🔓 چوونەژوورەوە
➕ تۆمارکردنی بابەت
📁 زۆرتر ...
بڵاوکراوەکانی کوردیپێدیا: شوێننامە - وەشانی 2ەم
🏠|📧|دەربارە!|پەڕتووکخانە|📅 21-10
🏠 دەستپێک|📧 پەیوەندی|💡 دەربارە!
|
📅 ئەمڕۆ 21-10 لە مێژوودا
📅کڕۆنۆلۆژیای رووداوەکان
📅 رۆژەکان
📆21-10-2019
📆20-10-2019
📆19-10-2019
📆18-10-2019
📆17-10-2019
📆16-10-2019
📆15-10-2019
📂 زۆرتر ...
📅21 October
📝 بەڵگەنامەکان
📊 ئامار و راپرسی
✌️ شەهیدان
💚 ئەنفالکراوان
☪ قوربانیی شەڕی دەوڵەتی ئیسلامی - داعش
😞 قوربانیی شەڕی ناوخۆ
👩 قوربانیی توندوتیژی
📅 رۆژی لەدایکبوون
📅 رۆژی کۆچی دوایی
|💳 کۆمەکیارمەتیمان بدە بۆ پێکهێنانی کوردیپێدیایەکی باشتر. تەنانەت کۆمەکێکی بچووکیش دەبێتە یارمەتیدەرمان.
یارمەتیی ئێوەمان دەوێت بۆ:
* بەدەستهێنانی تەکنەلۆجیای باشتر و خێراتر...
* دانانی ئۆفیسێک بۆ رێکخراوی کوردیپێدیا لە باشووری کوردستان.
* دامەزراندنی چەند کارمەندی تایبەت بەخۆیەوە، تا بەردەوام ناوەڕۆکی کوردیپێدیا باشتر بکرێت.
|📕 پەڕتووکخانەگەورەترین و پۆلێنکراوترین پەڕتووکخانەی دیجیتاڵی کوردی! - (10,483) پەڕتووک|||
📅 16-10-2019
رۆژی 8ەمی داگیرکاریی تورک بۆ رۆژاوا
- دوای ئەوەی چەتەکانی داعش لە کەمپی عەین عیسا هەڵهاتن بەیارمەتی چەتەکانی سەربە دەوڵەتی تورک کەمپەکەیان سوتاند.[1]
- لە بەیاننامەیەکدا کە ئاراستەی رای گشتی کراوە، بەڕێوەبەرایەتی خۆسەر لە رۆژئاوای کوردستان تورکیا بە بەکارهێنانی چەکی قەدەغەکراو لە هێرشەکانیدا تۆمەتبار دەکات.[1]
- سوپای سووریا گەیشتە کۆبانێ.[1]
- شەڕڤانان 17 گوندی سنوری ناوچەکانی عەین عیسا و گرێ سپی-یان لە دەستی چەکدارانی هاوپەیمانی تورکیا ئازادکرد.[1]
باکووری کوردستان
- سەرلەبەیانی ئەمڕۆ پۆ
📅 16-10-2019
🏷️ پۆل: رێکەوت و رووداو (کڕۆنۆلۆژیا)
ژنە شەڕڤانەکان بە رەنگەکانی منداڵێکی کورد
کلیک بکە بۆ زانیاریی زۆرتر و وێنەی گەورەتر!
📅 15-10-2019
رۆژی 7ەمی داگیرکاریی تورک بۆ رۆژاوا
- شەڕڤانان دەستبەسەر هەمەرێکی سوپای تورکدا دەگرن.[1]
رۆژهەڵاتی کوردستان
- بەپێی ڕاپۆرتی گەیشتوو بە ئاژانسی هەواڵدەریی کوردپا، لە چەند ڕۆژی ڕابردوودا، کۆڵبەرێکی کورد بە ناوی سمکۆ خەلیلی باغچە، خەڵکی شاری سەڵماس، بە تەقەی هێزەکانی سپای پاسداران، لە سنووری ئەو شارەدا، بەسەختی پێکرا.[1]
📅 15-10-2019
🏷️ پۆل: رێکەوت و رووداو (کڕۆنۆلۆژیا)
لە مانشێتەکانی ئەمڕۆ: 15-10-2019
کلیک بکە بۆ زانیاریی زۆرتر و وێنەی گەورەتر!
📅 14-10-2019
رۆژی 6ەمی داگیرکاریی تورک بۆ رۆژاوا
- داگیرکەری تورک هێزی زۆرتر رەوانەی بەرەکانی شەڕ دەکات.[1]
- سوپای داگیرکەری سووریا چووەناو شاری تەبقەوە و نزیک دەبێتەوە لە سنوورەکانی باکوور و رۆژاوا.[1]
- سەربازانی سووپای سوریا بە دروشمی (بیلروح، بیلدەم نفدیک یا بەششار) و (ئەڵڵا، سوریا، بەششار و بەس) بەرەو رۆژاوای کوردستان بەڕێدەکەون.[1]
- روانگەی سوری بۆ مافەکانی مرۆڤ ئاشکرایکرد کە هێزە سەربازییەکانی هاوپەیمانی نێودەوڵەتی دژ بە داعش دەستیان بەکشانەوە کردووە لەسەربازگەیەکی ناوچەی خەراب عەشک لەشاری کۆبان
📅 14-10-2019
🏷️ پۆل: رێکەوت و رووداو (کڕۆنۆلۆژیا)
بەڵگەنامەکانی ئەمڕۆ: 14-10-2019
کلیک بکە بۆ زانیاریی زۆرتر و وێنەی گەورەتر!
📅 13-10-2019
رۆژی 5ەمی داگیرکاریی تورک بۆ رۆژاوا
- هەسەدە رایدەگەیێنێت، تەواوی گەڕەکەکانی سەرێ کانی و گرێ سپی لەژێر کۆنترۆڵی هێزەکانیانە.[1]
- ئەو یەکە سەربازییەی هێزەکانی ئەمریکا کە لەدوای دەستپێکردنی هێرشی داگیرکاریی تورک لە رۆژئاوای کوردستان لە نزیک گرێ سپی جێگیر ببوون، بەرەبەیانی ئەمڕۆ ناوچەکەیان جێهێشت و بەرەو عەین عیسا گەڕانەوە.[2]
- سوپای داگیرکەری تورک کاروانێکی ئۆتۆمبیلی خەڵکی مەدەنی کە لە جەزیرە بەرەو سەرێکانی دەچوون کردە ئامانج. ژمارەیەکی زۆر کوژران و برینداربوون. هێرشەکە لە ڕێگەی فڕۆکەوە ئەنجا
📅 13-10-2019
🏷️ پۆل: رێکەوت و رووداو (کڕۆنۆلۆژیا)
لە چالاکییەکانی ئەمڕۆ: 13-10-2019
کلیک بکە بۆ زانیاریی زۆرتر و وێنەی گەورەتر!
کەمترین هاوکاری بۆ رۆژاوا، گەمارۆی ئابووریی تاکی کوردە لەسەر شمەکی تورکی، درامای تورکی و گەشتوگوزار لە تورکیا!
📊 بابەت 365,228 | وێنە 55,378 | پەڕتووک PDF 10,483 | فایلی پەیوەندیدار 34,599 | 📼 ڤیدیۆ 151 | 🗄 سەرچاوەکان 12,415 |
📌 رۆژەڤ
📂کاندیدەکانی هەڵبژاردنی 2018
📂کاندیدی پارتە کوردییەکان
📂عەفرین
📂خۆپیشاندان
📂بوومەلەرزە
📂حەشدی شەعبی
📂کەرکوک
📂جەلال تاڵەبانی
📂مووچە
📂ریفراندۆم
📂داعش
📝 پرسەنامە و ماتەمینی بۆ کۆچی دوايی سەرۆک مام جەلال ‌ | 🏷️ پۆل: بەڵگەنامەکان | زمانی بابەت: 🏳️ کوردیی ناوەڕاست
⭐ نرخاندنی بابەت
⭐⭐⭐⭐⭐ نایاب
⭐⭐⭐⭐ زۆر باشە
⭐⭐⭐ باش
⭐⭐ خراپ نییە
⭐ خراپ
ئەم بابەتە باشتر بکە!

