11-09-2016
- لە زۆربەی شارەکانی باکوری کوردستان سەرلەبەیانی ئەمڕۆ هێڵی ئینتەرنێت پچڕاو تائێستا هۆکارەکەی نادیارە، بەپێی ئاژانسی دۆغانی تورکی بڕانی هێڵی ئینتەرنێت شارەکانی (ئامەد – باتمان- سیرت- ماردین – دێرسیم – ئەلازغ – بینگول – وان – هەکاری- ئۆرفا – عەنتاب – ئادیەمان – مەرعەش – کلیس و ئەرزروم) گرتووەتەوە.
- رەجەب تەیب ئەردۆغان سەرۆک کۆماری تورکیا، پارتی کرێکارانی کوردستان (پەکەکە)ی بەوە تۆمەتبارکرد کە هەوڵی پەکخستنی ئۆپەراسیۆنی قەڵغانی فورات دەدات کە وڵاتەکەی چەندین هەفتەیە لەناو قوڵایی خاکی سوریا دەستیپێکردووە.
- فراکسیۆنی گۆران لە پەرلەمانی عێراق ئەمرۆ یەکشەممە سەردانی جێگرانی سکرتێری گشتی یەکێتیان کردو "پەیامی بێلایەنی" فراکسیۆنەکەیان سەبارەت بە کێشەکانی نێو یەکێتی بە ناوەندی بریاری ئەو حزبە گەیاند.
- لەیلا ئیمرەت سەرۆکی شارەوانی شاری جزیرە لەباکوری کوردستان لەگەڵ یونس دوردو ئەندامی ئەنجومەنی دەبەپە لەلایەن پۆلیسی تورکیاوە لەشاری جزیرە دەستگیرکران.
- لەماوەی 24 کاتژمێری رابردودا پێنج کەس لەشارەکانی هەولێرو سلێمانی بەتۆمەتی دزیکردن دەستگیرکران، ئەوەش بەپێی راگەیەنراوی پۆلیسی ئەو دوو شارە.
- دوانیوەڕۆی ئەمڕۆ ئاگر لە شاخی گۆیژە لە سلێمانی کەوتەوە، بەرگری شارستانیش دەڵێت ئاگرەکە کۆنتڕۆڵ کراوەو زیانی زۆر نەبووە.
- باڵیۆزخانەی ئەمریکا لە ئەنقەرە نیگەرانی خۆی پیشاندا لە روداوەکانی باکوری کوردستان، ئەوەش دوای دوورخستنەوەی 28 سەرۆک شارەوانیی لەلایەن حکومەتی تورکیاوە کە زۆرینەیان کوردن.
bike bo krdineweyi babeteke bew zimaneyi ke pêyi nûsirawe!
⚠️ ئەم بابەتە بەزمانی (🏳️ کوردیی ناوەڕاست) نووسراوە، کلیک لە ئایکۆنی بکە بۆ کردنەوەی بابەتەکە بەو زمانەی کە پێی نووسراوە!📌
کوردیپێدیا، رۆژانە (بێلایەنانە) مێژووی کوردستان تۆماردەکات... 📅 Krronolojiyay rûdawekan