یەکەمین کۆنفرانسی ئابوری #ژنانی باکوری سوریا#، کە لە شاری #دێرک#ی #ڕۆژئاوای کوردستان# بەڕێوەدەچوو و 150 ژن تێیدا بەشداربوون، شەوی ڕابردوو پاش دوو ڕۆژ کۆتاییهات.
ئامادەبووان لە کۆنفرانسەکەدا شێوەکانی ڕێکخستنی ئابوری ژنانیان خستە بەر باس و بۆ ئەو مەبەستەش بەهێزکردنی پەروەردەی ژنان لە بواری ئابوریان پێشنیارکرد.
لە کۆنفرانسەکەدا بڕیاردرا، ئەنجامە گشتییەکانی کۆنفرانسەکە بەم زووانە لە ڕێگای کۆمیتەی ئامادەکارەوە ڕابگەیەندرێت.
لە کۆتایی کۆنفرانسەکەدا بەشداربووان، گۆشەگیرکردنی عەبدوڵا ئۆجالان- ڕێبەری پەکەکەیان شرۆڤەکردو ڕاگەیەندراوێکیان لەو بارەیەوە خوێندەوە.
لە ناوەڕۆکی ڕاگەیەندراوەکەدا هاتووە:بە قورستربوونی گۆشەگیرکردنی عەبدوڵا ئۆجالان، نیگەرانییەکانی گەلی کورد سەبارەت بە دۆخی تەندروستییەکەی زیادیان کردووە، هەموو دەستکەوەتەکانمان بەرهەمی فەلسەفە و بیر و تێڕوانینەکانی ڕێبەر ئاپۆیە، ئێمە وەکو ژنانی باکوری سوریا بێدەنگی کۆمەڵگای نێودەوڵەتی لە ئاست گۆشەگیرکردنی عەبدوڵا ئۆجالان شەرمەزاردەکەین.
پاش خوێندنەوەی ڕاگەیەندراوەکە دروشمی بژی سەرۆک ئاپۆ و بژی بەرخۆدانی ژن وترایەوە.
رۆژنیوز
17-06-2017