پرسەنامە و ماتەمینی بۆ کۆچی دوايی سەرۆک مام جەلال ‌

10/10/2017
پرسەنامە
گەلی قارە مان و تێکۆشەری هەریمی کوردستان، بنەمالەی سەربەرزی سەرکردەی گەورە و خۆشەویستی گەل جەنابی سەرۆک مام جەلال
سلاو و ڕیز و حورمەت
بەداخ و کەسەرێکی یەکجار زۆرەوە یەکێک لە رابەر وکەسایەتی ماندوو نەناس و مێژووسازەکانی گەلی کورد سەرۆک مام جەلال تاڵەبانی ماڵئاوایی لێ کردین.
ئێمە وەک بنەمالەی شەهید پێشەوا قازی و شەهید ژێنێڕاڵ سەیف قازی لە شاری مهاباد، پرسە و سەرەخۆشی خۆمان ئاراستەی هەموو گەلی کورد و بنەمالەی مەزن و سەربەری تاڵەبانی و دڵسۆزانی کورد لە هەموو جیهان دەکەین،
منیر قازی کچی شەهید پێشەوا و هاوسەری فەتاح خان سەیف قازی
سەردار سەیف قازی نەوەی شەهید پێشەوا و شەهید سەیف قازی

بەڕێز خوشکی‌ گەورەم خاتوو هێرۆ ئیبراهیم ئەحمەد
بەڕێزان برازا خۆشەویستەکانم.. بیلبیلەی‌ چاوەکانم کاکە بافل و کاکە قوباد
بەڕێزان سەرجەم خزمان و بنەماڵەی‌ سەرۆک مام جەلال
بەهەناسەی‌ ساردو جەرگی‌ سوتاوەوە، بەخەم و پەژارەیەکی‌ لەبن نەهاتووەوە، بەقوڵپی‌ گریانەوە سەرەخۆشیتان لێ‌ دەکەم و دەڵێم: مام.. مامی‌ هەموو کوردێک بوو، بەڵام بۆ من براو مام و گشت کەسم بوو، گەلی‌ کورد ئەمڕۆ لەشین و ماتەمدایە چونکە کۆستێکی‌ گەورەی‌ کەوتوە بەمەرگی‌ خەباتگێڕێکی‌ قارەمان، شۆڕەسواری‌ مەیدانی‌ خەباتی‌ بێ‌ وچان، بە ماڵئاوایی‌ یەکجاریی‌ سەرۆک مام جەلال، ئه و سەرۆکەی‌ نەک هەر لە کوردستانا یان لە عیراقا یان لە ڕۆژهەڵاتی‌ ناوەڕاستا بەڵکو لە هەموو دنیادا ناوی‌ دەزرنگایەوە وەک سیاسەتمەدارێکی‌ هەڵکەوتوو، وەک ئاشتیخوازێکی‌ دڵسۆز.
ماڵ ئاوا مامی‌ گەورەمان.. ماڵ ئاوا ئەی‌ پیاوە هەڵکەوتوەکەی‌ گۆڕەپانی‌ کوردایەتی‌.
بەناوی‌ خۆم و هەردوو برازاکەمەوە زاناو داناو سەرجەم بنەماڵەکەمانەوە جارێکی‌ تریش سەرەخۆشیمان تازە دەکەینەوە، لەیەزدان دەخوازین چۆن لەژیاندا ڕابەرمان بوو لە مەرگیشدا گیانی‌ پاکی‌ مام جەلال هاندەرمان بێ‌ بۆ یەکڕیزیمان.. بۆ پاراستنی‌ یەکێتی‌ ناو یەکێتی‌.
دڵسۆزتان: جەمالی‌ حەکیم ئاغا

بەڕێز مەکتەبی سیاسی یەکێتی نیشتمانی کورستان
بەڕێز بنەماڵەی کۆچکردو مام جەلال تاڵەبانی
نەخۆشی سەخت و درێژخایەنی مام جەلال تاڵەبانی لەم چەند ساڵەی دواییدا و کۆچی دواییشی لەم بارودۆخە ناسک و ئاڵۆزەدا کە هەرێمی پێدا دەڕوات، زیانێکی گەورەبوو لەم وڵاتە و بۆشاییەکی گەورەی لە گۆڕەپانی سیاسیدا بە جێهێشت، بەتایبەتی لە خودی یەکێتی نیشتمانی کە ئەمڕۆ زیاتر لەهەموو کات پێویستی بە سەرکردەیەکی وەک ئەوە.
لەگەڵ هیوای سەرکەوتنتان بۆ چارەسەری گرفتەکانتان، پرسە و سەرەخۆشیم لێ قبووڵبکەن بۆ خۆتان و هەموو کادر و ئەندامانی یەکێتی و بنەماڵەی کۆچکردوو.
تێکۆشەری دێرین بەهادین نوری – سلێمانی

سەرەخۆشی
بەناوی خۆمان و بنەماڵەکەمانەوە سەرەخۆشی لە هەموو خەڵکی کوردستان و دۆست و هەڤاڵان و خانەوادەی جەنابی (مام جەلال تاڵەبانی) دەکەین.
لەدەستدانی ئەو پیاوە بەرزو بەڕێز و تێکۆشەرە کەلێنێکی گەورەیە لە کوردستاندا، بەڕێز مام جەلال جگە لەوەی سیاسەتمەدارێکی کەم وێنە بوو هاوکات هەمیشە لەگەڵ سەرجەم بنەماڵەو توێژە جیاوازەکانی کوردستاندا پەیوەندییەکی باشی هەبووە، ئەمەیش وای کردبوو مام جەلال بۆ هەمووان مام و برا و کەسی نزیک بێت.
لەیەزدانی مەزن داواکارین رۆحی مام جەلال بە بەهەشتی بەرین شاد بکات
انا للە و انا الیە راجعون
شێخ حەسەن شێخ سەیدە
بنەماڵەی سەیدەی شێخەلی کانی کەوە

بەڕێزان هەڤاڵانی یەکێتی نیشتمانی کوردستان
بەداخ و پەژارەیەکی زۆرەوە هەواڵی کۆچی داوی سەرکردەی ماندوو نەناس و بزووێنەری شۆرشی کوردایەتی سەرۆک مام جەلال تاڵەبانی سەرۆک کۆماری پێشووی عێراقی فیدراڵ و سکرتێری یەکێتی نیشتمانی کوردستانمان پێگەیشت.
بەناوی خۆم و بنەماڵەی محمودی علی بەگی شەرف بەیانی پرسەو و ماتەمینی و سەرەخۆشی خۆمان ئاڕاستەی تەواوی گەلی کورد و یەکێتی نیشتمانی کوردستان و بنەماڵەی سەرۆک مام جەلال دەکەین و کۆچی مام خەسارەتێکی گەورەبوو لەگەلی کورد کەوت، ئەستێرەیەکی گەشاوە بوو لە ئاسمانی کوردایەتدا هەموان قەرزاری ئەوین داواکارین لە یەزدانی مەزن سەبووری گەلی کورد بەگشتی و بنەماڵەی بەڕێزتان بداتەوە.
محەمدی مەحمودی علی بەگی شەرف بەیانی بناری
بەمۆ

پرسەنامە
بە بۆنەی کۆچی دوای هەڤاڵ مام جەلال ڕابەری کوردایەتی دڵتەنگی خۆمان ڕادەگەیەنین وە پرسەو سەرە خۆشی خۆمان بەگەلی کورد بە گشتی و بنەماڵە بەڕێزەکەیان بەتایبەت ڕادەگەیەنین.
داوا کارین کۆچی دوای سەرۆک مام جەلال بکەنە هۆکارێک بۆ ئاشتەوایی و پێکەوە ژیان وەگیانی لێبوردن بکەنە مژدە بۆ ئەوەی ڕۆحی سەرۆک مام جەلال بە ئاسودە بێت.
ڕزگار حەمەسور
بنەماڵەی حەمەسوری کوێخا تەهای کانی کوردە

