لە بەرامبەر هێرشە شۆڤینیەکانی دەوڵەتی تورکیا بۆ سەر نوێنەرانی گەلی کوردمان و دەستگیرکردنی هاوسەرۆکانی پارتی دیموکراتی گەلان وپەرلەمانتارانی (HDP) بزووتنەوەکەمان بزووتنەوەی دیموکراتی گەلی کوردستان سەرکۆنەی هێرشەکان دەکات و پێمان وایە هەڵسوکەوت و ڕەفتارەکانی دەوڵەتی تورک پشێوی و ئاڵۆزیەکی زۆری لەناوچەکەدا دروستکردووە، بەتایبەت هەڵسوکەوتەکانی بەرانبەر بەگەلەکەمان لە باکوری کوردستان زۆر جێگای نیگەرانی و دڵتەنگی هەموو خەڵکی ناوچەکەیە. وای دەبینین کە دیموکراسیەت و ئازادییە سیاسیەکان ڕۆژ لە دوای ڕۆژ لە بەرتەسکبوونەوەدایه و هەنگاوی زۆر جددی هەن بەره و دیکتاتۆریەت لەم وڵاتەدا، دیارترین نمونەش دەستگیر کرنی هەڵبژێردراوانی گەل (دەمیرتاش و فیگەن و کشاناک و هاورێیانیان) کە بە ڕەوایی هەڵبژێردراون.داوا دەکەین هەرچی زووترە ئەم هێرشانە بوەستێندرێن لە پێناو ڕێگەگرتن لە درێژەدانی پێشێلکردنی مافە ڕەواکانی گەلەکەمان و مافە دیموکراسی و مەدەنیەکان.لەهەمانکات داوا لە کۆمەڵگای نێودەوڵەتی دەکەین بەر بەم ڕەفتارە شۆڤینیانە بگرن و سنورێک بۆ سەرەرۆییەکانی تورکیا لەناوخۆو ناوچەکە دابنێن. جاریکی دیکە سەرکۆنەی ڕەشبگیری دەکەین و پێمان وایە کە تێکۆشانی گەلەکەمان بەم شێوازە نابەرپرسانە زیاتر بره و دەسەنێ.
سەرکەوێ ئیرادەی گەل لە پێناو ئازادی و دیموکراسی
مەکتەبی سیاسی
بزووتنەوەی دیموکراتی گەلی کوردستان
04-11-2016
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 10,784 defa görüntülendi
Bu makale hakkında yorumunuzu yazın!