ئامر فەوجی 2 تۆپخانەی سەر بە لیوای 111 ی هێزەکانی پێشمەرگەی کوردستان.
لە ڕێکەوتی #01-07-1969# لە گوندی #دەربەندفەقەرە# ی سەر بە شارەدێی #عەربەت#، لە بناری #قەرەداغ# لەدایکبووە، لە ساڵی 1984وە پەیوەندی بە ڕێکخستنەکانی (ی.ن.ک)وە کردووە و دوای ئەوەی ئەم پەیوەندییەی لای ڕژێم ئاشکرا دەبێت لە ساڵی 1986 هەڵدێت و دەبێتە پێشمەرگە لە کەرتی 2ی تیپی 55ی قەرەداغ تا ساڵی 1988 و دواتر بە هۆی قورسی گوزەرانی خێزانەکەیەوە دەگەرێتەوە ناوشار و لەگەڵ ئەوەشدا هەر پەیوەندی بە ڕێکخستنەکانی ناوشارەوە دەمێنێت و لە ڕاپەڕینی 1991 یشدا ڕۆڵی بەرچاو دەگێڕێت لە ڕزگارکردنی شاری #سلێمانی# و شاری #کەرکووک#دا و دواتریش بەشێکی زۆر لە پلە سەربازییەکان دەبرێت لەناو هێزی پێشمەرگەدا و لە ساڵی 1997یش دەنێردرێتە (خولی یەکەمی فەرماندەکان)ی کۆلێژی سەربازی #قەڵاچوالان# و پاش تەواوکردنی خولەکە بە سەرکەوتووی دەبێتە ئەفسەری2، دواتر لەسەر میلاکی کەتیبەی دژە تانک کراوەتە فەرماندەی ڕەعیل، لە ساڵی 2014 بووەتە جێگری فەرماندەی (فەوجی 1 ی پیادەی میکانیکی لیوای 111ی سەر بە هێزەکانی پشتیوانی 2.
لە سەرەتای ساڵی 2015 کراوەتە فەرماندەی فەوجی 2 ی پیادەی میکانیکی لیوای 111 ی سەر بە هێزەکانی پشتیوانی 2 و بەشداری هەموو شەڕەکانی دژ بە تیرۆریستانی داعش کردووە، وەک ئازادکردنی #جەلەولا# و #قەرەتەپە# و #کوباشی# و #تەلوەرد# و ئازادکردنی #سەلمان بەگ# و بەرگریکردن لە سنورەکانی کوردستان.
لە ژیانی پێشمەرگایەتی و سەربازییدا، دوو جار بریندار بووە، لە بەرواری #24-04-2016# لە نەبەردییەکدا دژ بە نەیارانی کورد و کوردستان، بە دەستی حەشدی شەعبی لە #دوزخورماتوو# شەهیدکرا و گەشتە کاروانی نەمران.
عەقید شاڵاو لە پاش خۆی، چوار منداڵی بۆ خزمەتی گەل و نیشتیمان بە ناوەکانی (سیڤا و ژوان و دیلان و چێوار) جێهێشتووە.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 9,058 times
Write your comment about this item!