۆ لێکۆڵینەوە لەگەڵ چەکدارە بەدیلگیراوەکانی داعشدا نەکردووە، بەڵکوو حکوومەتی هەرێمی کوردستان بەردەوام ئامادەیی نیشان داوە بۆ هەموو هاوکارییەک لەپێناو بەجینۆساید ناساندنی تاوانەکانی داعش و کردنی ئەو کەیسە بە کەیسێکی نێودەوڵەتی.
هەروەها بەڕێز عەبادی ڕێککەوتنەکانی لەگەڵ پێشمەرگەدا شکاند و تاکلایەنە ئۆپەراسیۆنی حەویجەی دەستپێکرد بەمەبەستی ئیستیفزازکردنی پێشمەرگە، بەڵام پێشمەرگە لەپێناو سەرکەوتنی ئۆپەراسیۆنەکەدا هەموو کارئاسانییەکی بۆ هێزەکانی عێراق کرد و خۆی لە وەڵامدانەوەی هەموو جۆرە ئیستفزازەکانیش پاراست. پێشمەرگە بەهۆی نێوبانگەکەی لە پاراستنی هەموو پێکهاتەکانی گەلی عێراق و پاراستنی یاساکانی شەڕ، زۆر لە خەڵکی ناوچەکانی پارێزگای مووسڵ، کەرکووک، دیالە و تکریت، لەو کاتەی کە هێزەکانی عێراق ئۆپەراسیۆنی بۆ سەر ناوچەکان ئەنجام داوە لە جیاتی بەرەکانی هێزەکانی سوپا و حەشدی شەعبی، ڕوویان کردووەتە بەرەکانی پێشمەرگە. هەروەک چۆن 2 ملیۆن و 700 هەزار ئاوارەی عەرەبی سوننە لە پارێزگاکانی ئەنبار، مووسڵ، تکریت و دیالە و شوێنەکانی دیکە، ڕوویانکردووە کەرکووک و شارەکانی هەرێمی کوردستان.
پێش دەرکەوتنی داعش، دەیان هەزار لەوانەی بەهۆی شەڕی تایفییەوە ئاوارە بوون، ڕوویانکردووەتە هەرێمی کوردستان و تا ئێستاش یەک ڕووداوی نەخوازراو بەرامبەر یەک ئاوارەش لە هەرێمی کوردستان نەکراوە. خەڵکی کوردستان وەک کەسوکاری خۆیان مامەڵەی لەگەڵ کردوون، سەرەڕای ئەوەی ئەو سەدان هەزار ئاوارەیە بەهۆی یارمەتینەدانی حکوومەتی عێراقەوە، بارگرانییەکی زۆری دروست کردووە بۆ هەرێمی کوردستان لە ڕووی دابینکردنی خزمەتگوزارییەکانەوە، چونکە بەهۆی ئاوارەو پەنابەرانەوە ڕێژەی دانیشتووانی هەرێمی کوردستان 28% زیادیکردووە.
بەهۆی سیاسەتی تایفەگەرییەوە، دەستووری عێراق پشتگوێ خرا، دەوڵەتی هاووڵاتیبوون و مەدەنی نەما، کوشتن و بە دڕێل کونکردنی سەری سەرۆک خێزانەکان بە بەرچاوی منداڵەکانیانەوە لەناو شارەکانی عێراقدا لەسەر ئینتیمای مەزهەبی، کۆمەڵگەی عێراقی لەتکرد، بە ملیۆنان سوننە ناچار بوون ڕوو بکەنە وڵاتانی دراوسێی عێراق، ئەو سیاسەتە مەزهەبییە زەمینەی دروستبوونی قاعیدە و دواتریش داعشی لە عێراقدا خۆش کرد، کە بەپێی دوایین ئاماری نەتەوەیەکگرتووەکان کە لەو مانگەدا بڵاوکرایەوە، پێنج ملیۆن و 400 هەزار کەس بەهۆی شەڕی داعشەوە ئاوارە بوون و لەوانە هێشتا سێ ملیۆن ئاوارە نەگەڕاونەتەوە سەر ماڵەکانیان.
شەشەم: ماوەیەکە بەڕێز حەیدەر عەبادی و دەزگا میدیاییەکانی حکوومەتی عێراق، بە مەبەست، ناوی کوردستان ناهێنن و هەمیشە بە باکووری عێراق ناوی دەهێنن، ئەوەش پێچەوانەی دەستووری عێراقە و بووەتە هۆی ئیستیفزازکردنی گەلی کوردستان، بە ڕاستیش نیشانەی ئەوەیە کە جینۆسایدکردنی گەلی کوردستان و وێرانبوونی عێراق بەهۆی شەڕی مەزهەبی لە چەند ساڵی ڕابردوودا هیچ پەندێکی لێوەرنەگیراوە، بۆیە ئێستاش ناوی کوردستان قەدەغە دەکرێت و بە بڕیاری سیاسی و جیاکاری، سزای بەکۆمەڵی خەڵکی کوردستان دەدرێت و هەوڵی ئابلۆقەدانی زیاتری خەڵکی کوردستان دەدرێت.
لە کۆتاییدا بە بەڕێز حەیدەر عەبادی سەرۆک وەزیرانی عێراق دەڵێین چارەسەری کێشەکان بە گەمارۆ و سزادانی بەکۆمەڵ بە یارمەتیی وڵاتانی دراوسێ نایێتە کایەوە، چونکە ئەوە لێکەوتەی خراپی دەبێت، هەروەک چۆن پێشێلکردنی بنەمای هاوبەشی لە دەسەڵات و پشتگوێخستنی بنەمای تەوافوق لە بڕیاردان و بەڕێوەبردنی کاروباری عێراقدا کە دوو بنەمای بنچینەیی و سەرەکیی دەستووری عێراق بوون، بووە هۆی وێرانبوونی عێراق و گیانلەدەستدانی سەدان هەزار هاووڵاتیی عێراق و ئاوارەبوونی ملیۆنان، لەبەر ئەوە ئێستا پێویستە دەست بە گفتوگۆیەکی حکوومی و سیاسی بکرێت لەنێوان حکوومەتی هەرێمی کوردستان و حکوومەتی عێراق و هەموو فراکسیۆن و لایەنە سیاسییەکانی عێراق و کوردستان، لەپێناو چارەسەرکردنی هەموو کێشەکان.
حکوومەتی هەرێمی کوردستان
11-10-2017
⁉️ تایبەتمەندییەکانی بابەت - Meta-data
🏷️ پۆل:📝 بەڵگەنامەکان
🏳️ زمانی بابەت:🏳️ کوردیی ناوەڕاست
📅 رۆژی دەرچوون: 11-10-2017
📄 جۆری دۆکومێنت⊶ زمانی یەکەم
🌐 زمان - شێوەزار🏳️ کرمانجیی ناوەڕاست
📝 سەرچاوەی بەڵگەنامە📄 بەڵگەنامەکانی حکومەتی هەرێم
🗺 وڵات - هەرێم⬇️ باشووری کوردستان