پرسەنامە
بەناوی‌ حاجی سەعید فائق کۆڵەک و سەرجەم بنەماڵەی‌ کۆڵەکەوە پرسە و سەرە خۆشی خۆمان ئاراستەی‌ هەموو گەلی کوردستان دەکەین بە بۆنەی‌ کۆچی دوایی سەرکردەی‌ لێهاتووی‌ گەلەکەمان تێکۆشەری‌ ناوداری‌ نەتەوەییمان هەڤاڵ مام جەلال.
لەدەستدانی مام جەلال کەلێنێکی گەورەی‌ دروستکرد لەنێو بزاڤی‌ تێکۆشانی گەلی کوردستان بە گشتی و کوردستانی‌ باشوور بە تایبەتی‌ کەوا بە ئاسانی ناتوانرێت جێگەی‌ پڕ بکرێتەوە، بۆیە داواکارین لە خوای‌ گەورە بە بەهەشتی بەرین شادی بکات.
دووبارە ڕایدەگەیەنین کە خەمبارین و هاوبەشی خەمی‌ بنەماڵەی‌ مام جەلالین، خودا سەبووری‌ هەموو لایەک بدات،
انا لله وانا الیە راجعون
حاجی سەعید فایەق کۆڵەک

پرسە و سەرەخۆشی
بە ناوی ڕاگرایەتی کۆلێجی پۆلیسی سلێمانی و سەرجەم ئەفسەران و کارمەندانی کۆلێجەکەمانەوە پرسە و سەرەخۆشی خۆمان ئاراستەی خانەوادە و کەسوکار و سەرجەم لایەنگران و دۆستانی بەڕێز (مام جەلال تاڵەبانی) دەکەین بە بۆنەی کۆچی دوایی بەڕێز هەڤاڵی تێکۆشەر (مام جەلال تاڵەبانی) و هیوادارین بە بەهەشتی بەرین شادبێت.
ڕاگرایەتی کۆلێجی پۆلیس-سلێمانی
پرسە و سەرەخۆشی
بەڕێزان خانەوادەی‌ مامی‌ گەورە هەڤاڵ (مام جەلال)، بە ناوی‌ بەڕێوەبەر و ئەفسەر و کارمەندانی‌ سەنتەری‌ هەماهەنگی‌ هاوبەش- سلێمانی‌ پرسەی‌ خۆمان ڕادەگەیەنین بە بۆنەی‌ کۆچی‌ دوای‌ سەرکردە و ڕابەری‌ شۆڕشی‌ نوێی‌ گەلەکەمان و سوڵتانی‌ کوردایەتی‌ مامی‌ گەورەمان (مام جەلال).
سەرەخۆشی‌ لە بەڕێزتان و هەموو کۆمەڵانی‌ خەڵکی‌ کوردستان دەکەین هیوادارین خوای‌ گەورە سەبووری‌ هەموو لایەک بدات و دواکۆستی‌ گەلەکەمان بێت.
انا لله وانا الیە راجعون
سەنتەری‌ هەماهەنگی‌ هاوبەش

پرسە و سەرەخۆشی
بەڕێزان خێزان و هاوڕێیانی سەرۆک مام جەلال ژووری‌ بازرگانی‌ و پیشەسازی‌ سلێمانی‌ بەداخ و پەژارەیەکی‌ زۆرەوە هەواڵی‌ کۆچی دوایی‌ سەرۆم مام جەلالمان پێگەیشت.
بۆ ئه و خەمە قورسە لەناخەوە بەشداریی‌ خەمتان دەکەین و هاوخەمی‌ قوڵی‌ خۆمان ئاڕاستەی‌ یەک بەیەکی‌ ئێوەی‌ بەڕێز و یەکێتی‌ نیشتمانی‌ کوردستان و هەموو گەلی‌ کوردستان دەکەین.
ژووری‌ بازرگانی‌ و پیشەسازی‌ سلێمانی‌، کۆچی‌ دوایی‌ بەڕێز مام جەلال بەزیانێکی‌ گەورە دەزانێت بۆ کوردستان و هەموو گەلی‌ کورد و ناوچەکه و جیهان کە ئەم سەرۆکە بوێر و جوامێرە ژیانی‌ پڕاوپڕە لەهەڵوێست و ئازایەتی‌ و رەمزی‌ قۆناغێکی‌ خەباتی‌ رزگاریخوازیی‌ کوردستان.
لەسەر ئاستی‌ کوردستان ئەم سەرکردە بەڕێزە پایەیەکی‌ گەورە و سەرەکی‌ راگرتنی‌ ئاشتی‌ ناو ماڵی‌ کورد بووە کە بەوپەڕی‌ دڵسۆزی‌ و لەخۆبردوویی‌ و کارامەییەوە توانیویەتی‌ ماڵی‌ کوردی‌ لەچەندین قەیرانی‌ گەورە و گران دەرباز بکات.
لەئاستی‌ عێراقیشدا سەرۆک مام جەلال توانیویەتی‌ بەوپەڕی‌ لێپرسراوێتییەوە مامەڵە بکات و لەگەڵ‌ هەموو لایەنە ناکۆکەکاندا کەناڵ‌ و گفتوگۆی‌ هەبێت و قورساییەکیش ببەخشێت بەکورد لەبەغدا، هەر بەهۆی‌ دووربینی‌ و حیکمەتی‌ بەڕێزییەوە، هەمووان ناچار بوون کە رێزیبگرن و مام جەلال بە)کلیلی‌ چارەسەر) ناودەبرا لەعێراقدا.
لەئاستی‌ ناوچەکەشدا ئەم سەرکردەیەی‌ کە لەدیدی‌ دۆست و دوژمنەکانیەوە، سیاسەتمەدارێکی‌ کارا و واقیعبین و خاوەن بەهرە بوو، هەمیشە کاری‌ بۆ چەسپاندنی‌ بنەماکانی‌ مافی‌ مرۆڤ و ئاشتی‌‌ و ئازادی‌ کردووە لەرۆژهەڵاتی‌ ناوەڕاستدا، بەڕێزی‌ لەهەوڵ‌ و کۆششی‌ بەردەوامدا بووە بۆ ئەوەی‌ کێشەی‌ کورد لەپارچەکانی‌ دیکەی‌ کوردستاندا بەشێوەیەکی‌ ئاشتی‌ و دیموکراسییانە و بەدوور لەتوندونیژی‌ بەچارەسەر بگات، گەلانی‌ ناوچەکە بگەن بەئازادی‌ و عەدالەتی‌ کۆمەلایەتی‌ و وڵاتانی‌ ناوچەکەش بەئاشتی‌ پێکەوە هەڵکەن.
سەرۆک مام جەلال لەئاستی‌ نێودەوڵەتیدا سەرکردەیەکی‌ سیاسی‌ ناسراوو دیبلۆماتکارێکی‌ ناودار بووە، کە تۆڕێکی‌ پەیوەندی‌ چڕ و پڕی‌ سیاسی‌ و دیبلۆماسییی‌ لەگەڵ‌ چەندین کەسایەتی‌ و ناوی‌ درەوشاوەی‌ دنیای‌ سیاسەت و فکرو رۆژنامەنییدا دروستکردووه و ژیرانە لەپێناو دۆزی‌ رەوای‌ کورد و سەقامگیریی‌ ئاشتی‌ و دیموکراسیدا لەعێراق و ناوچەکەشدا بەکاریهێناوە.
وەک ژووری‌ بازرگانی‌‌ و پیشەسازی‌ سلێمانی‌، لەپەروەردگاری مەزنمان داوایە گیانی کۆچکردو بە بەهەشتی بەرین شاد بکات، سەبوریی‌ و ئۆقرەییش بەئێوە و کوڕەکان و دۆستان و خانەوادە و بنەماڵەی تێکۆشەرتان‌ ببەخشێت و ئەوە دوایین ناخۆشی و خەمتان بێت.
هەر سەرفراز بن
ژووری‌ بازرگانی‌‌ و
پیشەسازی‌ سلێمانی‌

پرسە‌ نامەیەک بۆکۆچی دوایی یەکەمین سەرۆک کۆماری کوردی عێراق مام جەلال تاڵەبانی
کل من علیها فان ویبقی وجە ربک ذوالجلال والاکرام
بنەماڵەی بەڕێزی جەنابی مام جەلال تاڵەبانی
سەرکردایەتی وئەندام وجەماوەری یەکێتی نیشتیمانی کوردستان
بۆکۆچی دوایی یەکەمین سەرەک کۆماری کوردی عێراق سەرکرده و کەسایەتی دیاری کوردستان بەڕێز مام جەلال تاڵەبانی پرسەوسەرەخۆشی خۆمانتان پێ ڕادەگەینین، لەخودای میهرەبان داوامانە سەبوری بەڕێزتان بداتەوه و هیوادارین ئەوکەلێنەگەورەیە بە درێژەپێدانی ڕێڕەوەکەی بۆتان پڕببێتەوە بەجۆرێک لەدەستدانەکەی ببێتە هاندەرێک بۆ یەکڕیزی نێوماڵی کوردستانی بەره و ‌سەربەخۆیی واقیع بینی و دانایی ئەوسەرکردەیەی پێوە دیاربێت.
خودا سەبوریتان بداتەوە
انا لله وانا الیه راجعون
عبدالرحمن شێخ عثمان عبدالعزیز

