کۆمەڵەی یەکێتییە دێرینەکان پەیامێکیان بڵاوکردووەتەوە و لە بەشێکی پەیامەکەیاندا باس لەدیداری سلێمانی دەکەن و گوایە (ملیۆنان دۆلاری تێچووە).
هەرچەندە ئەم پرسە پەیوەندیدارە بەزانکۆی ئەمریکی لە سلێمانی دەکرا بۆ سۆراغ و گەیشتن بەڕاستی و دروستی بڕی تێچوونی دیدارەکە پەیوەندیان بکردایە بە ئیدارەی زانکۆی ئەمریکییەوە، بەڵام بەداخەوە وایان نەکردووە و لەخۆیانەوە کە ڕەنگە لە پەرۆشیشیان بێت مەزندەی تێچوونێکی ناڕاستیان کردووە، بۆیە دەمانەوێت ڕوونیبکەینەوە کە بەپێچەوانەی ئەو خەمڵاندنە ناڕاستە، بەشدارانی دیداری سلێمانی خۆبەخشانە بەشداربوون و هیچ کەس و کەسایەتییەک هیچ بڕە پارەیەکی وەرنەگرتووە، بۆیە بڕی تێچوونەکەی زۆر ڕەمزی بووە و ئەوەش کە تێیچووە بەهاوکاری کۆمەڵێک سپۆنسەری نیشتمانپەروەر و بەهیمەتی خۆبەخشانەی خوێندکارانی زانکۆ ئەمریکی بووە.
دیداری سلێمانی بۆنەیەکی ساڵانەی سیاسی و ڕۆشنبیری گەورەیە بۆ کوردستان و سلێمانی، ڕاستە دیدارێکی هاوشێوه لە هەر جێگایەکی تردا بێت ملیۆنان دۆلاری تێدەچێت، بەڵام بەشداری دەیان کەسایەتی ناسراو لەسەر ئاستی جیهان و ناوچەکە و عیراق و کوردستان ئامادەبوونی خۆبەخشانەیان کە نیشانەی ڕێزلێنانیانە لە زانکۆ و شاری سلێمانی و ڕێکخەرانی دیدارەکە، بڕی تێچوونەکەی دیداری سلێمانی زۆر ڕەمزی و پێچەوانە کردەوە.
نووسینگەی ڕاگەیاندنی د.بەرهەم ساڵح
10-04-2016
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,200 mal angesehen
Schreiben Sie Ihren Kommentar zu diesem Artikel!