دواڕۆژ، رەڤەند گوھەرزی
ل گور گۆتنا رێڤەبەرێ رێڤەبەریا گەشت و گوزاری ل پارێزگەھا دھۆکێ، ژمارا وان گەشتیارێت ل دەرڤەی سنوورێ ھەرێما کوردستانێ چ ژناڤەراست و ژێریا عیراقێ یانژی ژدەرگەھێ کومەڵگەھا ئیبراھیم خەلیل ھاتینە جھێت گەشتیاریێت پارێزگەھا دھۆکێ دڤی ماوەیدا گەھشتینە 27 ھەزار گەشتیارا .
عبەیدۆڵا داود، رێڤەبەرێ رێڤەبەریا گەشت و گوزاری ل پارێزگەھا دھۆکێ بۆ دواڕۆژ گۆت لدیف دەستەیا گشتی یا گەشت و گوزار ئامارا گەشتیارا ل سەر ئاستێ ھەرێما کوردستانێ ل 15ی ھەیڤا سێ تا 25 ھەیڤێ ژمارا وان گەشتیارێت ل دەرڤەی سنوورێ ھەرێما کوردستانێ چ ژناڤەراست و ژێریا عیراقێ یانژی ژدەرگەھێ کومەڵگەھا ئیبراھیم خەلیل ھاتینە جھێت گەشتیاریێت پارێزگەھا دھۆکێ دڤی ماوەیدا گەھشتینە 27 ھەزار گەشتیارا.
دیارکر ژی 81% ژ وێ رێژا گەشتیاران ل دەرگەھێ کومەڵگەھا ئیبراھیم خەلیل یێت ھاتین و 19% ل دەروازێن دی یێت ھاتینە جھێن گەشتیاری ل پارێزگەھا دھۆکێ و ل سەر ئاستێ گەشتیاریا نافخۆ ژی ژمارەیەکا باش و بەرچاڤا گەشتیاران ل ھەولێرێ و سلێمانیێ و کەرکوکێ و حەلەبچە و یێت ھاتینە جھێن گەشتیاری ل پارێزگەھا دھۆکێ.
ناڤھاتی خۆیاکر مە تیمێن خۆ یێن تایبەت پێک ئینابوون بۆ پێشوازیکرن و خزمەتکرنا گەشتیاران و ب لافیتە و شرینیاھیا و ئاڤێ و رێبەرێن گەشتیاری یاریێت نەورۆزێ و ئاڵایێن کوردستانێ و کیسێت گلێشی و پرۆژەیێ جەژنا نەورۆزێ و کارتێن پیرۆزباھیێ مەل سەر دابەشکرن.
دازانین ژی ھیچ ئاریشەیەک بۆ گەشتیاران ل جھێن گەشتیاری یێن پارێزگەھا دھۆکێ پەیدا نەبوویە چ ل سەر ئاستێ دەرڤەی ھەرێمی و چ یێن نافخۆ ب رەنگەکێ رێک و پێک چ ڤەحەواندن بیت چ ژی ل زاڵگەھا بیت دەمێن خۆ ب شێوەیەکی نوورماڵ ل جھێن گەشتیاری یێت بوراندی .
گۆت ژی ھەر چەندە سەقا ھندی یێ باش نەبوو مە ھزردکر خەڵک نەشێت دەرکەڤیت بەس خەڵکی پێ خۆ دانا سەر وی سەقایێ سار و رێژەیەکا گەلەکا بەرچاڤا خەڵکی مە چوونە سەیرانگەھێت سرۆشتی و دەووڕووبەرێت دھۆکێ و ھەمی قەزایێت دی ژی .
ل گور گۆتنا رێڤەبەرێ رێڤەبەریا گەشت و گوزاری ل پارێزگەھا دھۆکێ، تارادەیەکێ رەوشەنبیریەکا باش یال دەف خەڵکی مە پەیدابووی بۆ پاقژ راگرتنا ژینگەھێ و ئەڤ ساڵە ژ ساڵا بووری باشتر بوو ھێدی ھێدی ل دیف بزاڤ و چالاکیێت مە و سازیێن دی یێن پەیوەندیدار رەوشەنبیریەکا باش یا پەیدا دبیت کو سامانەکێ مەیێ نەتەوییە و ماڵا مەزنا مەھەمیایە .
#27-03-2017#