شارەزایەکی بواری ژمێریاری ئاشکرای دەکات، حکومەتی هەرێمی کوردستان زیاتر لە(شەش) ملیار دۆلاری فەرمانبەران قەرزارە، ڕاشیدەگەیەنێت بەهۆی ئەوەی ئه و پارەی پاشەکەوتە لە (ئامانات) دانراوە دوای سێ ساڵ نەگەڕێندرێتەوە بۆ خەڵک دەفەوتێت.
عەزیز عەلی، شارەزا لە بواری ژمێریاری و دارایی لە چواری بەرنامەی ژێرخانی ئابووری ڕادیۆ دوڕۆژ، ڕایگەیاند حکومەتی هەرێم زیاتر لە شەش ملیار دۆلار (یەک تریلیۆن دیناری) فەرمانبەران قەرزارە و لە ئامانات دانراوە.
راشیگەیاند، ئەگەر ئه و پاشەکەوتەی فەرمابنەران دوای سێ ساڵ نەگەڕێنرێتەوه و نەدرێتەوە پێیان بەپێیی یاسای ژمێریاری دەفەوتێت.
ئه و شارەزایەی بواری ژمێریاری وتیشی حکومەتی هەرێم توانای گێڕانەوەی ئه و پارەیەی نییە، چونکە حکومەت کێشەی کەمی نەختینەی (سیولە)ی هەیە.
حکومەتی هەرێمی کوردستان لە ڕۆژی 03-02-2016 بە بڕیاریی ژمارە (64) سیستمی پاشەکەوتی پەیڕەوکرد و مووچەی فەرمانبەرانی لە نێوان 15% بۆ 75% کەمکردوە، جگە لە پێشمەرگه و ئاسایش و هێزە ئەمنییەکان.
لەدوای پەیرەوکردنی ئه و سیستمەش ڕێژەی هەژاری لە (3،8%) لەساڵی 2012 بۆ (13،5%) لەساڵی 2016 بەرزبۆتەوە، هەروەها ڕێژەی بێکاریش لە (7،9%) لە ساڵی 2012 بۆ (14%) ساڵی 2016 بەرزبۆتەوە و گەشەی ئابووری هەرێمیش (5%) کەمیکردووە.[1]
ماڵپەڕی دواڕۆژ: 12-08-2017
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 4,968 times
Write your comment about this item!