دواڕۆژ، ئاوارە حەمید
لیژنەکانی قایمقامیەتی قەزای ناوەندی #هەولێر# لەماوەی 10 مانگی ڕابردوودا سەردانی 500شوێنیان کردوە، لەو ژمارەیە 150 شوێنیان سزاداوە.
نەبەز عەبدولحەمید، قایمقامی قەزای ناوەندی هەولێر بەدواڕۆژی ڕاگەیاند لیژنەکانی قایمقامیەتی قەزای ناوەندی هەولێر دوو چێشتخانە و کۆگایەکیان داخست بەهۆی بەکارهێنانی گۆشتی خراپ.
رونیشیکردەوە کە لەماوەی 10 مانگی ڕابردوودا لیژنەکانی قایقمامی قەزای ناوەندی هەولێر سەردانی 500 چێشخانە و مارکێت و شوێنیان کردوە، لەو ژمارەیە 150 شوێنیان بە سزای ماددی و داخستن سزاداوە.
نەبەز عەبدولحەمید وتیشی 112 ملیۆن دینار سزای ئەو شوێن و چێشتخانە و کۆگا و مارکێتانە بووە کە سەرپێچی ڕێنماییەکانیان کردوە.
باسی لەوەشکرد کە سەردانی لیژنەکان بەردەوامی هەیە و ئێستاش بەهۆی بەرزبوونەوەی پلەی گەرمی لە شەوان و ڕۆژدا لیژنەکان سەردانەکانیان چڕکردۆتەوە بۆ ئەوەی ڕێنماییەکانی شارەوانی و تەندروستی وەک خۆیان جێبەجێ بکرێن.
05-07-2017