- چەکدارانی داعش بەتەواوەتی لە کەرکووک پاککرانەوە و قەدەغەکردنی هاتووچۆ هەر بەردەوامە، هێزی پێشمەرگە و ئاساییش گەڕەکە عەرەبەکان دەپشکنن، لەم گەڕانانەدا سەدان عەرەبی بێناسنامەیان دەستگیرکردووە.
- چەتەیەک لە گەڕەکی (ئەسرا و مەفقودین)ی شاری کەرکووک لە لایەن هێزە ئەمنییەکانەوە دەستگیر کرا، نەقیبێکی هێزە ڕەشەکەش ئاماژە بەوە دەکات کە ئەو چەتەیە خەڵکی شارەدێی حەویجەی خوار کەرکووکە.
- دوو پێشمەرگە ئێوارەی ئەمڕۆ لەمیحوەری ڕۆژئاوای دیجلە بەهۆی گولە هاوەنی چەکدارانی داعشەوە شەهیدبوون و دووانی دیکەش برینداربوون.
- ئەنجومەنی نوێنەرانی عیراق هاوردەکردن، دروستکردن و فرۆشتنی خواردنەوە کحولییەکانی قەدەغەکرد، بڕیارەکە لەسەرتاسەری عیراق جێبەجێ دەکرێت و هەرێمی کوردستان ناگرێتەوە.