پێنەجەمین کۆنگرەی پژاک بەڕێوەچوو و تیایدا، سیامەند موعینی و زیلان ڤەژین وەک هاوسەرۆکانی نوێ هەڵبژێردران.
پارتی ژیانی ئازادی کوردستان (پژاک) پێنجەمین کۆنگرەی خۆی لە ڕۆژانی 15 و 16ی ئۆکتۆبەر بە بەشداری82 کەس لە ئەندامانی خۆی لە هەرێمەکانی پاراستنی مەدیا بەڕێوەبرد.
لە کۆنگرەکەدا، پژاک کار و چالاکی دوو ساڵەی ڕابردووی خۆی نرخاند و ڕاپۆرتی خۆی پێشکەش بە کۆنگرە کرد، کە تیایدا ئاماژە بەوە کراوه، کە پژاک وەک پارتێکی سیاسی ڕۆژهەڵاتی کوردستان و ئێران دەبێت ڕۆڵ و بەرپرسیارێتی خۆی بۆ جێگیرکردنی سیستەمی نەتەوەی دیموکراتیک لە کوردستان و ئێران پێکبهێنێت.
لەو کۆنگرەیەدا ئەندامانی ئەنجومەنی پژاک بە ڕێگای هەڵبژاردن دیارکران و هەروەها سیامەند موعینی و زیلان ڤەژین وەک هاوسەرۆکانی نوێ هەڵبژێردران.
پژاک لەم کۆنگرەیەدا وێڕای ڕەخنە لە ڕژێمی ئێران جەختدەکاتەوە، کە دەیەوێت پرسی گەلانی ئیران بە ڕێگای سیاسەتی دیموکڕاتیک چارەسەر بکرێت و لەسەر ئەو باوەڕەیە ئەگەر بێتو ڕژێمی ئێران ویست و داخوازیە دیموکراتیکەکانی گەلانی ئێران بەتایبەتی گەلی کورد لەبەر چاو نەگرێت، شەپۆلی قەیرانەکانی ڕۆژهەڵاتی ناوەڕاست ئه و وڵاتەش دەگرێتەوە.
هاوکات پژاک داوا لە سەرجەم هێزە سیاسیەکان و کۆمەڵگای مەدەنی ڕۆژهەڵاتی کوردستان و ئێران دەکات کە هەوڵەکانی خۆیان بۆ سازکردنی بەرەیەکی هاوبەش بۆ دیموکراتیزە کردنی ئیران چڕتر بکەن.
پارتی ژیانی ئازادی کوردستان کە ساڵی 2004 لەلایەن هەندێک لە خوێندکارانی تەڤگەری ئازادی کوردستان دامەزرا و لە ماوەی 12 ساڵ خەبات و چالاکی خۆی بەردەوام هەوڵیداوە کێشەی کورد لە ئیران بە زمانێکی سیاسی و دیموکراتیک چارەسەر بکات، بەڵام ڕژێمی ئێران هەرکات وەڵامی داخوازیەکانی بە هێرش و گرتن و سێدارە داوەتەوە.
24-10-2016
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 13,919 times
Write your comment about this item!