پرسەنامەی فراکسیونی بزوتنەوەی ئیسلامی
بەناوی خوای بەخشنسندەی میهرەبان
بەریزان
خانەوەی مام جەلال تالەبانی
جیگری سکرتیری گشتی و ئەندامانی مەکتەبی سیاسی و سەرکردایەتی
جە ماوەری یەکێتی نیشتیمانی کوردستان
وێڕای دەربڕینی هاوخەمیمان بەبۆنەی کۆچی دوایی جەنابی مام جەلال یەکەمین سەرۆک کۆماری کورد لەمێژوی عێراق و سکرتێری گشتی یەکێتی نیشتمانی کوردستان، پرسەو سەرەخۆشی لەبەریزتان و نەتەوەی کوردو گەلی کوردستان ئەکەین،خوای پەروەردگارو میهرەبان لەگەڵیدا بەکەرەم بێت و دڵنەوایی و ئارامی و سێبوریتان پێ ببەخشێت.
ئاشکرایە جەنابی مام جەلال تاڵەبانی هەرلەتەمەنی لاوییەوە ڕۆڵیکی کاریگەرو بەرچاوی هەبووەلە بزوتنەوەی رزگاریخوازی گەلی کورد و گەرم کردنی کورەی خەبات و شٶڕش و بەرنگاری دژ بەڕژێمە دکتاتۆرە یەک لەدوای یەکەکانی عێراق.
لەهەمان کاتدا تاڵەبانی سەرکردەیەکی خاکی ودبلۆماتکاریکی دانا و لێهاتو و سینە فراوان و لێبوردەو نوسەرو ئەدیب و مێژو نووس و پێشمەرگە بوو، پێگەیەکی بەهێزی هەبوولە ناوچین و توێژەکانی کۆمەڵگەی کوردستانی و عێراق و ناوچەکەو جیهاندا.
لەماوەی هەشت ساڵی تەمەنی سەرۆک کۆماریشیدا توانی هەمووپێکهاتەکانی باشور و ناوەراستی عێراق کەهەمیشە تامەزرۆی خوێنی یەکتربوون کۆبکاتەوە، یەکترقبوڵ کردن و بەیەکەوە ژیانیان تیادا بڕسکێنێت،هەرلەبەرئەوەش بوو نازناوی (زامنی ئارامی وئاسایشی عێراق)پێ بەخشی.
لەکۆتاییدا دوبارە هاوخەمتانین، خوای باڵادەست سەبرو ئارامی و دڵنەوایتان پێ ببەخشێت.
انا للە وانا الیە راجعون
د.شوان قەڵادزێی
سەرۆکی فراکسیۆنی بزوتنەوەی ئیسلامی
لەپەرلەمانی کوردستان

سەرەخۆشی
بەبۆنەی کۆچی دوایی سەرۆک و رابەرمان جەنابی مام جەلال پرسەو سەرەخۆشی لەخۆمان و هەموو یەکێتی و کۆی ئازادیخوازانی گەلەکەمان دەکەم.
ئەم کۆستە گەورەیە بەهیچ شێوەیەک قەرەبوو ناکرێتەوەو ئەستەمە لەیادی بکەین، رابەری رۆحیمان رۆحی شاد، بەهەشتی فیردەوس جێگات بێت.
باڵێۆز حازم یوسفی

پرسە نامە
پیاوی چیا و کۆڵ نەدان، مامی کورد و کوردستان، مام هیوای گەل دوا رۆژی میللەت، چرای نەتەوە، بە ناوی هەموو ئەندامانی کۆمیتەی پێشمەرگە دێرینەکانی کوردستانەوە لە هۆڵندا زۆر دڵگرانین بە دوا ماڵئاوایی مام و سەرکردەمان.
تۆ هەرگیز بەجێمان ناهێڵیت، تۆ هەرتۆیت، بەرێزت هیوا بەخش و جێگەی ئومێدی هەموومان بویت، هەمیشە جێگەی شانازی گەلێک بویت، پشت و پەنای هەژاران و چەوساوەکان بویت، ئێمەی پێشمەرگە دێرینەکان هەمیشە شانازی بە بەڕێزتەوە ئەکە،هەرگیز لە یادت ناکەین پەیمان ئەدەین درێژە پێدەری خەبات و ڕێبازەکەت بین.
ئەکرەم محەمەدئەمین ئەحمەد
لێپرسراوی کۆمیتەی هۆڵندای
کۆمەڵەی پێشمەرگە دێرینەکانی کوردستان

پرسە نامە
بەڕێزان
بنەماڵەی جەنابی مام جەلال
مەکتەب سیاسی و ئەنجوومەنی سەرکردایەتی
کادر و پێشمەرگەکانی یەکێتی نیشتمانی کوردستان
زۆر بە داخەوە هەواڵی کۆچی دوایی جەنابی مام جەلال تاڵەبانی دامەزرێنەر و سکرتێری یەکێتی نیشتمانی کوردستان و سەرکردە و ڕابەر و کاریزمایەکی گەلی کوردمان بیست.
جەنابی مام جەلال تەمەن و ژیانی خۆی کردە قوربانی نەتەوەکەی و هەموو هەوڵێک و ماندووییەتییەکی بۆ سەرخستنی پرسی نەوتەوەکەی و چارەی خۆنووسینی گەلی کوردستان بوو، لە پێناو نەتەوەکەی لە هەر چوار پارچەی کوردستان خەبات و تێکۆشانی کردووە، یارمەتیدەر و پشتیوانی دۆزی ڕەوای نەتەوەکەمان لە هەر چوارپارچەی کوردستان بووە، پەیوندییەکی پتەوی لە گەڵ هیز و لایەنە سیاسییەکانی کوردستانی و ناوچەکە و وڵاتانی ناوچەکە و جیهان هەبوو، توانی وەک سەرکردەیەکی گەورەی ڕۆژهەڵاتی ناوەڕاست دەرکەوێت و بە باوەڕ بە دیموکراسی و ئاشتی و پێکەوە ژیان،بە لێهاتوویی و توانکاری دیپلۆماتیکی و بە لێزانین لە بنەماکانی هاوکێشە سیاسییەکانی ناوچەکە و جیهان، بە خوێندنەوەیەکی واقیعبینانە، گەلی کوردی لە ناوچە پڕ لە کێشە و ئاڵۆزەکەی ڕۆژهەڵاتی ناوەڕاست تا لێواری سەرکەوتنی یەکجاری بگەیەنێت.
بەداخەوە بۆ کۆچی ناوادەی و بەجێهێشتنی گەلی کوردستان لەم کات و ساتەدا و خۆمان بە هاوخەم و هاوپرسە لە گەڵ ئێوە و کۆمەڵانی خەلکی کوردستان دەزانین، هیوای سەبووری و دڵنەوایی بۆ ڕێبوارانی مام دەخوازین.
یەکێتیی دیموکراتی کوردستان - ئێران

