دواڕۆژ، بورهان یەحیا
بەرپرسێ راگەهاندنا رێڤەبەرییا گشتییا ساخلەمییا پارێزگەها #دهۆک# دیارکر کو؛ ل هەر چار رۆژێن جەژنێ بەشێن تەنگاڤییان ل هەموو نەخحۆشخانەیێن سنۆرێ پارێزگەهێ د ئامادەباشیێ دابوون و 31 کەسان گیانێ خۆ ژدەستدابوو کو 4 ژئەگەرێ روودانێن ترومبێلێ بووینە.
حەمزە رەزیکی بەرپرسێ راگەهاندنا رێڤەبەرییا گشتییا ساخلەمییا پارێزگەها دهۆک بۆ دواڕۆژ رۆهنکر کو؛ ل 4 رۆژێن جەژنێ 15112 کەس سەرەدانا نەخۆشخانەیێن سنۆرێ پارێزگەهێ کرینە و 868 نەخۆش ل نەخۆشخانەیێن پارێزگەهێ هاتینە نڤاندن و 117 نیشتەگەری هاتینە ئەنجامدان و 507 زارۆ ژدایک بووینە و 31 کەسان ب ئەگەرێن جودا گیانێ خۆ ژدەست داینە کو 4 ژوان ژ ئەگەرێ روودانێن ترومبێلێ بووینە و روودانەکا خەندقینێ ل زاخۆ.
ناڤبۆری ئاماژەکر کو؛ ل جەژنێ 53 نەخۆش ب رێکا تیمێن 122 یێن هەوارهاتنێ بۆ نەخۆشخانەیێ هاتینە رەوانەکرن و ئه و 6 تیمێن هەوارهاتنا 122 کو ل مووسل و رەخودۆرێن وێ هەبووینە شیاینە 248 نەخۆشان بگەهیننە نەخۆشخانەیێن دهۆک و 27 کەس ب ئەگەرێ روودانێن ترومبێلێ ل رۆژانێن جەژنێ بریندار بووینە و بۆ نەخۆشخانەیان هاتینە هنارتن و ل 38 کەسان سەرەدانا نەخۆشخانەیا سۆتنێ کربوون کو بتنێ دوو ژوان هاتبوونە نڤاندن کو زارۆیەک ب رێژەیا 25% لەشێ وی سۆتبوو و سنێلەیەک ب رێژەیا 100% سۆتبوو.
حەمزە رەزیکی دیارکر کو؛ 12 تیمێن زێرەڤانییا ساخلەمیێ ل سنۆرێ پارێزگەهێ سەرەدانا 89 جهان کربوون کو 3 ژوان ب کۆژمەیەکێ پارەی هاتینە سزادان و 11 جهێن گشتی ژی هوشدارییا دووماهیێ پێ هاتینەدان.[1]
05-09-2017