سەرلەبەیانیی ڕۆژی سێشەممە 08-08-2017، لە کۆمۆنی ئایدسڤۆڵی دەوروبەری شاری ئۆسڵۆ، پۆلیسی نۆڕوێژ لە کاتی پشکنین بۆ ڕووداوێکی هاتوچۆ، تەرمەکەیان دۆزیوەتەوە.
خەڵکی شاری #سنە#ی #ڕۆژهەڵاتی کوردستان# لەناو ئۆتۆمبێلکدا دەدۆزێتەوە و دەمودەست شۆفێری ئۆتۆمبێلەکە دەستبەسەر دەکات. بەپێی ڕاپۆرتی پۆلیس کە لە ڕۆژنامەکانی نۆڕوێژدا بڵاوکراوەتەوە، لە بەدواداچوونێکی کوورتدا، دەردەکەوێ کە بکوژی ڕۆئیا، شۆفێری ئۆتۆمبێلەکە و دەزگیرانی خودی ڕۆئیا بووە و بکوژ دانی بەوەدا ناوە کە لەناو ئۆتۆمبێلەکەدا دەگەڵ ڕۆئیا دەمەقاڵییان لێ پەیدا بووە و بە چەقۆ هێرشی کردووەتە سەر و کوشتوویەتی.
شایەنی باسە، ڕۆئیا هاشمی ئەندامی #حیزبی دێموکراتی کوردستان#ی ئێران و لەدایکبووی ساڵی 1993 لە ساڵی 2015وە ڕووی لە وڵاتی نۆڕوێژ کردووە و داوای مافی پەنابەرێتی کردووە. بکوژی ناوبراویش پیاوێکی 38 ساڵانەیە بە ناوی ئارێز کە بەپێی ڕاپۆرتی پۆلیس، ئەویش ڕەگەزنامەی ئێرانی هەیە و ماوەی 16 ساڵە لە وڵاتی نۆڕوێژ دەژی.