دواڕۆژ، ئاکۆ حەمەد رابی
وەزیری کاروباری شەهیدان و ئەنفالکراوان ئاشکرایدەکات، لەوەتەی شەڕی داعش دەستیپێکردوە دە هەزار و 760 پێشمەرگە بوونەتە قوربانی، دەشڵێت، 63 پێشمەرگەش و بەدیلی کەوتونەتە دەستی چەکدارانی ئه و رێکخراوە.
مەحمود حاجی ساڵح، وەزیری شەهیدان و کاروباری ئەنفالکراوان ئەمڕۆ یەکشەممە 4ی حوزەیرانی 2017 لە کۆنگرەیەکی رۆژنامەوانیدا رایگەیاند، لەوەتەی شەڕی دژی داعش لە کوردستان و ناوچەکە دەستیپێکردووە تاکو ئێستا 1760 پێشمەرگە له و شەڕانەدا شەهیدبوون و 9 هەزار پێشمەرگەش برینداربوون.
لەبارەی ژمارەی پێشمەرگە دیلەکانیشەوە وەزیری شەهیدان ئاماژەی بەوەدا 63 پێشمەرگەش وەک دیل لای داعشن و چارەنووسیان نادیارە.
ئاشکراکردنی ئه و زانیاریانە لەلایەن وەزیری شەهیدانەوە ئەمڕۆ لەمیانەی کردنەوەی مۆزەخانەی کەلوپەلی شەهیدانی سۆران-دا بوو کە لەلایەن کچە پێشمەرگەیەکی شارۆچکەکە لە نێو بینای بەڕێوەبەرایەتی شەهیدانی سۆران کرایەوە.
04-06-2017