کۆمپانیای DNOی نەرویجی بواری نەوت و غاز، کە لە کێڵگەی نەوت تاوکی کار دەکات ئاشکرایکرد، بڕی 39.59 ملیۆن دۆلاری لە حکومەتی هەرێمی کوردستان وەک شایستەی دارایی هەناردەی نەوتی مانگی ئایاری 2017 وەرگرتووە.
لە بەیاننامەیەکدا کۆمپانیای DNOی نەرویجی ئەمڕۆ چوارشەممە 9ی ئاب بڵاویکردۆتەوە، ئاشکرایدەکات بڕی 39 ملیۆن 590 ملیۆن دۆلاری لە حکومەتی هەرێم وەرگرتووە، بەرامبەر بەرهەمهێنان و هەناردەکردنی نەوتی مانگی ئایاری کێڵگەی نەوتی تاوکێ.
کۆمپانیای DNO راشیگەیاندوە، کە ئه و بڕە پارەیە لەگەڵ هاوبەشەکانی لە کۆمپانیای گەنەڵ ئینەرجی و بی ئێل سی دابەش دەکات.
ئاماژەی بۆ ئەوەشکردووە، کە ئه و پارەی وەریگرتووە 33 ملیۆن 210 هەزار دۆلاری پارەی نەوتی هەنارکراو بوە و 6.39 ملیۆنیش قەرزی پێشووترە.
09-08-2017