پرسە نامە
بەڕێزانی یەکێتی نیشتمانی کوردستان
خەڵکی خۆشەویستی شاری سلێمانی
سڵاوی گەرم
بەداخەوە هەواڵی تاسێنەری کۆچی دوایی رابەڕ و کەسایەتیی ناسراوی گەلی کورد هەڤاڵ مام جەلال بڵاو بۆوە.
کەسایەتییەک کە لە رۆژهەڵاتی ناوەڕاست و جیهاندا ناوبانگی دەرکرد و توانی ببێتە کاریزمای هەرچوارپارچەی کوردستان.
هەڤاڵ مام جەلال دیارترین و بەهێزترین کەسایەتیی رۆژهەڵاتی ناوەڕاست بوو کە لە پێناو ئاشتییدا لێبڕاوانە و ماندوویی نەناسانە تێکۆشا، خەباتی بێوچانی هەڤاڵ مام جەلال لە پێناو کورد و کوردستاندا ورەی نەتەوەکەمانی بەرزتر کرد، بەرگریی بوێرانە و مێژوویی بەڕێزیان لە مافە بەرهەقەکانی کورد بۆتە وانەی تێکۆشانی نەتەوەکەمان.
هەڤاڵ مام جەلال دیپلۆماتێکی بەئەزموون و سیاسەتمەدارێکی روناکبیر بوو، ئەمڕۆ کوردستان یەکێک لە دەگمەنترین و لێهاتووترین رابەرانی خۆی لەدەستدا و بۆ هەتا هەتایە جێگا و پێگەی بەڕێزیان بە دیاریی دەمێنێتەوە. ئێمە خەڵکی شاری بۆکانی رۆژهەڵاتی کوردستان، شاری شەهیدان دکتۆر سادقی شەرەفکەندی و دکتۆر جەعفەری شەفیعی، هاوڕێ نزیکەکانی هەڤاڵ مام جەلال، وێڕای دەربڕینی ئەوپەڕی داخ و پەژارەمان بە بۆنەی ئەم کارەساتە گرانەوە، پێمان وایە کە رێبازی هەڤاڵ مام جەلال ئەلێرەوە دەستپێدەکات و هیوادارین کە یەکێک لە رێبازەکانی بەڕێزیان کە یەکێتی و یەکگرتووی ریزەکانی نەتەوەی کوردە ببێتە سەرمەشقی هەرچوارپارچەی کوردستان.
لێرەوە پرسەی خۆمان بە هەموو بەڕێزانی یەکێتی و خەڵکی تێکۆشەری سلێمانی و گشت کوردستان رادەگەیەنین و هیوادارین لێمان قبوڵ بفەرموون.
خەڵکی شاری بۆکان لە رۆژهەڵاتی کوردستان

بۆگەلی‌ عێراق
بۆ هاولاتیانی‌ هەریمی‌ کوردستان
بۆ سەرۆکایەتی‌ هەریمی‌ کوردستان
بۆ مەکتەبی‌ سیاسی‌ یەکیتی‌ نیشتنمانی‌ کوردستان
بۆ خانەوادەی‌ بەرێز مام جەلال
هەواڵی‌ کۆچی‌ دوایی‌ مام جەلال سەرکردە و تێکۆشەری‌ دێرین وسەرۆک کۆماری‌ عێراق دوای‌ رووخانی‌ رژێمی‌ بەعس، دڵی‌ هەموومانی تەزاند.
بەم بۆنەیەوە خەمباری‌ وپرسەی‌ خۆمان ئاراستەی‌ هەموو لایەکتان ئەکەین، خوالێخۆشبوو کلیلی‌ کێشه و گرفتە گەورەکان بوو بۆ عێراق وهەرێم، بۆیە بە لەدەست دانی‌ خوالێخۆشبوو هەڤاڵ مام جەلال خەسارەتێکی‌ گەورە بوو بۆ هەموو لایەک.
لە خوای‌ گەورە دەپاڕێینەوە کەوا رۆحی‌ شیرینی‌ لە بەهەشت شاد بکات، وسبوری‌ بداتە هەموو لایەک.
سەعید شامایا
ئەمینداری‌ گشتی‌ مەنبەری‌ دیموکراتی‌ کەلدانی‌

پرسە
ئێمە وەک یەکە یەکەی ئەندامانی بنەمالەی شەهیدی فەرماندە فەرەیدوینی حەمە ساڵحی پێنجوینی سەرەخوشی لەخومان و تەواوی گەلی کورد دەکەین.
هەروەها پرسەی خۆمان بە هەموو بەڕێزانی دۆست و ئەندامان و لایەنگرانی یەکێتی و خەڵکی تێکۆشەری سلێمانی و گشت کوردستان رادەگەیەنین و هیوادارین لێمان قبوڵ بفەرموون.
بنەمالەی شەهیدی فەرماندە فەرەیدون حەمە ساڵحی پێنجوینی

پرسەنامە
خاتو هێرۆ ئیبراهیم ئەحمەدی بەڕێز
بەڕێزان لە یەکێتیی نیشتمانیی کوردستان
سڵاوی خواتان لێ بێت
پرسە و ماتەمینیتان ئاڕاستە دەکەین بۆ ماڵئاوایی بەڕێز جەلال تاڵەبانی سەرۆک کۆماری پێشوی عێراق و کەسایەتیی نیشتمانیی عێراق کە خۆی بەخت کردبو بۆ خزمەتی نیشتمان و بە ورەیەکی بەرز و خۆڕاگرییەوە بەگژ دیکتاتۆرییدا چوەوە تا روخاندنی بەشداریی کرد لە چەسپاندنی بنەماکانی سیستمی سیاسیی دەستوریی نوێ لە رێی پشت بەستن بە ئیرادەیەکی ئازاد بۆعێراقییەکان شان بەشانی هێزە سیاسییە عێراقییە دڵسۆزەکان.
داخ و پەژارەمان دەردەبڕین بە لەدەستدانی و پرسە و ماتەمینی قوڵتان پێشکەش دەکەین بۆ ئەم خەسارەتە، هیوادارین رێباز ورێگەکەی لە پەرۆشییان بۆ یەکێتیی عێراق درێژە پێبدرێتوکار بکرێت بۆ پێشخستن و گەشەسەندن شکۆمەندییەکەی وپاراستنی برایەتیی و بە ئاشتیی پێکەوە ژیانی نێوان هەمورۆڵەکانی .
مەکتەبی سیاسیی
حزبی دەعوەی ئیسلامی
موحەڕەمی حەرامی 1439

بەرێز دۆستی خۆم کاک کۆسرەت رسول عەلی
لە پێناوی بە دەست هێنانی مافی کوردان و خەبات کردن لەگەڵ پێشەوای کورد بەڕێز جەلال تاڵەبانی کە لە ریزی پێشەوەی خەبات کردندا بوون، غەم و پەژارەی خۆمتان لە ناخەوە لەگەڵ دابەش دەکەم، لەگەڵ ڕێزدا.....
علی حیدر وەزیر ئۆغلو
ئەندامی پەرلەمانی پێشووی تورکیا- تونجەلی
سەرۆکی گشتی پارتی ئاشتی داخراو