⁉️ تایبەتمەندییە تەکنیکییەکان
©️ خاوەنی ئەم بابەتە بەسوپاسەوە، مافی بڵاوکردنەوەیی بە کوردیپێدیا بەخشیوە! یان بابەتەکە کۆنە، یاخود بابەتەکە موڵکی گشتییە.
✨ کوالیتیی بابەت: 93% ✔️
93%
✖️
 30%-39%
خراپ👎
✖️
 40%-49%
خراپ
✖️
 50%-59%
خراپ نییە
✔️
 60%-69%
باش
✔️
 70%-79%
زۆر باشە
✔️
 80%-89%
زۆر باشە👍
✔️
 90%-99%
نایاب👏
✔️
ئەم بابەتە لەلایەن: (هاوڕێ باخەوان)ەوە لە: Oct 12 2017 8:52AM تۆمارکراوە
👌 ئەم بابەتە لەلایەن: (هاوڕێ باخەوان)ەوە لە: Oct 13 2017 12:02PM پێداچوونەوەی بۆکراوە و ئازادکراوە
✍️ ئەم بابەتە بۆ دواجار لەلایەن: (هاوڕێ باخەوان)ەوە لە: Oct 13 2017 12:02PM باشترکراوە
☁️ ناونیشانی بابەت
🔗
🔗
👁 ئەم بابەتە 1,853 جار بینراوە

✍️ ئەم بابەتە باشتر بکە!
☰ زۆرتر
⭐ بۆ ناو لیستی کۆکراوەکان
💬 رای خۆت دەربارەی ئەم بابەتە بنووسە!

✍️ گۆڕانکارییەکانی بابەتەکە!
🏷️ Metadata
RSS

📷 گووگڵی وێنەی بابەتی هەڵبژێردراو بکە!
🔎 گووگڵی بابەتی هەڵبژێردراو بکە!
وڵامێک بۆ هەڕەشە و تۆمەتەکانی سەرۆک وەزیرانی عێراق
📝 بەڵگەنامەکان

