دواڕۆژ، بورهان یەحیا
بەرپرسێ رێکخراوا شلۆمۆ بۆ بەلگەنامەیان دا دیارکرن کو؛ پشتى هاتنا داعش بۆ #مووسل# و ب مەرەما ب دەستڤەئینانا داهاتى و ژ ئەنجامێ شەڕ و پێکدادان و هێرشێن ئاسمانى زیان گەهشتینە 4343 دەڤەرێن بازرگانى، پیشەسازى و چاندنێ یێن مەسیحیێن سنۆرێ پارێزگەها نەینەوا کو بهایێ وان زیانان دگەهیتە 504 ملیۆن دیناران.
خالس ئیشۆع بەرپرسێ رێکخراوا شلۆمۆ بۆ بەلگەنامەیان بۆ دواڕۆژ رۆهنکر کو؛ ل 7 دەڤەرێن گرێدایى ب پارێزگەها نەینەوا (قەرەقۆش، بەرتللە، کرملیس، تلکێف، تلسقۆف، باتنایێ و دەڤەرا بەعشیقە-بەحزانێ) زیان گەهشتینە 4343 جه و دەڤەرێن بازگانى، پیشەسازى و چاندنێ کو ب شێوەیەکێ گشتى کۆژمەیێ 504 ملیۆن دینار زیانێن دراڤى ل دووڤ خۆ بۆ وەلاتیێن مەسیحى یێن ڤان دەڤەران هێلاینە کو دبنە نێزیکى 420 ملیۆن دۆلار.
ناڤبۆرى دا دیارکرن کو؛ ل دەڤەرا قەرەقۆش زیان گەهشتینە 2605 جهێن بازگانى، پیشەسازى و چاندنێ و کۆژمەیێ 344 ملیۆن دینار زیان هەبووینە و ل دەڤەرا بەتللە زیان گەهشتینە 550 جهان و کۆژمەیێ 77 ملیۆن دینار زیانێن دراڤى هەبووینە، ل دەڤەرا کرملیس زیان گەهشتینە 283 جهان و زیانێن دراڤى ژى 22 ملیۆن دینار بووینە، ل دەڤەرا تلکێف زیان گەهشتینە 188 جهان و زیانێن دراڤى ژى گەهشتینە 23 ملیۆن دیناران، ل دەڤەرا تلسقۆف زیان گەهشتینە 197 جهان و زیانێن دراڤى ژى 13 ملیۆن دینار بووینە، ل دەڤەرا باتنایێ زیان گەهشتینە 312 جهان و زیانێ، دراڤى ژى گەهشتینە 15 ملیۆن دیناران، ل دەڤەرا بەعشیقە-بەحزانێ ژى زیان گەهشتینه 217 جهان و زیانێن دراڤى ژى نێزیکى 8 ملیۆن دیناران بوویە.
خالس ئیشۆع رۆهنکر کو؛ ب شێوەیەکێ گشتى ل 7 دەڤەرێن نەینەوا زیان گەهشتینە 4343 جه و دەڤەرێن بازرگانى، پیشەسازى و چاندنێ یێن مەسیحییان و ب ڤى رەنگى زیانێ، دراڤى ژى گەهشتینە 504 ملیۆن دیناران.
04-08-2017