رۆژی 13-11-2016، ڕێکخراوی نێودەوڵەتیی هیومان ڕایتس ۆچ ڕاپۆرتێکی دەیان لاپەڕەییی بە هەرسێ زمانەکانی ئینگلیزی، کوردی و عەرەبی بەناونیشانی (نیشانەکراوەبه "X" وێرانکردنی ئەو ماڵ و گوندانەی دەکەونه ناوچەکانی شەڕی داعش لەلایەن هێزه کوردیەکانی عیراقەوه) بڵاوکردەوە.
لەم ڕاپۆرتەدا بە پشتبەستن بە کۆمەڵێک داتا، ئەرگومێنت و وێنەی ساتەلایتی باس لە ڕووخاندنی (بەمەبەست – وەک ئاماژەی پێکراوە) گوندە عەرەبییەکانی باشووری کەرکووک، دەشتی نەینەوا و زوممار کراوە.
راپۆرتەکە جەخت لەوە دەکاتەوە کە دەسەڵاتدارانی کوردی و هێزی پێشمەرگە، شەڕی دەوڵەتی ئیسلامییان کردووەتە بەهانە بۆ ڕووخاندنی ئەو ماڵە عەرەبانە.
هەڵبەت ئەوە مەبەستی ئەو ڕاپۆرتە نییە کە ئەو شوێنە عەرەبنشینانە پێشتر زەوی و ماڵی کورد بوون و بەهۆی سیاسەتی بەعەرەبکردنی ئەو ناوچانەوە هێنراونەتە ئەو ناوچانەوە و نیشتەجێکراون. بەڵام ڕاپۆرتەکە زۆرتر جەخت لە بنەماکانی مافی مرۆڤ و لانەوازبوونی مرۆڤ دەکات بەگشتی. باسیش لەوە دەکات کە هێزی پێشمەرگە بنەما یاساییە نێودەوڵەتییەکانی پێشێلکردووە.
ئەم جۆرە ڕاپۆرتانە ترسناکن و چونکە سروشتی بیرکردنەوەی خۆرئاوایی وەهایە، گەر بیانەوێت لە لایەنێک، دەوڵەتێک یان دەسەڵاتێک بئاڵێنن، ئاوا پێش هەموو شتێک کێشەی مافی مرۆڤ و پیشێلکردنی بنەما نێودەوڵەتییەکانی بۆ دێننە کایەوە و کاری لەسەر دەکەن تا دەگەنە ئەو مەبەستە شاردراوەیەکی کە خۆیان مەبەستیانە.
دەستەڵاتدارانی باشووری کوردستان دەبێت زۆر بە گرنگییەوە بڕواننە ئەم ڕاپۆرتانە و وەڵامی دروستیان لە بەرامبەردا بە داتا و ئەرگومێنتی بەهێز بداتەوە.. چونکە لێدوانێک یان بەیاننامەیەکی حکومەتی هەرێم نەک هەر بەس نییە، بەڵکو ناوەڕۆکی ئەو ڕاپۆرتانە باشتر دەسەلمێنێت!
هاوڕێ باخەوان
14-11-2016
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 13,054 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!