📚 فایلی پەیوەندیدار: 0
🖇 بابەتە پەیوەستکراوەکان: 3
📅 رێکەوت و رووداو (کڕۆنۆلۆژیا)
1.👁️10-10-2017
2.👁️11-10-2017
👫 کەسایەتییەکان
1.👁️حەیدەر عەبادی
📂[ زۆرتر...]
🏁 زمانەکان...
🏁 زمانەکان بابەت%
کوردیی ناوەڕاست227,192%61.97
هەورامی61,572%16.79
Kurmancî - Kurdîy Bakûr56,532%15.42
عربي9,987%2.72
کرمانجی - کوردیی باکوور4,710%1.28
فارسی2,254%0.61
English1,776%0.48
Kurdîy Nawerast - Latînî1,182%0.32
Türkçe482%0.13
Nederlands190%0.05
Française188%0.05
Deutsch159%0.04
Pусский59%0.01
Svenska54%0.01
لەکی46%0.01
Italiano35%0.00
עברית29%0.00
Español27%0.00
日本人18%0.00
Ελληνική13%0.00
中国的11%0.00
Fins11%0.00
Norsk10%0.00
Հայերեն10%0.00
🏷️ پۆل...
🏷️ پۆل بابەت%
🔤 وشە و دەستەواژە227,784%62.13
👫 کەسایەتییەکان25,137%6.85
📕 پەڕتووکخانە22,020%6.00
🏰 شوێنەکان21,063%5.74
✌️ شەهیدان19,075%5.20
💬 پەند و ئیدیۆم12,035%3.28
📅 رێکەوت و رووداو (کڕۆنۆلۆژیا)10,350%2.82
📝 بەڵگەنامەکان5,176%1.41
📷 وێنە و پێناس4,872%1.32
🚼 ناوی کوردی4,849%1.32
📊 ئامار و راپرسی4,823%1.31
📖 کورتەباس2,555%0.69
☂️ پارت و رێکخراوەکان1,656%0.45
🔣 هەمەجۆرە1,138%0.31
📄 بڵاوکراوەکان (گۆڤار، رۆژنامە و ...)948%0.25
😊 گاڵتەوگەپ732%0.19
🎵 کارە هونەرییەکان552%0.15
💎 شوێنەوار و کۆنینە477%0.13
💚 ئەنفالکراوان422%0.11
👪 هۆز - تیرە - بنەماڵە196%0.05
🌏 نەخشەکان179%0.04
📼 ڤیدیۆ161%0.04
👩 دۆزی ژن100%0.02
🌳 ژینگەی کوردستان95%0.02
🍛 خواردنی کوردی74%0.02
🎥 ئالبومەکان33%0.00
🔧 بەرهەمە کوردستانییەکان30%0.00
🏆 یارییە کوردەوارییەکان17%0.00
🔬 زانست14%0.00
💣 کەلوپەلی سەربازیی بەکارهاتوو لە کوردستان4%0.00
💕 هۆنراوە2%0.00
📕 پەڕتووکخانە...
📕 پەڕتووکخانە - 🏷️ پۆلPDF
💰 ئابووری95
📈 ئامار63
⁉️ ئایین و ئاتەیزم855
📖 ئەدەبی / رەخنەی ئەدەبی513
☭ ئەدەبی کرێکاری44
🐉 ئەفسانە33
📙 ئەنسیکلۆپیدیا8
😞 ئەنفال، هەڵەبجە و جینۆساید207
📖 بیبلۆگرافیا120
📄 بەڵگەنامەیی70
📃 پرۆگرام65
⛑ پزیشکی - تەندروستی87
🎒 پڕۆگرامی خوێندن66
🎒 پەروەردە112
☠ تیرۆریزم48
🌏 جوگرافیا47
📖 چیرۆک405
⚡ چیرۆکەکانی توندوتیژی1
☀️ دۆزی کورد731
📖 دەروونناسی107
📜 راپۆرت181
📰 راگەیاندن167
📖 رامیاری، جیۆپۆلیکیک و پەیوەندیی نێودەوڵەتی785
📖 رۆمان596
☢ زانست78
🌐 زمانەوانی و رێزمان382
👩 ژنان95
🌿 ژینگە4
🎦 سیناریۆ8
👮 سەربازی14
🎭 شانۆ / شانۆگەری177
📘 فەرهەنگ184
🤔 فەلسەفە / هزر316
🏕 گەشتنامە80
🔎 لێکۆڵینەوە243
📖 مافی مرۆڤ10
🚼 منداڵان183
🎵 موزیک15
⚔ مێژوو1,042
🎶 هونەری90
🔣 هەمەجۆرە623
🌼 هەڵبەست922
📄 وتار و دیمانە206
🏀 وەرزش10
🌾 کشتوکاڵ35
🎋 کلتوور / فۆلکلۆر148
📅 کڕۆنۆلۆژیا27
📚 کۆبەرهەم20
💻 کۆمپیوتەر32
👪 کۆمەڵایەتی75
👪 کۆمەڵناسی77
📚 کۆی بڵاوکراوەکان36
📝 یاداشت312
⚖ یاسایی139

Kurdipedia.org (2008 - 2019) version: 11.12
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 3,354 چرکە!
☎ +9647701579153 +9647503268282
| ☎ +31654710293 +31619975574