پرسەنامەی چالاکانی مەدەنی و فەرهەنگیی
مەریوان و هەورامان
جەماوەری بەڕێز و ئەمەکناسی کوردستان، دۆستان هەڤاڵان، هاوسەنگەران و هاوبیرانی مام جەلال، بنەماڵەی گەورەی تاڵەبانی؛ ئێمە وەک چالاکانی بواری فەرهەنگی، ئەدەبیی و کۆمەڵایەتی ناوچەی مەریوان و هەورامان، خۆمان بە هاوبەش و هاوخەمی یەک بە یەکی ئێوەی خەمبار دەزانین.
کۆچی کەڵەپیاوێکی زانا و تێکۆشەر وەک مام جەلال، خەمی بنەماڵە، یان پارت و دانیشتووانی ناوچەیەک نییە، بەڵکوو خەمی 40ملوێن مرۆڤی ماف زەوت کراوە و هەوری خەمی لە دەستدانی وەها سەرکردەیەکی مەزن بە سەر هەمووکوردستانییاندا شین دەگێڕێ و هەموو کوردێک بۆی تازیەبارە.
مام جەلال، پێشمەرگەیەکی کۆڵنەدەر و ورە بەرز، ئاشتیخوازێکی لێو بە بزە، ڕۆژنامەنووسێکی لایەنگری ڕاستی، مرۆڤ دۆستێکی دڵسۆز، یاسازانێکی بە توانا، سیاسەتوانێکی بە ئەزموون، هاوڕێی پێشکەوتووانی بواری فەرهەنگ و سیاسەت، ئاوی سەر ئاگری شەڕ و قەیران و ئاڵۆزی و دەمارگرژی، کۆتری ئاشتی و یەکڕیزی و برایەتی و هاوکات، پەروەردەی مەکتەبی خەبات و تێکۆشان بوو.
کەسایەتیی گەورەو ڕەوشت بەرزیی ئەم پیاوە نەک هەر بۆ دۆست ولایەنگرانی نەتەوەی کورد، بەڵکوو لای نەیاران و دوژمنانی ئەو ڕێبازەش بەرچاوو حاشا هەڵنگرە.
ڕاستە کۆچی وەها سەرکردەیێکی مەزن لەوەها هەلومەرجێکی هەستیاردا، خەسار و کەلێنێکی گەورەیە بەڵام هیوادارین کورد بە گشتی و سەرکردەکانی کورد بە تایبەتی، بە هۆشیاری و هەستی نیشتمانپەروەرییەوە کۆڕی پرسە و ماتەمینی ئەم گەورەپیاوە بکەنە هەوێنی ئاشتەوایی نەتەوەیی و یەکڕیزی و برایەتی و کاروانی خەبات و تێکۆشان تا گەیشتن بە لووتکەی سەرکەوتن بەرەو پێش ببەن و ڕۆحی مام جەلال و سەرکردە کۆچ کردووەکانی تری ئەم نەتەوەیەی پێ شاد بکەن.
(بە نامێ داداری گەورەی)
جەماوەری ئازیز و قەرزان، دۆسا و هەمڕایا، هەمسەنگەرا و هەمویراو مام جەلالی، خێزانی گەورەو تاڵەبانی! ئێمە پێسەو چالاکاو بواری فەرهەنگی، ئەدەبی و کۆمەڵایەتی ناوچەو مەریوانی و هەورامانی وێما هەمبەشێ و هەمخەمێ تاک تاکوو شمەی خەمباری مزانمێ. کۆچوو کەڵەپیایوی زانا و هەوڵدەری پێسەو مام جەلالی خەموو خێزانی، یا پارت و نیشتەیاگاو ناوچێوی نیا، خەموو 40 ملوێن ئێنسانە ماف چەنه ئەسنیایان و هەوروو خەموو دەسنە لوای پاسنە سەرکەردێوی گەورەی ملوو گردوو کوردەسانیارە شیوەن وارنۆ و هەرچی کوردا پەیش تاسەبارا.
مام جەلال پێشمەرگه و کۆڵنەدەر و ورە بەرز، ئاشتیوازێو وەش ڕوو، ڕۆنامەنویسێو لایەنگیروو ڕاسی، مرۆڤ دۆسێو دڵسۆز، یاسا زانێو زەحمەت کێش، ڕامیارێو ئەزمووندار، دۆسوو وەڵکەوتەکاو بواری فەرهەنگی و سیاسەتی، ئاوەو سەروو ئایروو شەڕی و ئاژاولێ و دەمارکرژی،کاوەترەو ئاشتی و یەکسانی و برایی و هەرپاسە پەروەردەو مەکتەبوو خەباتی و هەوڵ دای بێ.
کەسایەتی گەورە و ڕەوێشتی بەرزوو ئی پیایە نەک هەر پەی دۆسا و لایەنگیراوو نەتەوەو کوردی، بەڵکووم لاو نەیارا و دژمەناو ڕێبازەکەیچشەو حەشا مەکریۆ.
ڕاسا کۆچوو پێسنە سەرکەردێوە گەورەی چی هەل و مەرجە هەستیارەنە، خەسار و قڵیشێو گەورەن بەڵام ئاوات وازێنمێ کوردێ بە گردی و سەرکەردەکێ کوردی بە تایبەت، بە هۆشیاری و هەستی وەتەن دۆسیوە کۆڕێ پەرسانە و ماتەمینوو ئی پیا گەورەیە کەرا ئامیانوو ئاشتی وازی نەتەوەیی و یەکسانی و برایی و کاروانوو خەبات و هەوڵ دای تا یاوای بە لووتگەو سەرکەوتەیی بەرا وەرەو و ڕۆحوو مام جەلالی و باقی سەرکەردە کۆچ کەردەکاو ئی نەتەوەی شاد کەراوە پەنەش

پرسە و سەرخۆشی‌
دوای‌ سڵاوی‌ ماتەم و غەمگینی‌. پێزانینی‌ خۆمان بۆ دڵسۆزی‌ و ماندوونەبوونتان دەردەبڕین.
لە کۆستی‌ ناوادەی‌ ماڵئاوایی‌ مام و سەرۆک ورابەرمان (مام جەلال)دا، وێرای‌ گەیاندنی‌ پرسە و ماتەم بە سەرجەم هەڤاڵانمان و خانەوادەی‌ مام و سەرجەم تێکۆشەرانی‌ گەلەکەمان، بەڵێنی‌ بەردەوامیدان بە رێباز و ئایدۆلۆژیاکەی‌ مام بە هەموو لایەک دەدەین.
ئەم کۆستە تەنها کۆستی‌ گەلەکەمان وکوردستانیان نەبوو، کۆستی‌ سەرجەم تێکۆشەران و ئازادیخوازان و دیموکراتخوازانی‌ عێراق و ناوچەکە و جیهان بوو.
کەلەپوری‌ سیاسی‌ و هزرمەندی‌ مام پڕاوپڕە لە بەها راستەقینەکان، مام توانیبووی‌ تێکۆشانی‌ نەتەوەیی‌ و نیشتمانی‌ ئاوێتەی‌ خەباتی‌ نێونەتەوەیی‌ بکات لە پێناو هێنانەدی‌ دیموکراستی‌ و ئاشتی‌ و ئازادی‌، کە ئه و بەها و پڕەنسیپانە، لە دروشمەکانی‌ ی‌.ن.ک رەنگی‌ داوەتەوە. مام دبلۆماتکارێکی‌ هەڵکەوتووی‌ گەلەکەمان و ناوچەکەش بوو، پەیامی‌ ماتەمگێری‌ سەرۆک و سەرکردەکانی‌ جیهان شاهیدی‌ لەسەر ئه و بەهرەیەی‌ دەدەن.
سەرساغی‌ بۆ گەلەکەمان و نەمری‌ بۆ سەرجەم شەهیدانی‌ کوردستان.
تێرتێر بنوو، تۆ لەناو دڵی‌ هەمووماندا بە زیندوویی‌ دەمێنیتەوە.....ماڵئاوا مام و سەرۆک
بانکی‌ زانیاری‌ (ی‌.ن.ک)

پرسەنامە
ئێمە لە بەڕێوەبەرایەتی‌ گشتی‌ کاروباری‌ شەهیدان و ئەنفالکراوانی‌ سلێمانی‌، بەداغ و پەژارەیەکی‌ زۆرەوە لە رۆژی‌ چوار شەممە 4ی‌ تشرینی‌ یەکەم 2017 گوێبیستی‌ هەواڵی‌ گیان لە دەستدانی‌ رابەری‌ بزوتنەوەی‌ ڕزگاری‌ خوازی‌ کورد سەرۆک (مام جەلال) بوین.
بێگومان خەمخۆرو دڵسۆزێکی‌ گەورەی‌ کەسوکاری‌ سەربەرزی‌ شەهیدانی‌ کوردستانمان لە دەستداوە،لەبەر گەورەیی‌ کەسایەتی‌ (مام جەلال)و خەمخۆری‌ و پشتیوانیکردنی‌ بۆ کەسوکاری‌ سەربەرزی‌ شەهیدان، ئەمەش وایکرد هەمووان لە سەرەتاوە بەشداربین لە مەراسیمی‌ ماتەمینی‌ و بەخاک سپاردن و ئامادەبونمان لە پرسەکەدا، ئێمە وەک وارسی‌ سەرجەم شەهیدان، بەناوی‌ کەسوکاری‌ سەربەرزی‌ شەهیدانی‌ کوردستان و سەرجەم فرمانبەرانی‌ بەڕێوەبەرایەتی‌ گشتیمان پرسه و سەرەخۆشی‌ خۆمان ئاڕاستەی‌ مەکتەبی‌ سیاسیی‌ یەکێتی‌ نیشتمانی‌ کوردستان و بنەماڵه و هەموو دۆستان و پەیڕەوکارانی‌ ڕێبازی‌ مامەگیان دەکەین.
لەگەڵ ڕێزی‌ بەڕێوەبەرایەتی‌ گشتی‌
کاروباری‌ شەهیدان و ئەنفالکراوانی‌ سلێمانی‌

