لە کاتێکدا ڕۆژنامەنووسان لە بەرامبەر چەتەکانی داعش لەبەرەکانی شەر هەواڵ دەگوازنەوە و تووشی چەندین ئاستەنگ دەبنەوە...مخابن ڕۆژی 13-08-2016 هەواڵی تیرۆرکردنی ڕۆژنامەنووس وداد حوسێن عەلی ناسراو بە وداد دهۆکی ؛ کە لە تۆڕی هەواڵی ڕۆژ نیوز کاریدەکرد لە شاری دهۆک ؛ لە کاتێکدا هەواڵی تیرورکردنی ئەو ڕۆژنامەنووسەمان بیست دیسان برینی زامی بنەماڵەکانی ڕۆژنامەنووسانی دەستی تیرۆر دەکولێنێتەوە..لە هەمانکاتیشدا پێشێلکاریەکی ڕاستەوخۆی مافی ڕۆژنامەنووسان و ئازادی ڕۆژنامەنووسییە لە کوردستاندا...
ئێمە لە لیژنەی داکۆکی لە مافی ڕۆژنامەنووسان وئازادی ڕۆژنامەنووسی لە ئەنجومەنی سەندیکای ڕوژنامەنووسانی کوردستان، داوا لە حکومەتی هەریمی کوردستان و وەزارەتی ناوخۆ و دەزگای ئاسایشی هەرێم و پۆلیس دەکەین تاوانباران بدۆژێتەوەو تەسلیم بەدادگای بکات،..
ئێمە پێشتر و ئێستا و سبەی هەر داکۆکیکاری سەرسەختی پێشێلکارین دژی ڕۆژنامەنووسانی کوردستان ؛ ئەندامی سەندیکا بێت یاخود نا..
دروود بۆ کیانی بەرزەفری ڕۆژنامەنووسانی شەهید...
ئەنجومەنی سەندیکای ڕۆژنامەنووسانی کوردستان /
لیژنەی داکۆکی لە ئازادی ڕۆژنامەنووسی و مافی ڕۆژنامەنووسان لە کوردستان /
هەولێر
13-08-2016