#عوسمان حەسەن فەرەج#، خەڵکی گوندی #گۆلباخی# ناحیەی #قادرکەرەم# بووە، خێزاندار بووە و خاوەنی 5 منداڵ بوو، بەر #لەئەنفال# پیشەی بەقاڵی و جوتیاری بوو، لەگەڵ ئەوەشدا خوێندەوارییەکی سادەی هەبووە و لەکاتی دەستپێکی پرۆسەی ئەنفالدا هەست بە مەترسییەکانی دەکات و نامەیەک ئاڕاستەی عومەری برای دەکات کە مامۆستا بووە لەناو ناحیەکە.
عومەر حەسەن ئه و کەسەی نامەکەی لەلایەن براکەیەوە بەدەست دەگات بۆ دواڕۆژ وتی لەساڵی 1988 مامۆستا بووم لەناحیەی قادرکەرەم، ماڵی باوکم لە گوندی گۆلباخی نزیک قادرکەرەم بوو، له و کاتەدا هەواڵ لەناوچەکەدا بڵاوبۆوە کە قادرکەرەم دەڕوخێنن، عوسمانی برام کەمێک خوێندەواری هەبوو ئه و نامەیەی بۆ ناردم.
وتیشی له و کاتانەدا ڕژێم خەریکی چۆڵکردنی گوندەکان بوو، لەدوای ئه و نامەیەوە گوندەکەمان بەر شاڵاوی ئەنفال کەوت، هەموو خەڵکەکەیان لە گوندی ئالیاوە کۆکردبۆوە و براکانم عوسمان و ئەبوبەکر و عەلی (هەرسێکیان خێزانداربوون) بەشێک بوون له و خەڵکانە و نەمانتوانی هیچیان بۆ بکەین، بەداخەوە بەر شاڵاوی ئەنفال کەوتن و نەمانبینینەوە.
عومەر حەسەن ئەوەشی وت توانیمان خێزانەکانیان لای خۆمان بپارێزین و دوو خیزانیان ببەین بۆ کەرکووک و ئەوی تریان بۆ بەغدا تا ماوەیەکی زۆر دوای ئەنفال گەڕانمانەوە بۆ چەمچەماڵ.
بەرزان کوڕی عوسمانی ئەنفالکراو بۆ دواڕۆژ وتی ئه و کاتەی باوک و مامەکانم ئەنفال دەکرێن، تەمەنی من منداڵ بووە، بەڵام وەکو ئەوەی لە کەسوکارەکەم بیستووە، باوکم ئه و نامەیەی ناردووە تا مامم و باپیرم فریای بکەون.
وتیشی ئه و نامەیە لای ئامۆژنم پارێزراو بوو، دوو ساڵ پێش ئێستا نامەکەی پێداینەوە، هۆکارەکەشی ئەوە بوو کەبرینمان نەکولێنێتەوە.
بەرزان بەدەم هەڵکێشانی ئاهێکەوە وتی بەبیانووی ناونووسین بۆ سەربازی، باوکم و ئەوانیان دەستگیرکرد و لە ئالیاوە کۆیان کردنەوە و ئیتر نەگەڕانەوە.
27-02-1988
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,068 mal angesehen
Schreiben Sie Ihren Kommentar zu diesem Artikel!