وەزارەتی نەوتی عێراق ڕێژەی هەناردەی نەوتی بۆ مانگی حوزەیران ئاشکرادەکات کە لەڕێگەی کۆمپانیای بەبازاڕکردنی نەوتی عێراق (سۆمۆ)وە فرۆشراوە و بڕەکەی نزیکەی 98 ملیۆن بەرمیل و بەهاکەی زیاتر لە 4 ملیار دۆلار بووە.
عاسم جیهاد، وتەبێژی فەرمی وەزارەتی نەوتی عێراق، لە بەیاننامەیەکدا کە وێنەیەکی بۆ دواڕۆژ هاتووە دەڵێت، لە مانگی حوزەیراندا بڕی هەناردەی نەوت لە کێڵگە نەوتییەکانی ناوەڕاست و باشوور، زیاتر لە 97 ملیۆن و 500 هەزار بەمیل بوە و، بەهاکەی 4 ملیار و 117 ملیۆن دۆلار بوە، کۆی هەناردەی نەوتی کەرکووکیش 700 هەزار بەرمیل، بە بەهای 27 ملیۆن دۆلار بوە.
جیهاد ڕوونیشیکردەوە، نرخی بەرمیلێک نەوت بە تێکڕایی بە (42،20) دۆلار فرۆشراوە،
ئه و نەوتەی هەناردەشکراوە لەلایەن 36 کۆمپانیای جۆراوجۆرەوە، لە هەریەک لە بەندەرەکانی بەسرە و خۆر عەمییە و کەنداوی عەرەبی و بەندەری جەیهانی تورکی لەسەر دەریای ناوەڕاست بارکراوە.
لە مانگی ئایاریشدا عێراق، 101 ملیۆن و 134هەزار و 586 بەرمیل هەناردە کردوە، بەهاکەشی 4 ملیار و 663 ملیۆن دۆلار بوە.
27-07-2017
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 4,207 defa görüntülendi
Bu makale hakkında yorumunuzu yazın!