بەڕێز خاتوو هێرۆ ئیبراهیم ئەحمەد،
بەڕێزان کاک بافڵ و کاک قوباد تاڵەبانی
بەڕێزان سەرکردایەتی و ئەندامان و لایەنگرانی یەکێتیی نیشتمانیی کوردستان
کۆچی دوایی مام جەلال، کۆچی سەرکردەیەکی نیشتمانپەروەر و بوێر و دڵسۆز بوو؛ کۆچی مرۆڤێکی ڕووناکبیر و وردبین و دڵپاک بوو. مام جەلال ڕێبەرێکی سادە و خاکی و فرەبەهرە بوو. مام جەلال لە مێژووی نەتەوە و نیشتمانەکەیدا وەک ناوێکی گەورە و جوان و وەک ئەستێرەیەکی گەش هەمیشە دەدرەوشێتەوە. لە دڵەوە سەرەخۆشیتان لێ دەکەم و هاوخەمتانم. خوای گەورە ڕۆحی مام جەلال بە بەزەیی و بەخشینی بێسنووری خۆی پاراو بکات و لەگەڵ خۆشەویستانی خۆی و پیاوچاکانی مرۆڤایەتیدا دایبنێت.
فەرهاد شاکەلی

پرسە
رێکخراوی کوردیپێدیا بەناوی سەرجەم ئەندامانییەوە، پرسە و سەرخۆشی خۆی ئاڕاستەی کوردستانیان بەگشتی، بنەماڵەی مام جەلال و هەڤاڵانی یەکێتیی نیشتمانیی کوردستان دەکات.
مام جەلال، سەرکردەیەکی کاریزماییی خاوەن ئەزموونی دیاری گەلەکەمان بوو. بەجۆرێک کار و خەباتی بۆ ماوەیەکی زۆر هێزکاری گرنگی دەبێت لەسەر مێژووی نەتەوەکەمان.
دڵگرانین بە کۆچی دواییی و هیوادارین خانەوادە و لایانگرانی بەڕێزیان ئەم کۆستە تێبپەرێنن و بەشێوەیەکی باشتر و شێلگیرانەتر لەسەر کار و راسپاردەکانی مام جەلال بکەن.
لەگەڵ رێزی هاوکارانی کارای رێکخراوی کوردیپێدیا
هاورێ باخەوان، مانو بەرزنجی و سەریاس ئەحمەد

بەڕێز خاتوو هێرۆ ئیبراهیم ئەحمەد،
بەڕێزان کاک بافڵ و کاک قوباد تاڵەبانی
بەڕێزان سەرکردایەتی و ئەندامان و لایەنگرانی یەکێتیی نیشتمانیی کوردستان
کۆچی دوایی مام جەلال، کۆچی سەرکردەیەکی نیشتمانپەروەرو بوێرو دڵسۆز بوو، کۆچی مرۆڤێکی ڕووناکبیرو وردبین و دڵپاک بوو. مام جەلال ڕێبەرێکی سادەو خاکی و فرە بەهرە بوو. مام جەلال لە مێژووی نەتەوەو نیشتمانەکەیدا وەک ناوێکی گەورەو جوان و وەک ئەستێرەیەکی گەش هەمیشە دەدرەوشێتەوە. لەدڵەوە سەرەخۆشیتان لێدەکەم و هاوخەمتانم. خوای گەورە ڕۆحی مام جەلال بە بەزەیی و بەخشینی بێسنووری خۆی پاراو بکات و لەگەڵ خۆشەویستانی خۆی و پیاوچاکانی مرۆڤایەتیدا دایبنێت.
فەرهاد شاکەلی
سوێد، 7-10-2017
بۆ بەڕێز هێرۆ ئیبراهیم ئەحمەد و سکرتاریەتی گشتیی یەکێتیی نیشتیمانیی کوردستان
مام جەلال لە تەواوی ژیانی خۆیدا، تێکۆشانی بۆ ئازادیی گەلەکەی کردو هەمیشە هەوڵیدەدا بۆ پێکهێنانی یەکێتیی نەتەوەیی و هیچ کاتێک لە بەرانبەر زەخت و فشارەکان چۆکی دانەدا. کۆچی دوایی مام جەلال هەم بۆ ئێوە، هەم بۆ خانەوادەکەی، هەمیش بۆ هەرچوار پارچەی کوردستان و هەموو کوردانی جیهان کۆستێکی گەورەیە. کۆچی دوایی مام جەلال دڵی ئێمەشی خەمگین کرد.
من ماوەی ساڵێکە لە زیندان بەندکراوم‌، ناتوانم لەم ئێش و ئازارەتاندا بێمە لاتان، لەبەر ئەوە خەمگینتر دەبم.
مام جەلال، لە هەموو هە‌لومەرجە دژوارەکاندا بۆ گەلەکەی خزمەتی کرد. لەبەرئەوە هەوڵ و تێکۆشانی ئه و لەبیرناکرێت. نیازی ئه و بۆ پێکهێنانی ئازادیی گەلی کورد بێگومان دەبێ بەدی بهێنرێت.
ئێمە بەژنی خۆمان لە بەرانبەر یادەوەریی مام جەلالدا دادەنەوێنین. لە کەسایەتیی ئێوەدا سەرەخۆشی لە بنەماڵەکەی و گەلەکەمان دەکەین یادەوەریی مام جەلال هەمیشە ڕێگەمان ڕووناک دەکاتەوه.
گولتان کشاناک هاوسەرۆکی
شارەوانی شارەی گەورەی ئامەد
زیندانی کۆجائەلی
6ی ئۆکتۆبەری 2017
پرسەنامەی مەردم و رێڕەوی یارسان بەبۆنەی کۆچی دوایی
ڕابەری مەزنی کورد مام جەلال
بەڕێزان مەکتەبی سیاسی و ئەنجومەنی سەرکردایەتی یەکێتی نیشتمانی کوردستان
جەماوەری سەربەرزی کوردستان خانەوادەی بەڕێزی سەرکردەی هەمیشە زیندوو مام جەلال تاڵەبانی.
بەداخ و پەژارەیەکی بێ وێنەوە هەواڵی کۆچی دوایی ڕابەری کوردایەتی، پێشمەرگەی رێبازی رزگاری و ئەندازیاری ئاشتی و پێکەوە ژیان، بەڕێز جەنابی مام جەلال تاڵەبانی سکرتێری گشتی یەکێتی نیشتمانی کوردستان و سەرۆک کۆماری پێشووی عێراقمان پێ گەیشت، کۆستی سەرکردەیەکی مەزنی وەکو مام جەلال خەسارەتێکی بێ وێنەیە بۆ سەرجەم گەلی کوردستان و عێراق و ناوچەکە، بەڕێزیان سیاسەتمەدار و سەرۆک و چەتری پێکەوە ژیانی هەموو نەتەوە و پێکهاتەکان و کلیلی ئارامی و سەقامگیری ناوچەکە بوو، ئێمە لە کاتێکدا پرسە و سەرەخۆشی لە سەرجەم گەلی کوردستان ئەکەین، لەهەمانکاتیشدا بەناوی مەردمی یارسانەوە پرسە و سەرەخۆشی لە خۆمان ئەکەین و کۆچی دوایی مام جەلال کۆچی ڕابەری ئێمەیە کە هەمیشە داکۆکیکار و پشتیوانی یارسانەکان و هەموو پێکهاتە و ڕەوت و مەزهەبە جیاوازەکان بوو، هیوادارین کە ڕۆحی نەمری ئه و سەرکردە مەزنە و رێباز و بیروباوەڕەکانی هەمیشە ببێتە بنەمای یەکریزی گەلی کورد و چرای رۆشنی ئایندەیەکی گەش بۆ گەلی کوردستان بە هەموو پێکهاتەکانیەوە.
بەناوی مەردمی یارسانەوە پرسە و سەرەخۆشی خۆمان ئاراستەی بەڕێزتان و خانەوادەی نەمر مام جەلال و سەرجەمی گەلی کوردستان ئەکەین، مام جەلال هەمیشە بەنەمری لەیادماندا دەمێنێتەوە.
سەید فەرهاد حەیدەری
بەناوی مەردمی یارسانەوە
5/10/2017

