خەڵکی ناوچەی #پیرانشار# بوو. پێشمەرگەی #هێزی ئەفشین#ی حدکا بوو.
ساڵی 1982 لە شەڕێکی ناوچەی #نەغەدە# بریندار دەبێت و بە دیل دەگیرێ. مراد سێ ساڵ لە زیندان بەبرینداری و بێ ئەوەی حەول بۆ چارەسەری زامەکانی بدەن، لە زیندان ڕایدەگرن و کەس هیچ هەواڵێکی لە مراد نابێ و پێیان وایە شەهید بووە.
دوای سێ ساڵ مراد کە برینەکانی قوورس دەبن و لە زیندان پێی ڕاناگەن، لاقێک و دەستێکی دەبڕنەوە و دواتر ئازادی دەکەن.
ساڵی 1985 مراد خۆی دەگەیەنێتە پێشمەرگەکانی حیزب و ئەوانیش دەینێرنە نەخۆشخانەی حیزب لە #مەزناوێ# و دواتریش بۆ نەخۆشخانەی شۆڕش لە دەشتێوی بناری کێوی #ئاسۆس# لە ناوچەی قەڵادزێ. هەر ئەو ساڵە حیزب مام مراد و چەند پێشمەرگەی دیکە بۆ چارەسەر دەنێرێتە وڵاتی سوید و لەو کاتەوە تا ڕۆژی کۆچی دوایی لە سوید مایەوە.
پیشمەرگەکان مرادیان خۆشدەویست و ناویان نابوو '' مام مراد''. بەداخەوە مراد بە نامرادی و دوور لە کەسوکار و ئازیزانی لە غوربەت سەری نایەوە. [1]