بەرپرسێ نڤیسینگەها سیستەمێ بایۆمەتری فەرمانبەران ل پارێزگەها #دهۆک# خویاکر، ب رێژەیا 70٪ کاروبارێن لیستەیێن هەموو رێڤەبەری و فەرمانگەهێن میری بۆ وەرگرتنا مووچەیێ مەها هەفت ژلایێ وانڤە ب دوماهی هاتینە و ل هیڤییا چەند رێڤەبەریێن دینە کو پێداچۆنا خۆ لسەر وی خشتەیێ مووچەی یێ لسەر سیدیێ بکەن کو بۆ وان هاتییە هنارتن و دووبارە بۆ مە ڤەگەرینن.
#فەرسەت حسین#، بەرپرسێ نڤیسینگەها سیستەمێ بایۆمەتری فەرمانبەران ل پارێزگەها دهۆک بۆ دواڕۆژ رهونکر کارێ ئۆفیسا دهۆک یا بایۆمەتری ب دو قۆناغان ب دوماهی دهێت کو ئەو ژی چێکرنا خشتەیا بایۆمەتری ئەلکترۆنییا مووچەیێ فەرمانبەران و هنارتنا وان ب شێوەیێ سیدی بۆ هەموو رێڤەبەرییان داکو پێداچۆنێ لسەر بکەن و راستی و دروستییا کۆد و ناڤێ فەرمانبەرێن خۆ دۆپات بکەن و ئەگەر کێشەیەک هەبیت مە ئاگەهدار بکەن داکو راستڤە بکەین و بۆ ئۆفیسا سەرەکی ل هەولێر بنێرین و ل وێرێ ژی دوو قۆناغێن دی دێ ب رێڤەچن و کار دێ ب دوماهی هێت و بۆ مووچەیێ مەها هەفت دێ کار ب سیستەمێ بایۆمەتری هێتەکرن.
ناڤبۆری دا دیارکرن پتری 70٪ ژ کارێ پشتراستکرنا خشتەیا بایۆمەترییا مووچەیێ فەرمانبەرێن دهۆک ب دووماهی هاتییە و هەموو ئەو 30٪ ژ رێڤەبەریێن مایی کو سیدیێ خشتەی دووبارە بۆ مە نەڤەگەراندینە هاتینە ئاگەهدارکرن کو هەتا دووماهییا هەفتییا بهێت ژ ناڤ و کۆدان پشتراست ببن، چونکو دوماهی مۆلەتە بۆ وان چونکو دێ مەلەفێ گشت رێڤەبەریێن دهۆک ب ئێکجار بۆ ئۆفیسا سەرەکی ل هەولێرێ هنێرین.
بەرپرسێ نڤیسینگەها سیستەمێ بایۆمەتری فەرمانبەران ل پارێزگەها دهۆک زەلالکر بۆ رێژەیا تۆمارکرن و هووربینیکرنا مووچەیان ئۆفیسا دهۆک لسەر ئاستێ هەرێمێ ل رێزا ئێکێ دهێت و دێ بەری هەر دوو پارێزگەهن دی دووماهی خشتەی بۆ ئۆفیسا سەرەکی ل هەولێر هنێرین.ب گۆرەی بەرنامە و پلانێن وەزارەتا دارایی لبەرە بۆ پێدانا مووچەیێ مەها هەفت کار ب سیستەمێ بایۆمەتری بهێتەکرن و فەرمانبەر ب کۆدێ خۆ یێ تایبەت ل بەنکێ مووچەی وەرگرن.
مالپەرا دوارۆژ: 11-08-2017