50 زارۆیێن خۆکۆژێن ئێزدی هاتینە کوشتن
📊 Статистика и опросы
دواڕۆژ، بورهان یەحیا
ڤەکۆلەر د بوارێ دیرۆکێ ئێزدییان ئاماژەکر کو؛ ژوان 1600 زارۆیێن ئێزدی کو ژلایێ
داعشداعش ڤە هاتینە رەڤاندن و بۆ کارێن خۆکۆژی و شەڕکرنێ هاتینە راهێنان هەتا نوکە 50 ژوان دناڤ شەر و کریارێن خۆکۆژیێ دا هاتینە کوشتن.
داوود موراد ڤەکۆلەر د بوارێ دیرۆکێ ئێزدییان بۆ دواڕۆژ رۆهنکر کو؛ ب رزگارکرنا
مووسلمووسل و تەلەعفەر دیاربوو کو زارۆیێن ئێزدی یێن خۆکۆژ بۆ سووریا و وەلاتێن دی هاتینە ڤەگوهاستن و ژ سەرجەمێ وان 1600 زارۆیێن چەکدار و خۆکۆژێن ئێزدی هەتا نوکە 50 ژوان د شەڕ و کریارێن خۆکۆژیێ دا هاتینە کوشتن کو بابێ ئێک ژوان پلەیا نەقیب دناڤ پێشمەرگەیان دا هەیە.
ناڤبۆری دا دیارکرن کو؛ بەشەک ژڤان زارۆیان د شەڕێ مووسل ژلایێ هێزێن ئیراقی یان تۆپبارانێن هێزێن هەڤپەیمانان هاتینە کوشتن و بەشەک ل سووریێ هاتینە کوشتن و یێن دی ژی چارەنڤیسێ وان دیار نینە و پێشبینی دهێتەکرن بۆ سووریێ یان وەلاتێن دی هاتبنە ڤەگوهاستن و بەشەک ژوان دناڤ مالێن هندەک ئەرەبێن مووسل دا هاتینە راگرتن و ئه و مال ئاشکرا ناکەن.
ناڤبۆری خویاکر کو؛ ئێک ژوان زارۆیێن ئێزدی کو هاتییە رزگارکرن ئاماژە دکر کو دگەل 150 زارۆیێن دی ل سەربازگەها هەتللە ژلایێ داعش ڤە راهێنانێن لەشکەری بۆ دەمێ 45 رۆژان سەر هاتینەکرن بۆ د شەران دا ژی بەشدار بوویە و هەر چەند زارۆیێن ئێزدی دگەل گرۆپەکێ چەکدارێن داعش یێن زەلام هاتینە دانان.
[1]
11-09-2017
, чтобы открыть элемент на языке оригинала!
⚠️ ئەڤ بابەت ب زمانا (🏳️ کرمانجی - کوردیی باکوور) هاتیە نڤیساندن، کلیک ل ئایکۆنا بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!