دواڕۆژ، نوسینگەی هەولێر
بریکاری وەزیری کارەبای حکومەتی هەرێمی کوردستان، ئاشکرایدەکات، لە 40%ی کارەبای هەرێمی کوردستان لە لایەن هاووڵاتیانەوە بەفیڕۆدەچێت.
هۆگر شاڵی، بریکاری وەزیری کارەبای حکومەتی هەرێمی کوردستان بە دواڕۆژی ڕاگەیاند بەهۆی خراپ بەکارهێنانی کارەبا و زیادەڕەویکردن و نەبوونی پێوەری زیرەک لە 40%ی ئه و کارەبایەی لە هەرێمی کوردستان بەرهەمدەهێنرێت لە لایەن هاووڵاتیانەوە بەفیڕۆدەدرێت.
بریکاری وەزیری دارایی، ئاشکراشیکرد، بۆ ڕێگریکردن لە بەفیڕۆدانی ئه و ڕێژە زۆرەی کارەبا لە ساڵی داهاتووەوە ئامێری پێوەری زیرەک لە ماڵ و شوێنە بازرگانی و پیشەسازییەکان دادەنرێت.
هۆگر شاڵی، ئەوەشی خستەڕوو، هاوبەشە بازرگانییەکان و هاووڵاتیان و دامەزراوە میرییەکان زیاتر لە 500 ملیار دیناری وەزارەتی کارەبا قەرزدارن سەرەڕای پارەی ئه و کارەبایەی کە بەهۆی زیادەڕەویکردنەوە بەفیڕۆدەچێت.
وتیشی هەرێمی کوردستان کێشەی لە بەرهەمهێنانی کارەبادا نییە، بەڵکو کێشە لە شێوازی دابەشکردنی کارەبا هەیه و پێویست دەکات ڕێکبخرێتەوە، بۆئەمەش پڕۆژه و بەرنامەمان هەیە.
22-05-2017