سەرۆکايەتی و سەرجەم ئەندامانی رێکخراوی پاسکيلسواری ئاشتی لە رۆژهەڵاتی کوردستان- شاری مەريوان پرسه و سەرەخۆشی خۆيان ئاراستەی بنەماڵەی بەرێز مام جەلال تاڵەبانی و هەموو گەلی کوردستان دەکات و هەر بەم بۆنەيەوە لە خوای گەوره و ميهرەبان دەپاڕينەوە کە ڕۆحی پاکی ئه و پياوە مەزنە بە بەهەشتی بەرين شاد بکات. هيوای سەربەرزی و سەرکەوتن بۆ خانەوادەی بەڕێز مام جەلال تاڵەبانی و سەرجەم خەڵکی بەشەرەفی هەرێمی کوردستان.
سەرۆکايەتی و سەرجەم ئەندامانی رێکخراوی پاسکيلسواری ئاشتی لە رۆژهەڵاتی کوردستان
10-10-2017
⁉️ تایبەتمەندییەکانی بابەت - Meta-data
🏷️ پۆل:📝 بەڵگەنامەکان
🏳️ زمانی بابەت:🏳️ کوردیی ناوەڕاست
📅 رۆژی دەرچوون: 10-10-2017
🏟 پارت / لایەن یەکێتیی نیشتمانیی کوردستان
📄 جۆری دۆکومێنت⊶ زمانی یەکەم
🌐 زمان - شێوەزار🏳️ کرمانجیی ناوەڕاست
🗺 وڵات - هەرێم⬇️ باشووری کوردستان

⁉️ تایبەتمەندییە تەکنیکییەکان
©️ خاوەنی ئەم بابەتە بەسوپاسەوە، مافی بڵاوکردنەوەیی بە کوردیپێدیا بەخشیوە! یان بابەتەکە کۆنە، یاخود بابەتەکە موڵکی گشتییە.
✨ کوالیتیی بابەت: 99% ✔️
99%
✖️
 30%-39%
خراپ👎
✖️
 40%-49%
خراپ
✖️
 50%-59%
خراپ نییە
✔️
 60%-69%
باش
✔️
 70%-79%
زۆر باشە
✔️
 80%-89%
زۆر باشە👍
✔️
 90%-99%
نایاب👏
✔️
ئەم بابەتە لەلایەن: (هاوڕێ باخەوان)ەوە لە: Oct 11 2017 1:05PM تۆمارکراوە
👌 ئەم بابەتە لەلایەن: (سەریاس ئەحمەد)ەوە لە: Oct 13 2017 3:38PM پێداچوونەوەی بۆکراوە و ئازادکراوە
✍️ ئەم بابەتە بۆ دواجار لەلایەن: (سەریاس ئەحمەد)ەوە لە: Oct 13 2017 3:38PM باشترکراوە
☁️ ناونیشانی بابەت
🔗
🔗
👁 ئەم بابەتە 2,497 جار بینراوە

✍️ ئەم بابەتە باشتر بکە!
☰ زۆرتر
⭐ بۆ ناو لیستی کۆکراوەکان
💬 رای خۆت دەربارەی ئەم بابەتە بنووسە!

✍️ گۆڕانکارییەکانی بابەتەکە!
🏷️ Metadata
RSS

📷 گووگڵی وێنەی بابەتی هەڵبژێردراو بکە!
🔎 گووگڵی بابەتی هەڵبژێردراو بکە!

پرسەنامە و ماتەمینی بۆ کۆچی دوايی سەرۆک مام جەلال ‌

📚 فایلی پەیوەندیدار: 0
🖇 بابەتە پەیوەستکراوەکان: 4
☂️ پارت و رێکخراوەکان
1.👁️رێکخراوی کوردیپێدیا
2.👁️کۆمەڵەی پێشمەرگە دێرینەکانی کوردستان
📅 رێکەوت و رووداو (کڕۆنۆلۆژیا)
1.👁️10-10-2017
👫 کەسایەتییەکان
1.👁️قوباد تاڵەبانی
📂[ زۆرتر...]
🏁 زمانەکان...
🏁 زمانەکان بابەت%
کوردیی ناوەڕاست226,137%61.91
هەورامی61,567%16.85
Kurmancî - Kurdîy Bakûr56,518%15.47
عربي9,738%2.66
کرمانجی - کوردیی باکوور4,701%1.28
فارسی2,246%0.61
English1,756%0.48
Kurdîy Nawerast - Latînî1,181%0.32
Türkçe481%0.13
Nederlands189%0.05
Française188%0.05
Deutsch159%0.04
Pусский59%0.01
Svenska52%0.01
لەکی37%0.01
Italiano35%0.00
עברית29%0.00
Español27%0.00
日本人18%0.00
Ελληνική13%0.00
中国的11%0.00
Fins11%0.00
Norsk10%0.00
Հայերեն10%0.00
🏷️ پۆل...
🏷️ پۆل بابەت%
🔤 وشە و دەستەواژە227,776%62.37
👫 کەسایەتییەکان25,035%6.85
📕 پەڕتووکخانە21,900%5.99
🏰 شوێنەکان20,766%5.68
✌️ شەهیدان18,721%5.12
💬 پەند و ئیدیۆم12,034%3.29
📅 رێکەوت و رووداو (کڕۆنۆلۆژیا)10,264%2.81
📝 بەڵگەنامەکان5,017%1.37
📷 وێنە و پێناس4,862%1.33
🚼 ناوی کوردی4,851%1.32
📊 ئامار و راپرسی4,753%1.30
📖 کورتەباس2,491%0.68
☂️ پارت و رێکخراوەکان1,605%0.43
🔣 هەمەجۆرە1,140%0.31
📄 بڵاوکراوەکان (گۆڤار، رۆژنامە و ...)946%0.25
😊 گاڵتەوگەپ730%0.19
🎵 کارە هونەرییەکان551%0.15
💎 شوێنەوار و کۆنینە465%0.12
💚 ئەنفالکراوان422%0.11
👪 هۆز - تیرە - بنەماڵە195%0.05
🌏 نەخشەکان175%0.04
📼 ڤیدیۆ151%0.04
🌳 ژینگەی کوردستان90%0.02
👩 دۆزی ژن82%0.02
🍛 خواردنی کوردی74%0.02
🎥 ئالبومەکان34%0.00
🔧 بەرهەمە کوردستانییەکان30%0.00
🏆 یارییە کوردەوارییەکان17%0.00
🔬 زانست14%0.00
💣 کەلوپەلی سەربازیی بەکارهاتوو لە کوردستان2%0.00
💕 هۆنراوە2%0.00
📕 پەڕتووکخانە...
📕 پەڕتووکخانە - 🏷️ پۆلPDF
💰 ئابووری94
📈 ئامار57
⁉️ ئایین و ئاتەیزم843
📖 ئەدەبی / رەخنەی ئەدەبی512
☭ ئەدەبی کرێکاری44
🐉 ئەفسانە30
📙 ئەنسیکلۆپیدیا8
😞 ئەنفال، هەڵەبجە و جینۆساید207
📖 بیبلۆگرافیا119
📄 بەڵگەنامەیی69
📃 پرۆگرام65
⛑ پزیشکی - تەندروستی86
🎒 پڕۆگرامی خوێندن66
🎒 پەروەردە112
☠ تیرۆریزم48
🌏 جوگرافیا47
📖 چیرۆک405
⚡ چیرۆکەکانی توندوتیژی1
☀️ دۆزی کورد726
📖 دەروونناسی105
📜 راپۆرت180
📰 راگەیاندن167
📖 رامیاری، جیۆپۆلیکیک و پەیوەندیی نێودەوڵەتی780
📖 رۆمان595
☢ زانست77
🌐 زمانەوانی و رێزمان382
👩 ژنان95
🌿 ژینگە4
🎦 سیناریۆ8
👮 سەربازی14
🎭 شانۆ / شانۆگەری177
📘 فەرهەنگ184
🤔 فەلسەفە / هزر315
🏕 گەشتنامە80
🔎 لێکۆڵینەوە239
📖 مافی مرۆڤ10
🚼 منداڵان183
🎵 موزیک16
⚔ مێژوو1,037
🎶 هونەری89
🔣 هەمەجۆرە623
🌼 هەڵبەست913
📄 وتار و دیمانە205
🏀 وەرزش10
🌾 کشتوکاڵ35
🎋 کلتوور / فۆلکلۆر146
📅 کڕۆنۆلۆژیا27
📚 کۆبەرهەم20
💻 کۆمپیوتەر32
👪 کۆمەڵایەتی74
👪 کۆمەڵناسی77
📚 کۆی بڵاوکراوەکان36
📝 یاداشت311
⚖ یاسایی139

Kurdipedia.org (2008 - 2019) version: 11.10
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 0,53 چرکە!
☎ +9647701579153 +9647503268282
| ☎ +31654710293 +31619975574